Wednesday, June 24, 2015

Жаахан бухимдалттай

Яасан гэхээр?
Сар бүрийн эцэст цэцэрлэгээс нэг шар дугтай ирнэ. Дотор нь хэдэн ширхэг зураг, ном захиалсан бол номны мөнгө, эцэг эхийн зөвлөлийн мөнгө, тэр угаалгаж өгсөн зурагныхаа мөнгө зэргийг нэгтгээд хураадаг юм. Ном захиалаагүй тул энэ жилээс номны мөнгө гэж төлөхгүй. За энэ ч яахав сар бүр ирдэг болохоор зүгээр.

Бас нэг бор дугтуй байна. Тэр нь тухайн сард орой цаг сунгаж хүүхдээ харуулсан бол нэмэлт мөнгө төлдөг юм. Тэрнийхээ мөнгийг бэлнээр ингэж дугтуйнд хийж төлнө.

Ёоо бүр нарийн бичихгүй бол та нар минь ойлгохгүй байх. Нарийн бичих гэхээр бас яг юунаас нь эхлэхээ мэдэхгүй л байна шүү.

4 сараас өмнө бол хуучин тогтолцоогоор бол асран хүмүүжүүлэх цэцэрлэг нь өглөө 7:30-аас орой 18:00 хүртэл. Хэрэв 18 цагт амжихгүй бол 19:30 хүртэл сунгаж болдог. Мэдээж үндсэн төлбөрөөс гадна нэмэлт төлбөр төлнө. Үндсэн төлбөр нь тухайн гэр бүлийн орлогын албан татвараас хамаараад төлбөр нь янз янз байна. Оюутнууд, өрх толгойлсон ээж, аав байвал хөнгөлттэй. Бага төлбөр төлнө. Нэг айлын 3 хүүхэд нэг цэцэрлэгт явж байвал 3 дахь нь огт төлбөргүй ч билүү, эсвэл их багыг төллөг ч гэлүү сайн санахгүй байна.

4 сараас хэрэгжиж эхэлсэн шинэ тогтолцоогоор цэцэрлэгт хүүхдээ өгдөг өрх бүрийг А, В, С, Д гэсэн ангилалд хуваасан. А ангилалд нь ээж аав хоёр нь хоёулаа маш завгүй, нэг ёсондоо их оройтож тардаг гэр бүл. В, С ангилалд нь юу билээ? Тарааж өгсөн цаас маасыг нь харахгүй бол хэлж мэдэхгүй байна өө. Өөрт хамаагүй болохоор тоож ч хараагүй. Хэ хэ.

Би нь Д ангилал. Энэ нь өглөө 8:30-аас орой 16:30 хүртэл. Хэрэв би нь өглөө бүр эрт хүүхдээ өгөх бол нэмэлт мөнгө төлнө. Орой 16:30-18:00 хүртэл нэмэлт төлбөр төлнө. За 18 цагт амжихгүй нь ээ, дахиад сунгая гэвэл дахиад л өнөөх тогтоосон нэмэлт төлбөрийг нь төлнө. Тэгэхээр 3 янзын нэмэлт төлбөр байгаа биз?

Одоохондоо өглөөд сунгах тохиолдол гараагүй л байна. Оройд 18 цаг хүртэлх сунгалт 4 сард 2 удаа гарсныг бол санаад байгаа юм. Бүр сунгах боллоо, уучлаарай энээ тэрээ гэж утасдаж байсан болохоор.

За эндээс бухимдал эхлэнэ. Тэгсэн 5 сарын мөнгө нэхэгдэж ирсэн байна аа. Уг нь миний санаж байгаагаар ирэх ёсгүй. Хэ хэ.
-Юу билээ? Сунгаагүй дээ гээд л шууд л эрхлэгч дээр нь давхиад орсон. Яасан зоригтой юм бэ гэж бодож байна уу? Энд эрхлэгч нь тусдаа өрөө мөрөөнд суудаггүй юм өө. Багш нартайгаа нэг л жижиг өрөөнд байж байдаг юм.

Эрхлэгч бас багшийн ирц бүртгэдэг томоо дэвтрийг авчирч үзүүлээд
-Та 3 удаа 5 минут хоцорсон байна.
Гэж авдаг гэнэ ээ.
-Би өөрөө мэдэхгүй байхад яагаад та нар мэдээд 5 минут хоцроочоод байгаа юм? Бла бла
гэсэн чинь эрхлэгч нь
-Таны дугтуйг авч үлдээд, хотын захиргааны хүнээс асууж өгье, болох уу? гэж байна.
-Тэг тэг.

За маргааш нь боллоо, орой бага зулзагаа авах гээд орсон чинь бараг л багш болгон хэний ээж ээ, тантай эрхлэгч уулзана гэсэн гээд сүйд.

Машины чинь зогсоол жижигхэн, машинууд орж гарах гэж бөөн юм болдог, машинууд хоорондоо зөрөх гэж бөөн юм болдог, бла бла. Тэрнийг нь мэдсээр байж та нар ганц хоёр минут харж үзэхэд яадаг юм? Бла бла. Жолоо барьж явахдаа цэцэрлэг рүү нь одоохон очлаа энэ тэр гэж утасдаад цагдаад зогсоолгох, муугаар бодвол ямар нэгэн аваар осол гаргавал яах юм? бла бла.

