Saturday, April 29, 2017

Таалдаг зүйлс

Бага, дунд сургуулийн бас нэг таалдаг зүйлээ бичих үү?

Өчигдөр дунд сургуулийнх, 5 сарын 2-нд бага сургуулийн багш нар ангийнхаа хүүхдүүдийн гэрийг яг хаана байрладаг, ангийх нь хүүхдүүд сургууль хүртлээ хэдий хэр хол явж ирдэг, дунд нь гэрлэн дохио хэр олон байна, ойр хавьд нь аюулгүй байдалд нь харшлах зүйл энэ тэр байна уу гэж танадах журмаар гэрийг нь хүүхэд нэг бүрчлэн явж үзнэ.

Гэрт нь орж барихгүй. Гаднаас нь л аан энд байдаг байх нь гэж харна, тэмдэглэнэ.

Ганц нэг ээжүүд таарвал ганц нэг үг сольдог. Би тэр бүр таарахгүй. Ажилтай таараад байдаг юм.

Энэ бас их дажгүй тогтолцоо байгаа биз?

Дээхэн үед гэрийнхээ ойрхон сургуульд л явдаг байсан үед багш нар бас сурагчдынхаа гэрийг хаана байрладгийг мэддэг байсан тэ. Одоо ч мэдэхийн эцэсгүй болоо биз дээ? Бүгд сайн сургууль хөөж гэрээсээ хол сургуульд явдаг болохоор.

Гэснээс миний сурагч байх үе сайхан байжээ. Ялангуяа бага анги. Хэ хэ. Үе үе дурсана аа. Нас ахиж байгаагийнх байх даа. Хи хи

Мөн таалдаг зүйлийн нэг нь өглөөд хичээл эхлэхээс өмнө 15 минут ном уншдаг явдал. Сурагчдын анхаарлыг төвлөрүүлэх зорилготoй.

Бага ангийн уншиж бичиж сураагүй байгаа сурагчид ч сургуулийнхаа номын сангаас дуртай зурагт номоо зээлж ирээд хардаг гэж эртээдийн хурал дээр багш нь хэлсэн.

Номын сан ч гэж үнэн тансаг дөө, бүр атаархаад аазгай хөдлөөд байдаг юм. Хэ хэ.

Өөр юу таалдаг билээ байз? Санахаараа дор бүр нь бичээд явна аа.

Та бүхэндээ амжилт хүсье, бас өөртөө...

2 comments:

Anonymous said...

end harin huuhdiig mashin tergeer ih udaan avch yavj yadraahgui yum. Galt tergeer yavlaa gehed l tsuuhun buudal l yavah. mongold bol (yalanguya UB) huuhdiig olon tsag zamiin tugjeend mashind suulgaad l yavaad baih. biye byaldar oyun sanaanii hugjild ni muugaar nuluuldug baih daa. Mashin chin bas yadaj baihad haluund dotroo muuhai bodis ih yalgaruuldag gej baigaa. Toyota ene ter bol ter muuhai bodis yalgaraliig ni bagasgah geed l material sudlaach erdemtedtei hamtarch ih l yum hiideg yum shig baina lee.

byambaa said...

er ni huuhdiin hudulguuniig udaan horih demii bhaa, te.