Tuesday, January 06, 2015

Нэхээд дуусгасан

Найзынхаа захиалсан майкыг нэхэж дуусгаад эзэнд нь явуулчихлаа. Таалагдаасай гэж залбирах л үлдэв. Хэ хэ

Том зулзагыгаа төрөөд удаагүй байхад хоёр майк нэхэж байсан юм. Яг яаж, ямар схэм харж нэхэж байсныгаа ор тас мартсан байна. Сүүлд нэг майк нэхсэнийгээ зургийг нь блогтоо оруулж байж. Гэхдээ дэгээ зүүгээр, тэс ондоо загварынх байв. Тэгээд л нетээс хайж гарав. Арай хийж олсон минь бас жаахан өөр байгаад. Суганы гаргалгаа, энгэрийн гаргалгаа дээр хэдэн өдөр маанагтаж харж суув. Нээх сонин болоод болдоггүй. Харин нэхэж дуусгаад харахаар хөөрхөн ч болчихсон юм шиг. Хэ хэ. Яг нэхэж байхдаа ч дахиж хэзээ ч хос зүүгээр майк нэхэхгүй юм шүү гэж бодож байсан хүн дууссан хойно нь өөр хэнд нэхэж өгдөг юм билээ гэж бодоод байнаа хэхэ.

Зургийг нь дараа эзнээс нь зөвшөөрөл авч байж оруулна аа. Тэр болтол түр хүлээнэ үү. ккк

Өө тийм, хөлсөнд ном авахаар болсон. Ойрд их ном бэлгэнд авсан болохоор одоохондоо яг ямар ном захихаа мэдэхгүй л байна. Санал болгох гоё ном байвал хэлээрэй.

2 comments:

  1. уншсан номоо байнга утгыг нь ярьж өгч байгаарай

    ReplyDelete