Friday, May 15, 2015

Бага зулзага

Ойрд бага зулзагынхаа ярьж хэлж буйгаас бичээгүй юм байна. Хамгийн сүүлд хэзээ бичсэн юм бол доо. 1 жилийн өмнө байх аа.

Японоор чөлөөтэй ярьдаг болсон. Эргээд биднийгээ загнаад байдаг болсон. Тэг л дээ, ингэ л дээ, тэг гээд байхад, ингэ гээд байхад. Бла бла

Хааяа өөрийг нь тоохгүй байвал урвайж ирснээ
-Хорвоод хүн болоод төрөөд ирж байхад намайг тоосонгүй.
гэж авдаг юм даа. Мэл гайхав.

Нэлээд хэд хоногийн дараа бас л бид нь тоохгүй янзтай байсан юм болов уу даа.
-Хорвоод амьдрахын тулд хүн болж төрөөд та нар дээр ирчихээд байхад хэн ч намайг тоож тоглохгүй юм аа.
гээд урвайгаад суучихав. Бид нь бас л алдаагаа ухамсарлаад бүгд тойрч суугаад тоож тоглов.

Үе үе гэнэт их айхтар үг хэрэглэнэ. Өөр чинь юу гээд байлаа даа, би ч бараг хэрэглэж мэдэхгүй үг хэлээд намайгаа маданд оруулаад байсан.

Сүүлийн үед "Би найрагч" гэдэг хүүхдийн дууг сонсоод, би найрагч гэж дуулаад байгаа.

Монголоор бага сага ойлгоод байгаа. Аминдаа монгол хэл ойлгодог болгочих гээд үзэж тарах юм.

Хайчийг чөлөөтэй хэрэглэдэг болсон. Будаж сурцгаая номноос будсаныхаа дараагаар дагуулж хайчлаад тавьчихдаг болсон. Яг л зураасын дагуу хайчлаад байна лээ.

Үс нь овоо ургаад хоёр талд нь сөөсийлгөөд боочихдог болсон. Тэрэндээ их дуртай байгаа. Бушуухан урт ургаасай л гэсэн хүн байна. Гэхдээ халимаг үс зохиод байгаа.

Чингис хааны зургийг өвөө гээд заагаад өгчихсөн юм. Хэ хэ. Бүр багаас нь л. Тэгсэн одоо энд тэнд Чингис хааны зураг байх юм бол миний өвөө гээд хашгична шүү дээ.

Монгол гэдэг үгийг зурагт энэ тэрээр сонсчихвол нүд нь том болж ирээд л монгорү гэнэ ээ гэж ирээд л сүйд болно.

Том том цаасан дээр зургаа зурсаар л. Тэрийгээ хэнд өгдөг юм билээ гээд л гэрийнхээ бусад гишүүдийг дугаарлачихна. Мэдээж хамгийн түрүүнд ээж. Заримдаа ээж нь гэнэдээд хогийн уут руу хийж байгаад баригдаад, загнуулна.
-Сэтгэл гаргаад зурж өгч байхад. гээд уйлна.
Одоо хашраад нууцаар ажлынхаа цаасны хогонд аваачиж хаяна. Ингэхдээ мэдээж зургийг нь дарна. Түүнээс зурсан болгоныг нь хадгална гэвэл бүтэхгүй. Хангалттай цаасанд дарагдаастай айл чинь.

3 тарни цээжилчихсэн. Хааяа монгол руу эмээ өвөө нартайгаа ярихаар тарниа уншиж коко авдаг нь хэвээрээ.
Таньдаг нэг эгч маань
-Та нар монголоос хол байгаа ч ямартай ч хийморийн санг бол охиноороо тавиулчихаад байгаа л юм байна гэсэн. Үнэн үнэн. Хэ хэ

Ганц нэг дуу дуулахдаа дохионы хэл оролцуулж дуулаад байсан юм. Яг анги дааж явсан багш нь дохионы хэл сонирхоод хүүхдүүддээ зааж өгөөд байгаа юм билээ. Сүрхий байгаа биз. Цэцэрлэгийн багш нарынх нь чадварын талаар дараа тусад бичнэ ээ.

