Хайлсан нь

Хүний газар, харь японд ингээд өөрийгөө хайлмаг хийнэ гэж төсөөлж байсангүй ээ.

Өнгөрдөг зун монгол явахад найз эгчийн хийж өгсөн хайлмаг ямар амттай байсан гээч. Мөн багадаа иддэг байсан хайлмаг.

Идмээр санагдаад болдоггүй. Хань ижлийг монгол явахад нь зөөхий захиад. Аз таарч ачаа бараагаа шалгуулалгүй ороод ирж. Бөөн баяр.

Анхны ородлого. Тосоо нарийлаад бага шиг хийсэн, дээрээс нь дутуу хайрсан юм шиг байгаа юм. Зураг дээрх шиг аргуудуу болоод.

Хоёр дахь оролдлого. Ээжтэйгээ дүрсээ харан ярьж байгаад хайллаа шд.
-Танай наадах гурил чинь сонин юм байан, тог нь зөөлөн юм байна.
-Магадгүй ээ, галаа жаахан нэмчихье.

Гэж ярилцаад хайллаа. Жинхэнэ хайлмаг боллоо. Шар тос нь хөвөөд. Бага шиг шар тос гаргаад авсан гэж байгаа. Мундаг байгаа биз дээ? Хэ хэ

Дараа дахин зөөхий захина даа гэж бодоод л сууна. Хааяадаа ингэж монгол амтаа мэдэрч хорхойгоо дарах юм даа гэж.

Хоёр зулзага идсэнгүй ээ. Загнаж байж жаахныг амсууллаа. Яваандаа дуртай болох байгаа.

Гэхдээ энэ нь надад завшаантай байлаа. Дээд урууландаа ч хүргэмгүй, дэргэдэх хүндээ ч амсууламгүй ийм амтыг олуулаа идэхээр надад бага л оногдоно биз дээ? Ха ха. Муухай байна уу? Өө яадаг юм, хааяа жаахан өөдгүй зан гаргачихад. Ккк

Хань ижил аргагүй хөдөө гадаа өссөн юм болохоороо дуртай нь аргагүй идсөөн. Хи хи.

За ижий аав, найз нөхөд та нар минь надад зөөхий явуулна гэдэг том ажилтай боллоо доо. Амжилт...

Сакүрадалт

Энэ жил суугуул нутгийн сакүрадалт цаг агаар аятайхан, хөл хөдөлгөөн ихтэй өрнөж байна.

Бид ч санаандгүй шөнийн сакүра үзэж нүдээ баясгав. Маргааш нь бага зулзатайгаа өдрийн сакүра үзэж, баясав.

Нүүр номоор таньдаг хүмүүс бүгд л сакүрадаж байгаагаа оруулсан байна лээ. Би яаж дутахав.

Суугуул нутгаа дээрээс нь харж байна. Бүр дээрээс харах боломжтой л даа. Хийморийн овооныхоо бүр дээрээс нь.Энэ бол сакүра цэцэг бүхий хормойн хэсэг нь. 

Хань ижил цагаан сарын шинийн нэгэнд гардаг уул. Хийморийн овоо гээд нэрлэчихсэн гэж байгаа түүнийгээ. Хэ хэ. 

Хүмүүс олноороо цугласан байна лээ. Энэ зураг дээрх шиг модон дороо тухлан сууж байгаад л хөгжилдөцгөөнө. Бид энэ жил ингэж сууж чадсангүй ээ. Уг нь цаг агаар аятайхан байсан юмсан. Төрд хэрэгтэй зайран чинь бас нэг эмээд ам алдчихсан байсныгаа мартаад, сакүрадна гээд байсан чинь талаар болсон. 

Юу гэж амласнаа, амлалтаа нэр төртэйгөөр биелүүлснээ дараагийн бичлэгт.

Шөнийн сакүра үзэхээр бол зургийн аппарат сайтай байх хэрэгтэй юм билээ шүү. Бас ухаалаг утсаа маш сайн ажиллуулж мэддэг байх хэрэгтэй шүү. Хэ хэ. Би иймэрхүү зүйлдээ муу тул нэг иймэрхүү л зураг дарав шд. 

