Saturday, October 04, 2014

Алим хураалтаар

10 сараа угтав. Өнөөдөр бага зулзагын цэцэрлэгээс жил бүр зохиодог алим хураалт. Энэ тухай бас л жил бүр бичдэг дээ.
Энэ жил том автобусаар явсангүй. Уг нь бол хүүхдүүд ээж аавынхаа хэн нэгтэй бүгд анги ангиараа хуваагдаад автобусанд сууж явдаг юм. Жаахан хүүхдүүд л болсон хойно, бөөн баяр шүү дээ. Хоорондоо шаагиад л. Ээжүүд тэгсгээд чимээгүй л явна. Хоорондоо нэг их чалчаад байхгүй. Ганц нэг таньдагууд нь л хоорондоо тав гурван үг сольж харагддаг юм.
Алим хураах газраа тус тусдаа өөрсдийн унаагаар очицгоосон. Тухайн цэцэрлэгт явдаг хүүхдийг эцэг эхийн нэгнийх нь алим хураах газрын таксыг цэцэрлэгээс төлнө. Энэ мөнгө мэдээж сар бүр эцэг эхээс хурааж авдаг эцэг эхийн зөвлөлийн мөнгөнөөс гардаг. Нэмж ах эгч нь, эмээ өвөө нь явахаар бол өөрсдөө таксаа төлнө. Энэ жил янз бүрийн паагтгүй аятайхан яваад ирлээ. Мэдээж мөнгөө төлж орж байгаа юм чинь олигтойхныг идээд өгнө өө гээд л очно. Байхгүй ээ. Нэгийг идээд л хэхэрч энэ тэр сонин болно доо. 2 төрлийн алим байсан.
Ханхүү мэлхий
Нэг инээдтэй нь нэг мэлхий үсэрч ирээд л бага зулзагын минь гутлан дээр суучихсан. Том зулзага бид хоёр
-Хүүе, ханхүү мэлхий байна аа, үнсчих. Тэгвэл Ханхүү болж хувираад миний охин гүнж болно шдээ
гэж жаал явуулав. Хэ хэ. Мэлхий л бол мэлхий шдээ гээд өнөөх минь үлгэрт итгэдэггүй ээ.

3 comments:

  1. Anonymous12:32 AM

    heregtei, sanaa avahaar, meduushtei bas iim huurhun bichlegt hiidegt tani bayarlalaa.

    ReplyDelete
  2. Anonymous10:36 AM

    goe olon alimnii zurag bhgui u kk

    ReplyDelete
  3. zochilson humuust bayarlalaa.

    ReplyDelete