Tuesday, October 01, 2013

Хүүхдийн өсөлт

их хурдан юм аа.
  • Живхнээс гарсан. Бараг 3 сарын өмнө л дөө. Зарим нэг япон хүүхэд их орой гардаг юм билээ. Тэд шиг л бас орой гарах байх даа гэж санаа зовж байсан чинь ашгүй, нээх оройтсонгүй. Инээдтэй нь эргээд живхэндээ шээж чадахаа больчихдог юм билээ. Нэг өдөр цэцэрлэгээсээ тараад алхаад явж байсан чинь ээж ээ шээс хүрээд байна гэнэ ээ. Солих гаагаа байхгүй байсан чинь багш нь живх өмсүүлчихсэн байсан юм. Наад живхэндээ авчих аа гэсэн чинь үгүй гэж уурлаад сүйд болсон. За тэгвэл тэвчинэ шүү гээд л тэврээд гэр лүүгээ гүйсэн шүү дээ. Эдийн засагт ч мөн хэмнэлттэй байна гэж юүхэв хэхэ. 
  • Наадаг цаасанд дуртай. Гэрийн хана, шүүгээ, өөрийх нь сандал гээд наагаагүй газар байхгүй. Заримдаа сонин сонин газар наагаад, үгүй ээ энд наа гэж зааж өгнө. 
  • За бараг хэлдэггүй үг гэж байхгүй болсон. Хэн заагаад өгчихдөг байна аа гэмээр үг хэлнэ, хэрэглэнэ.
  • 10 хүртэл тоолоод сурчихаж. Шатаар өгсөж уруудахдаа хоёр хэлээр л тоолоод л байдаг юм. Тэгсэн аргагүй олон цаг хэрэглэдэгээрээ тоолоод сурчихсан байх юм. Одоо дан монгол хэлээр тоолно оо. 
  • Их харамч байна. Гэртээ ирсэн хүүхдээс тоглоомоо харамлаад сүйд. Өөрөө харин айлд очоод хүүхдийн тоглоомыг хээв нэг тоглоод гүйгээд. Айлын хүүхэд бас л тоглоомоо харамлаад л... Дуугай л хараад байхад тэрүүхэндээ хоорондоо өөрсдийнхөө хэмжээнд тэрсэлдээд байгаамаа. 
  •  Орондоо орсон хойноо юм идмээр байх юм аа, өлсөөд байхад чинь гэдэг болсон. Амттан идэх нэг арга нь. За тэгвэл хоол ид гэхээр идэхгүй, унтаад өгнө хэхэ.
  • Аав нь пиво уухаар миний пиво хаана байна аа гэнэ.
  • Аниа нь хөл, гараа шалбалаад шархны лент наахаар минийх хаана байна аа гэнэ бас. Юм болгон дээр өөрийнх нь гэж байх ёстой юм шиг л.
  • Хэн нэг нь эм уувал бас л миний эм гэж нэхнэ. 
гэх мэтчилэн эгдүүтэй зүйл их байна өө. Тэр бүр бичиж оруулна гэхээр нэг бол мартаад, нэг бол завгүй...

5 comments:

Delgermaa Erka said...

бичээд бай бичээд бай

peakfinder said...

Ugui eneeree hurdan yumaa. Saya l jaahan amitan bsan chin' odoo bur "tom hun" bolchihson baina sh dee.

byambaa said...

Delgerlmaa Erka: za. bicheed bnaa kk

Prakfinder: heleed yuhev, tom hunees ch iluu sanaa gargaad bna kk

ZAYA said...

Гялс юмаа, нэг мэдэхэд сургуульд орлоо, төгслөө... болно шүү дээ.

byambaa said...

Zaya: heleed yuheve.