За ингээд жил бүрийн уламжлалт бичлэг өндөрлөв. Дараагийн бичлэг хүртэл түр баяртай...

Хаврын амралт

Энд сургуулиудын хаврын амралт эхэлчихсэн. Энд тэндгүй хүүхдээ дагуулсан ээж нар, ач зээгээ дагуулсан эмээ өвөө нар. 

Хүүхдүүд ч тэр бүр олдоод байдаггүй амралтаа сайхан дураараа жиргэж өнгөрөөж байх шиг. Эмээ өвөөгөө холгоод л. 

Ийм үед би бас бодно оо. Охидынхоо эмээ өвөөдөө эрхлэх цаг хугацааг хүний газар, жаахан "уйтай" өнгөрөөж байгаа тухай, эх орондоо байсан бол охид минь ч ингээд эмээ өвөөгөө холгоод, эрхлээд явах байсан даа гэж. 

Одоо яалтай тийм ээ? Холоос л ярьж эрхлэлдэх юм даа. Хааяадаа монголоос эвээ өвөөгөөс нь "бэлэг" ирнэ. 

За тэр ч яахав. Амралт эхэлчихээд, өдрийн хоол, бас бус дагуулж ийш тийшээ орж гарах гэдэг ажил ээжийн нуруун дээр ирчихээд л, цайныхаа цагаар номоо уншаад байсан минь түр завсарлачихлаа. 

Ядаж байхад ажил маань идэш уушны газар элбэг дэлбэгтэй газар нүүгээд ирчихснийг ч хэлэх үү?

-Өнөөдөр ээж ээ? Тийшээ орох уу?

-Маргааш ийшээ орно шүү?

гэсэн хоёр л байна. Ээж ч бас юм үзээгүй хүн шиг л хөөрсөн хүн байна. Биеийн жин хэтрээд байгаагаа мэдсээр байж, за маргаашнаас гэсэн хүн л чөрийсөн охидтойгоо, чөргөр хүн шиг л идэж байна даа. Хэ хэ. 

Хурдан хичээл эхлээсэй гэж дотроо бодож буй ч ил хэлэхгүй, инээд алдаад л, охидоо харж уяраад л явж байна даа. 

Тун удахгүй сакүра ч цэцэглээд, бид нэг сайхан сакүрадна аа гэж ярилцаад л байж байна. Гэм нь цаг агаар цаанаа л нэг жиндүү, сэвэлзээд байдаг юм яг сакүрадах үеэр. 

Ангии дэвшицгээнэ, даалгавараа хийчихсэн, нэг л их завтай хоёр байдаг. Одоо дахиад чилийсэн долоо хоног үлдээд байдаг, хичээл эхлэхэд.

Ямар багш, ямар хүүхдүүд хүлээж байгаа бол гэж ярилцах...

За ингээд нүүв ээ...

Анх энэ ажилд орсноос хойш 8 жил гаран болж байна аа. Гэрээс минь жаахан зайтай ч их аятайхан газар байсан юм.

Зулзагууд амтралтаараа надтай хамт яваад цагийг өнгөрөөчихнө, даалгавраа хийчихнэ гээд л.

Одооны нүүж очиж байгаа газар нэлээд хатуу ширүүн дэг жаягтай гэсэн. 5 давхар байшинд олон байгууллагууд байна. Коридорт чанга инээж болохгүй гэсэн. Ха ха. Манайх гэж жижигхээн өрөөнд чихцэлдэж орсон. Үнэн миа.

Гадаад хүн орж гараад ирэхээр тэндэх бусад байгууллагын "хуучинсаг" хүмүүс жаахан нервтэх байх даа. Өө яадаг юм, үзүүлээд өгнө өө, би монгол шүү гээд хэхэ. Чадах болов уу даа. Хи хи.

Нэг дасаж өгөхгүй л байх шиг, бусад ажилчид маань ч. Одоогоор орж гарч байгаа хүн ч цөөхөн байна. Яваандаа ихсэх байгаа?