6 сарынхыг урьдчилаад үзүүлж байна. Бүр 4 удаа хоцорсон гээд цагийг нь биччихэж. Бүр гэдэн хөдлөөд л явчихлаа.

Үүдэнд хүмүүс шаваад, багшийн нүдэнд өртөх гэсээр байтал бас хэдэн минут болдог шүү дээ, ер нь багш хэдийд нь цаг хараад тэрийгээ бүртгээд байгаа юм? Заримдаа очиход гадаа тоглож байдаг шүү дээ, тэр үед бас шууд бүртгэдэггүй биз дээ? Бла бла.

Эрхлэгч, орлогч хоёр бас яаж зүгээр байхав, мөчөөгөө өгөхгүй үзнэ ээ дээ. Багш нар бол ажлаа л хийж байгаа, уучлаарай. Хүүхэд өсгөх гэж их хичээж байгаа танд ийм таагүй сэтгэгдэл төрүүлсэндээ их харамсаж байна. Бид энэ талаар арга хэмжээ авна аа. Эхний ээлжинд үүдэнд электрон цаг байрлуулая гэж бодож байна. Тэгвэл эцэг эхүүд хэдэн цагт ирснээ минутаар нь харах боломжтой. Та ингэж санаа зовоосон асуудлаа бидэнд хандаж хэлсэнд баярлалаа. (Жич: Япон хүмүүс заримдаа санасан бодсоноо ил хэлчихдэггүй ноомой ч юм шиг байдаг юм. )

Тэгсэн нөгөөдөр нь өглөө бага зулзагаа өгөх гээд очсон чинь эрхлэгч нь
-Уучлаарай, ганц минут зарцуулах боломжтой юу? гэснээ үүдэнд байрлуулсан 2 электрон цагаа зааж өгөөд, энэ удаад танд төвөг удсанд уучлаарай. Бла бла.

Нэг зүйл мэдэж авсан нь сар бүр хүүхдийн ирц, ирсэн харьсан цагийн бүртгэлээ хотын захиргааны хүүхдийн хэлтэст тайлагнадаг юм байна.

Өө тийм, нэг шараа зүйл нь би нь ярьж байхдаа уйлчихсан. Ха ха. Би нь ер нь шаал сонин зүйл дээр уйлдаг. Яг уйлах ёстой зүйл дээр уйлдаггүй аягүй мангараа. Хэ хэ. Заргалдаж байж өөрөө уйлдаг над шиг хүн байх уу?

Ижий мнь цэцэрлэгт насаараа л ажилласан болохоор цэцэрлэгийн багш нарын зовлонг гадарлаад өмөөрөх янзтай байдаг ч энэ удаад тэсэлгүй заргалдчихлаа. Уйлсныг эс тооцвол. Ккк

За одооноос эхлээд электрон цагтай уралдаад л байхаас. Уралдах уу? уралдая гээд л. Хэн нь илүү хурдангаа үзнэ дээ.

4 comments:

  1. Яаая танай багын цэцэрлэг арай л чанга юмаа. Манайх бол +-15мин хугацаа өгдөг. Тийм болохоор яаж ийгээд амжаад байгаа. Тэгээд бүр албан газар шиг цаг бүртгэлийн машинтай. Өглөөд орж ирэхдээ үүдэнд картаа уншуулж цагаа бичүүлчихээд хүүхдээ аваад орно, оройд тарахдаа эсрэгээрээ хүүхдээ аваад яг гарахдаа уншуулна. Бодвол иймэрхүү цагтай холбоотой асуудал гарсаар байгаад ингэж шийдсэн байх. Электрон цаг биш ийм карт уншуулагч тавихыг санал болгооч.
    Өчигдрийн мэдээгээр бас л цэцэрлэгтэй холбоотой асуудал үүсээд ээж нар гомдол гаргаад байсныг үзсэн үү? Энэ цэцэрлэг гэж том асуудал байнаа тээ.

    ReplyDelete
  2. Anonymous4:39 PM

    ter tsag burtgehdee tiimhatuu bdiimuu. ene yas zan ni zarimdaa jaahan tiimerhuu, zarimdaa taalagdaad bgaa. emneleg ni zuvhun ulsiin emneleg ni l niigmiin daatgalaar uilchleh uu. ireed udaagui bgaamaa.

    ReplyDelete
  3. Piglet: tanaih harin zugeer yum bna. manaih harin nemeh hasas minut gej bhgui uur hurgeed l.

    Anon: dasaad irvel gaigu zuil ihtei l dee, gaitai ni bas bnaa bna, yaj zugeer bhav. hehe

    huviin emneleg ch daatgalaar uilchlene.

    ReplyDelete
  4. Hehe evii evii uiltsiimuu my egch, neeree l uuruu hotsroogui gj bodoj btal hotsorson geed baahan torguul garahaar temtselgui yahav, zuv bn

    ReplyDelete