Monday, September 19, 2016

Монгол гэдэг үг

Бага зулзага бид хоёр бүтэн 7 хоног өвчнөө эдгээж байна гээд амарч, би Маша-дуулж өнжих шив дээ.

Яг дэргэдээ л байлгах гээд л, 00 орохоор л араас ээжээ гэж дуудаад л. Хэ хэ. Энийг хараа, энийг хамтдаа хийе, энэ номыг уншаад өг, энийг яаж хийдэг юм бэ? мээмээ л дээ энэ тэр гэж намайгаа яг л баавгайг дэглэж байгаа Маша шиг л байлаа.Ккк

Өдөр албаар унтуулж, амраав. Түүнээс эрүүл байхдаа гэртээ бол унтахгүй л дээ. Тэгж унтуулахдаа ном уншиж өгнө. Нэг зурагт номд монгол гэдэг үг гараад бид хоёр учиргүй баярлав шд. Ер нь хаа нэгтээ санаандгүй монгол гэдэг үг сонсохоороо гэрээрээ л хөөрнө. Мэдээ энэ тэрээр эх орны минь тухай таагүй зүйл гарвал дургүй талдаа. Өмөөрнө шүү дээ.

Гадаада байгаа эх орон нэгтнүүд минь ч мөн адил ханддаг байх тийм үү?

За энэ удаад ийм номноос монгол гэдэг үг олж уншсан юм л даа.
"Шувуудын хачирхалтай үүр" гэдэг ном. Гаричгнаас харахад л ойлгомжтой. Шувуудын сонин хачин үүрнүүдийн тухай. Хэлбэр дүрс, материал?, байрлал, хэмжээ гээд л янз янз. Танин мэдэхүйн их хөөрхөн ном.

Тэрэн дунд гэдэг шувууны тухай бичсэн хуудас. Монгол гэдэг үг гарсан. Өөрийн мэдэлгүй хоёр бие лүүгээ харсан.

Латин нэр нь Remiz pendulinus гэнэ. Англи нэр нь European penduline tit гэнэ. Монголоор хайгаад олсонгүй ээ. Мэддэг хүн байвал хэлж өгөөрэй.

За энэ шувууны үүрийг "Монгол зэрэг эрс тэс уур амьсгалтай газар хүүхдийн оймс болгон ашигладаг байж. Үүнээс харахад энэ үүр нь маш дулаахан, бат бөх гэдэг тодорхой." гэж бичсэн байна.

Үнэн эсэхийг нь сайн мэдэхгүй ч, Монгол тийм хүйтэн юм уу ээж ээ? Тийм ээ, японоос хүйтэн. Гэсэн харилцан яриа өрнүүлэв.

2 дахь зургийг толгойгоо гэлжийлгэж байгаад сайн хараарай. Нээрээ л оймсны хэлбэртэй байгаа биз?

Өөр зөндөө сонин хачин хэлбэртэй үүрний тухай гарсан байсан. Японд байдаг хүмүүс номын сангаас зээлж хүүхдүүддээ уншуулаарай. Ёстой хөөрхөн ном шүү.

Заримдаа ингэж үр хүүхдүүддээ дэглүүлэх их зүгээр вм байна шүү. Өөрөө ч бас суралцаад. Зураг зурж чаддаггүй хүн чинь зураач болохоо шахав шд бас. Хэ хэ.

Оригами-чин болохоо шахав бас. Янз бүрийн л бүтээл туурвив. Дараа бөөгнүүлж байгаад зураг оруулна аа.

Гэснээс гол зүйл. Өвчин нь эдгэсэн шүү. Халуурч бариагүй болохоор өвдсөн ч юм шиг, өвдөөгүй ч юм шиг л байлаа. Хөнгөн туссан бололтой. Ангийнх нь ганц нэг хүүхэд бүр 40 хүрч халуурч, бас нэг охин халуурахын зэрэгцээ 4 газар хавдаж барьсан гэнэ. Гэх мэт сонсоод миний ингэж жаргалтай гэгч нь дэглүүлэх ч юу ч биш, харин ч зулзагатайгаа цагийг зугаатай  өнгөрүүлсэн байна шүү л гэж бодов. Нэг их удалгүй томроод ээж ээ, ээж ээ гээд гүйх нь багасаад, биеэ даагаад, үнсэж үнгүүлэх нь ч ховрын үзэгдэл болно доо гэж бодохоор...

4 comments:

Anonymous said...

uran shuvuunii uur

byambaa said...

уран шувуу гэдэг юм уу? баярлалаа.

Anonymous said...

уран шувууны үүр, охин хүүхэдтэй айлд байх ёстой зүйл дээ.

byambaa said...

tiim uu, yagaad gedgiig ni bichij uguurei zavtai bol.

mun ene tuhai haanaas olj unshij boloh ve?