Нүүдэл суудлын ачаар их олон хэрэггүй новшноосоо саллаа. Миний шүүгээ ч мөн ялгаагүй. Баахан л сонингийн хуулбар, хайчилбар, сэтгүүл гэх мэтээ зоригтой хаялаа хаялаа. Хаях болсон нэг шалтгаан нь шинэ газар, шинэ ширээтэй болсон юм. Тэгсэн өнөөх нь шургуулга байхгүй. Хо хо.

Өөр чинь юу билээ? Нийтийн хогийн сав байхгүй, өөрсдийнхөө хажууд жижиг хогийн сав тавьж байгаад, ажил тарахад коридорт байрлах том хогийн саванд хийнэ. Ингэхдээ маш сайн ангилж, ялгаж хаях хэрэгтэй. Тэгэхгүй бол нэг айхтар гярхай эмгэн гарч ирээд аашлаад унах байх даа.

Ажлын газар хэрэггүй цааснаасаа салаад байхаар би бас дуурайв. Хэ хэ. Гэрийнхээ бас бус элдэв цаасыг хаялаа. Овоо хэмжээний цаас хаясан. Хэрэгтэй байж магад гэж бодоод хадгалаад байдаг би яг ээж шигээ юм билээ. Ээж минь бас элдэв цаасанд дуртай. Ккк. Охидоос минь хэн нь намайг дуурайх бол? гэж бодож энэ тэр. Кики.

Гэртээ нэг шинэ номын тавиур авч тавьлаа. Бага зулзага бид 2-ын ном өрөөстэй. Ингээд манайх гэдэг айл 3 том номын тавиуртай боллоо. Миний сэтгэл ханамж 200 хувь илүү байгаа.

Миний Тамирын голыг долоох шахан байж олж авсан монгол номнууд минь тусдаа өөр тавиуртай шд. Хи хи. Дүүргэнэ гэж бодож байгаа. Хэдэн жилийн өмнө  уншаад монгол явуулчихсан номнуудаа буцааж авчирвал ч... Мөн ааваасаа би өвлөж авна гээд "булаагаад" хайрцганд хийчихсэн номнуудаа өрөөд тавьчихвал ч...

Хэрэв тэр номнуудаа өрөөд тавьчихвал ч гэр маань нураад унах байх даа. Саяхан нэг тийм мэдээ уншсан юм. Японд нэг айлын тааз нурж унаад. Яасан гэхээр номнуудаа дийлэхгүй, хоёр давхрынх нь ном өрөөстэй байсан тааз нураад унасан гэж. Үүн шиг нураад уначих вий гэж санаа зовохыг бодоход би зөндөө их номтой байгаа биз?

Монгол хүүхдийн номнуудаа бага зулзагынхаа тавиур дээр өрж өгсөн. Тэмүжинд хальт дурласан байгаа, эгч шигээ. Эгч нь тээр жил бас тэгж дурлаад сүйд болж байсан юм. Ккк.

Ингэж янзлаад байгаа хэрнээ ажил гэр хоёрын минь цаасны "хог" барагдахгүй л байна, яалтай?

Амласан үеийн бичиг хэрэг, зураг хөрөг бүхий нийтлэл гээд л. Нэг бол хаячихмаар, нэг бол чадамгүй санагдаад нэг хойш нь тавьж, нэг ил гаргаж хаях гэж татаганаад л сууж байна.

Дунд нь ингэж блогоо бичвэл сэтгэл санаа өөрөөр эргээд цэгцлээд цэгцлээд явчих юм шиг санагдаад л үүнийг бичиж сууна даа.

Та нар цаасны элдэв "хог"-оо хэрхэн шийддэг вэ? Туршлагаасаа хуваалцаарай. Плийз...

Ингээд л гарчигнаасаа хадуураад байдаг юм тэ.

Ухаалаг утас чи

Ухаалаг утас чи мандтугай гэх үү? сөнөтүгэй гэх үү?

Сая гурав дахь өдөр олон нийтийн амралтын өдөр бүтэн өдөржингөө утасны компани дээр өнжлөө.

