Японд 1 сарын 1-нд цагаан сараа тэмдэглэдэг юм. Манайхан шиг нээх хөл болоод байдаггүйм, цагаан сарын хувьд шүү дээ. Хүүхдүүд нь ээж аав дээрээ ирж хэд хоногийнхоо амралтыг өнгөрөөж байгаад явдын. Гэхдээ энэ удаад бичих гэсэн зүйл маань шинэ оноор бие биендээ илгээдэг мэндчилгээний тухай. Анхны жилүүддээ нээх тоодоггүй, дадал зуршил болоогүй болохоор тэр бүр бичье гэж боддоггүй байлаа. Хэдэн жилийн өмнөөс бичиж эхлээд, тэгсэн жил ирэх бүр илгээх хүний тоо нэмэгдээд байх юм. Бодвол танилын хүрээ нэмэгдэж байгаагийн илрэл юм болов уу. Урд жилд тохиолдсон онцлог зүйлээ ч юм уу, мэндчилгээ явуулж буй хүнийхээ мэндийг мэдсэн гээд л агуулгын хувьд чөлөөтэй. Ихэнх япон хүмүүс өөрсдөө зураг хөргөө сонгоод тусгайлан хэвлүүлдэг юм билээ. Миний хувьд худалдаанд байгаа мэндчилгээнээс нь аль хөөрхөн гэснийг нь сонгоод ар талд нь очих хаяг болон өөрийн хаягаа гараараа бичдэг юм. Тэгээд нүүрэн талд нь хүн болгонд тохирсон ганц нэг өгүүлбэр бичнээ, юу гэж бичих үү гээд л бас зөндөө цаг авна тэр чинь. Нээрээ энэ мэндчилгээ нь цагаан сарых тул уг жилийн амьтны зурагтай байна. Жишээ нь энэ жил туулай жил учир туулайг янз бүрээр нь дүрсэлсэн байна. 12 сарын 25-ны дотор шууданд хийчихвэл 1 сарын 1-нд гэхэд очих ёстой хүндээ оччихно, мэндчилгээ авахаар их гоё юм билээ. Хэнээс ирж вэ? юу гэж бичиж вэ? гээд л.
Жич: Зураг дээрх мэндчилгээг зулзагын найз нь гараараа зураад илгээсэн байна лээ.
Хөөрхөн юм бэ. Манайд цагаан сарыг бас ингээд онтойгоо хамт тэмдэглэчихдэг болоосой. Яанаа л гэж бодогдоод байх юмаа цагаан сар ойртохоор.
ReplyDeleteNaraa: neg bodliin tegmeer tee. odoo ch ulam l sur temdegledeg bolood bgaa gesen shuu, tsagaan nogoon sariig chin...
ReplyDelete