Thursday, May 11, 2017

Анхны үзэсгэлэн

Том зулзага зургийн дугуйланд яваад нэлээд хэдэн жил болж. Энэ жил дүү нь явж эхлээд.

Тэгсэн ороод сар болов уу үгүй юу багш сурагчдын хамтарсан үзэсгэлэн гаргах болчихоод. Бага зулзага нэг зураг дуусгаж амжсан гэсэн.

Багш нь
-Гайхалтай бүтээлүүд болсон, нэрэлхэлгүйгээр зарлаарай, ирээрэй.
-За, гэрээрээ очно оо.

Угаасаа жил бүр л очдог юм. Зарим жил найз нөхдөө дагуулаад л очно. Энэ жил хань ижил өөр хөтөлбөртэй байсан тул гурван бүсгүй л явлаа.

Өө тэр багшийн зурсан бүтээлүүд бол тансаг, тасархай, өөр юу гээд байдаг билээ? Орчин үеийн хэллэгээр.

Их үнэтэй зарагддаг юм билээ. Ирээдүйд хоёр зулзага минь ингэж бүтээлээ зарах болов уу гэсэн шүү юм бодсон шигээ л нүд сэтгэлээ баясгав.

Багшийнх нь хэлснээр нэрэлхэлгүйлгээр нүүр номдоо зарыг нь оруулав. Хөрш айлын эмээ очиж үзсэн байсан. Дараагаар нь ёстой мундаг, ёстой хөөрхөн зурж гэж магтсан.

Одоо манайд хоёр жаазтай зураг өлгөөстэй байна. Урд жилүүдэд туурвисан аниагийх нь бүтээлийг заримыг нь монгол явуулчихсан, сүүлийн хоёр жилийх нь далд хийгээстэй. Өлгөх газаргүй гэх юм уу? Том зулзага өөрөө бас нэг их дуртай биш, өлгөх. Даруухан зан? эсвэл дургүй? альныг нь мэдэхгүй л байна.

Бага зулзага бол их дуртай, минийхийг хаана өлгөх юм бэ? Энд яг таарах юм байна гэж байгаад морин хуурын минь хажууд өлгүүлсэн.

За та нарынхаа мэлмийг мялааж багынхаа бүтээлээс л орууллаа шүү. Том нь загнаад унана, хэхэ.

Хойшид хоёр хүний бүтээл нэмэгдээд явахаар гэрийн хана минь дүүрээд, зарим нэгээс нь монгол руугаа явуулах хэрэг гарах байх даа.

Ямартай ч охиддоо уран бүтээлийн амжилт хүсье. Ээж нь охидынхоо бүтээлийг яаж ийгээд л энд тэндээ өлгөх газар олно оо олно. Бүр болохгүй бол дуудлага худалдаа явуулна аа. Хи хи. Эмээ өвөө нарын дунд л явуулах байх даа? Би ч ойр тойрныхондоо л наймаа хийж баяждаг хүн дээ гэж. Кккк

2 comments:

Anonymous said...

Сайн байна уу
Ханандаа нүх гаргахгүй гэж дээрээс зүүсэн юм уу? Дээрээсээ яаж тогтдог вэ?
(Сэдэвтэй холбоогүй зүйл асуусанд уучлаарай)

byambaa said...

Anony; Sain baina uu?

Tiim, ulgumuur bgaa zuil bolgondoo neg burchlen nuh gargaj hanaa tsoolohgui gej taaz hana 2iinhoo irmegt urt picture rail hadsan. tegeed picture rail-see zurgaa zuune.

hussen hariultaa avch chadsan esehiig medehgui ch, picture rail geed haihaar garaad ireh bhaa.

amjilt husey.