Monday, November 14, 2016

Боулинг

Уламжлалт бичлэг.

Хорооноос зохиодог боулинг тэмцээн. Хань ижил баян ходоодоор шалгарсан. Би тэгэхээр ямар цохьдог нь ойлгомжтой байна уу? Ямартай ч хань ижлээсээ өндөр оноотой байсан байх нь. Хэ хэ.

Энэ жилийн дэвшилтэт нэг зүйл бол бага зулзага жаахан хүүхдүүдэд зориулсан гулсуур хэрэглээгүй. Өөрөө шиднэ гэж зөрүүдлэж байгаад, сагс тоглоход яана гэдэг билээ? Тэр шидэлтээр шидэж тоглов. Аан саналаа, коршонкдох? Ккк

Том зулзага яахав, өнөөх л дугуйландаа. Өмнөөс нь ядарчих юм зүгээр. Гэхдээ хааяадаа бас өнөөх хөгжим энэ тэрээ гэртээ авчирч үлээгээд байхыг бодоход өөрөө дуртай ч байх шиг.

Бага насны хүүхдүүд нэг үе тоглосон. Сургуулийн насны хүүхдүүд болон томчууд хоёр үе тоглосон.

Бүгдийг нь цохиж унагаах  ч аая бас л урамтай гэж юүхэв. Миний цохиолт уг нь яг л сайхан голоор нь өнхрөөд байгаа ч хүч дутагдаад байна гэж баян ходоодоор шалгарсан хань ижил зөвлөгөө айлдаад байсан чинь. Хэ хэ.

Бүх тамирчдад уух юм, амттан бэлдэж тараасан. Спорт хариуцсан дарга нээж үг хэлсэн. Бүх оролцогчдод бэлэгтэй. Хүүхдүүдэд дэвтэр, харандаа. Томчуудад саранрапп гээд хүнсний зүйл ороодог уут өгсөн. Амьдралд хамгийн ойр, хамгийн хэрэгтэй зүйл байлаа тэр нь.

Нэг ийм бүтээгдэхүүн байдаг даа. Хань ижил бид хоёр нэг нэгийг авсан гэхээр манайх хэсэгтээ л үүнийг худалдаж авахгүй гэсэн үг. Гоё хэмнэлт байна уу? Хэ хэ. Доллар авах гээд л мөнгөө тоолж байх хооронд төгрөг нь хүрэхээ байж байгаа өнөө үед.

Бага зулзагат өгсөн дэвтэр чинь бас нэг хэмнэлт шүү дээ. Энд тэнд хааяа ажилдаа дагуулаад явахад хажуудаа, нэг бол танхимын хамгийн ард зураг зуруулаад суулгачихад тэр дэвтэр асар өндөр үүрэгтэй тул.

Гэх мэтчилэн 11 сар асар хэмнэлттэй бас хөгжилтэй, хажуугаар нь бас бус зарлагатай л  өрнөж байна.

3 comments:

tungaamnh said...

Bowling goy shuu toglohod. Tanaih goy idvehitei amidarnaa.

Anonymous said...

Saranrappu-g hunsnii skotch genee.

byambaa said...

Тунгаа баярлалаа. Тийм тэ, гоё шүү. Хэ хэ, бид чинь аль болох орж гарах дуртай, энэ хавиараа л эргэлдэж байна дөө гэж...

Анон шинэ монгол үг зааж өгсөнд баярлалаа.