Номонд их дуртай. Оройд ном уншуулдаг хэвээрээ. Ер нь л энд тэнд явж байхдаа ном уншуулна. Гол нь энд чинь энд тэндхийн хүлээлгийн танхим хүүхдээ дагуулаад явж буй ээж нарт зориулаад хүүхдийн номын булантай байх нь хэвийн үзэгдэл юм даа.

Гэх мэтчилэн нэг л мэдэхэд өсөөд, хөгжөөд яваад байх юм. Өдөр тутмынхаа ажилд дарагдаад тэр бүр анзаарахгүй л байгаа болохоос.

4 comments:

Anonymous said...

hehe. jaahan ineelee. huuhed tom bolnoo gej...

Anonymous said...

Sain baina uu.

Held orohtoi holbogduulaad bilingualism-n talaar bodloo.

(Ontsgoilon tanai ger bultei holbodguulj bichij baigaa bish shuu :))

Bilingual huuhdiin talaar sonirholtoi research paper ih baidag. Minii bodloor mongol eej aavuud huuhdee nyalh joohon baina geed huuhdiinhee hel surah potential-g sain ashiglahgui baigaa sanagddag. Gadaadad amidardag ger buluud 8,9 nastai tom bolson huuhduudteigee gadaad heleer yarihiig harahaar neeh haramsmaar ch yum shig sanagddagiin.

Babies bolon baga nasnii huuhduud (young children) 1-s olon hel surah turulhiin chadvartai baidag (innate ability). Jisheelbel, huuhed golchlon eejiinhee hooloigoor damjuulan hel surdag buguud 6 sartaigaasaa uur helnuudiin aviag yalgaj chaddag boldog bol 7.5 sartaigaasaa ugnuudiig yalgaj surdag baina. 2 nastai bolohdoo durmee oilgoj yarij chaddag baina. Humuus "nyalh joohon yum, held ch oroogui baihad ni yun uur hel nemj surgah" geltgui 2-dogh heleer n sain yarij hariltsah heregtei sanagddag yum. Manai naiziin 英会話教室-d 1 nastai huuhduud baidagiig sonsood anh gaihaj bailaa. Neg solongosiin tv show-r yapon eej solongos aavtai 2 nastai ohiniig harj baihad hedhen sariin dotor solongosoor oilgoj yaridag bolj baisan.

Ta bas 世界の日本人妻は見た geed nevtruuleg uzej baisan baih; minii uzej baisan dugaaruudad ihenh eejuud n huuhduudteigee yaponoor yaridag, huuhduud n chuluutei oilgodog haragddag. Getel minii medeh ihenh mongol eej aavuud orchnoo dagaad yaponoor held orj baigaa huuhedteigee yaponoor yarij baigaa haragddag. Gehdee nuguu talaas ni harval, mongol hel surlaa geed ireeduid heregleh ashig tus baga bolohoor eej aavuud surgah gej hicheedeggui baih. Hervee bidnii eh hel angli hel baisan bol geed bodood uzeheer bas uur ur dun haragdah baih.

Yamartaa ch manai mongol eej aavuud ch gesen ovsgoi sambaatai, aihtar baij huuhduuddee baga nasnaas ni zuvhun mongol geltgui olon hel surgaj setgeh hureeg ni telj ireeduid ni hurungu oruultsgaaval, tiimee. :)

Oilgomjgui bichsen bol uuchlaarai!
長文失礼しました!

tungaamnh said...

Huurhun egduutei yariatai ue deeree yavaa yum bna daa.

byambaa said...

Bugded ni bayarlalaa.

@ dahi Anony-d; mash urt setgegdel bichsend bayarlalaa. ug ni hicheedeg l dee, ali boloh mgl heliig ni sonsgoh gej, heluulej gej, yariulah gej geed l. ulam ih hicheeyee...