Monday, January 10, 2011

Цагаан ногоон сар

Шинэ жил, нийллэг энэ тэр нь дуусч цагаан ногоон сар болох гээд бэлтгэл ажилдаа орсон дуулдана, миний муу эжий аав хоёр. Жил ирэх тусам өргөн дэлгэр, баян цатгалан тэмдэглэдэг болоод байгаа сурагтай. Хөлд нь үрэгдэх шинжтэйм гэж ирээд л ээж үглэх. Бид энд ирээд 7 дахь жилдээ орсныг ч хэлэх үү, цагаан сарыг сүртэй тэмдэглээгүй удсаныг ч хэлэх үү, манайхан идэж уух баярыг арай л сүр бадруулж тэмдэглээд байх шиг санагдаад байдаг болсон байна дөө. За тэгээд зарим нэг хүмүүс хүүхдүүд нь гадаадад байдаг юм байж наана уу цаана уу гэж илүү үздэг юм шиг байгаан. Аминдаа л хүүхдүүдийнхээ нэрийг бодоод аятайхан элбэг дэлбэг байлгах гэж л хэрэндээ хичээдэг гэж байна. Сүүлийн үед бэлэг нь томроод байгаа сурагтай гэнэ. Эрээнээс юм зөөх нь ч багасаж л байгаа сурагтай. Ноолуур энэ тэр өгч авалцдаг болж байгаам байх. Тэр ч яахав,үндэсний үйлдвэрлэлээ дэмжээд сайхан л юм. Гэхдээ бас ноолуур нь хэдэн төгрөг, тэтгэвэр болон цалин нь хэд билээ бодууштай л асуудал.
За бас ууцны асуудал байна. Нээх аймар өөхтэй тарган хонины ууц аваад тавьчихаар дараа нь идэх юм олдохгүй, өөхийг нь бараг л хаях дээрээ тулдаг даа. Дараа нь идүүштэйг нь бодоод өвчүү авдаг байсан чинь энэ жил ууц авах сурагтай манай хоёр. Өвчүүгээ л авахгүй юу даа гэж би эндээс жаахан үглэлээ. Хэ хэ.
Уламжлалт баяраа тэмдэглэхгүй байна гэх ч хаашаа юм, уг нь би цагаан сарт дуртай. Олон гоё дурсамжууд байдаг юм. Олуулаа дисант буухаар хөөрхий ээж минь будилна, нэг өгсөн хүүхдэдээ хоёр дахиа бэлэг өгөх гэж дайрна. Заримыг нь бэлэггүй гаргаж, дараа нь уучлалт гуйгаад нөхөж өгнө. Би бэлэг зөөж хүнд нь өгдөг байлаа, жаахан тиймхэн бэлэг өгөх гэж байгаа бол дурамжхан, аятайхан бэлэг өгөх гэж байгаа бол цаанаа л пээдгэр. Өөрийн цуглуулсан бэлгээсээ ээжтэйгээ солилцоно, муухныг нь ээждээ бэлэглэнэ, гайгүйг нь өөртөө үлдээнэ. Яарч буузаа түүхий гаргана, сүүлдээ буузнаасаа уйдаж шал дэмий жигнээд тэрнийхээ гурилыг хатааж махыг нь л иднэ гээд л. Хүүхэд насны минь дурсамж олон. Олуулаа бужигнаад, тэр бүр уулзалдаад байдаггүй хамаатнуудыг уулзуулж бужигнуулдаг болохоор дуртай л байдаг юм.
Гэм нь сүүлийн үед... Баахан шүүмжлэл л бичих гээд байдаг, ингэсгээд бичлэгээ дууслагалаа.
Сониноос гоё ном умшиж байгаа, зургийг нь оруулнаа дуусахаар нь.

4 comments:

Badman said...

Цагаан сар ба хар нулимс гэдэг бодит үзэгдэл болжээнэ дөө.

Anonymous said...

Mongolchuud kapitalist niigemd orsnoo huleen zuvshuurch tsalingiinhaa hereer bayar temdeglej surah tsag n boljee. Sayhnii shine jileer Elbegdorj arhigui temdegley gej ulger uzuulsen tuun shigee. Beleggui ch yumuu esvel neg negendee zugeer dursgal il zahidal shig yum ogdog maygiin ch yumuu kapitalist niigemteigee zohitsson tsagaan sar temdeglemeer yumaa.

Ugaasaa tsagaan sar gedeg chine tom bayar ch baigaagui anh manjiin daranguilliig eserguutsej tomruulsan bayar gee biz dee jinhene tuuheeree.

ZAYA said...

Уг нэр гэр бүлийг хамарсан хамгийн сайхан баяр шүү дээ.
Идэж уух юмаа л ихдүүлээд байх шиг байдгийн.

Pro31 said...

shn l bayr l daa. daanch yriad bga murtluu l hen n ch aytaihan hiichihgui. yrisaar bgaa l hamag ed hurunguu tavih n holgui temdegledeg n gem bish ZAN n bolchood bgaam bish uu gemeer. bi gehed nastandaa zoriulj 1150 buuz hiiv shd. yaj ch yirad daruu, aytaihan utgaar hiih bolomjgui bayr shig bgaam ooooooo. bi nastai blohooroo l temdeglehee baichay gej boddiin, teel boloo.. ~