Том зулзагатаа амласан ухаалаг утсаа авч өгөх ажилтай. Сар бүрийн хураамж, төлбөр зэргийн тайлбар, гэрээ мэрээ гээд л их цаг зарцуулдаг ажлын нэг. Хүн ч ихтэй, оочер дугаар ч ихтэй байлаа.

Том зулзага ухаалаг, тал хазсан алимны зурагтай утасны 10-ыг нь авчихлаа. Бөөн баяр. Өөрт нь хүн бэлэглэсэн мөнгөөр утсандаа бас нэг хөөрхөн гэж авчихлаа.

Тэр өдрийн хамгийн төлөвлөгдөөгүй зүйлийн нэг бол хань ижил бид хоёр бас утсаа сайжруулчихлаа. Ха ха. Гэхдээ том зулзагын тэр 10 гээчээс нь арай жул л даа. Хи хи.

Эцэг эх хүн гэдэг чинь өөрсдөөсөө нарийлж үр хүүхдэдээ гэдэг юм байна шдээ. Ганц биесүүд байвал та нар одиноороо байгаа үедээ хамгийн тансагийг нь, хамгийн үнэтэйг нь авч хэрэглэж байгаарай гэж аминчлан захиж байна. Олуулаа болбол тэртэй тэргүй  та нарын хэрэглээ танагдана, мэдэв үү?

Бас нэг огтоос төлөвлөгдөөгүй зүйлийн нэг бол бага зулзага бас утастай болчихлоо. Хэ хэ.

Цаад газрын хүн ажлаа маш сайн хийсэн байгаа биз? Үүргээ давуулан биелүүлсэн тэр энэ сар овоо цалин авах байх шүү. Хи хи.

Хөөрхий минь дээ? Бага зулзагын нэр дээр боловч гэрт л байх зориулалт бүхий утас л даа. Эрт галавын үеийн эвхэгддэг утас. Суурь хураамж төлөөд л гаднаас дуудлага аваад л явж байхад болно. Хааяа оройтож барьсан үедээ залгаж хэл дуулгах утастай болов. Үүндээ ч сэтгэл ханамжтай байгаа, сангийн сайд.

Ингээд мөнгө хэмнэж, охидынхоо ирээдүйн сургууль соёлд хураах зорилготой, мөнгөнд асар дуртай сангийн сайд маш том зориг гаргаад утсаа сайжруулсан, мөн өрхийнхөө сарын төсвийг нэлээд чанга мөнгөн дүнгээр хэтрүүлсэндээ өөрөө өөрийгөө гайхаад л сууж байна.

Ирэх сарын орлого зарлагаа тооцож үзээд болохгүй бол хоосон хонохоос. Ккк

Ингэхэд гадаадад байдаг бид нарыг монголд байгаа та нар мөнгө хүүлдэг гэж боддог тэ? Үгүй шдээ, үгүй. Яаж чардайж байж мөнгө олдогоо дараа бичнэ ээ, дур хүрвэл...

Гол бичих гэж байсан зүйлээ мартах гэж байна. Насанд хүрээгүй хүүхдэд утас авч өгөхдөө ээж аав нь утасных нь интернет хэрэглээнд хориг тавьж болдог юм. Би тэр үйлчилгээг нь хийлгэсээн. Ютүб утсандаа татаж суулгаж болохгүй. Интернет орох лимит бас бага. Гэртээ болон байнга очдог газрынхаа вайфай-р нет хэрэглэвэл 4ж хэрэглэснээс бага төлбөр төлнө.

Угаасаа ахлах сургууль вайфай байхгүй, сургуулийн эргэн тойронд утас хэрэглэх хориотой тул том зулзага нэг их цааргалаагүй, одоохондоо утасгүй явж явчихаад сүүлийн үеийн ухаалаг утастай болчихсондоо хөөрсөн хүн л байна.

Эмээ өвөөдөө утасдаж хэлж энэ тэр.
-Би хааяа ээжид загнуулахаараа та 2 луу ярьж ховлож байна шүү.
-Тэгээрэй миний охин, эмээ өвөө нь эндээс ээжийг нь базаад өгөмз?

Гэж ярьж байна шүү, хэхэ.

Одоогоор хэдхээн хүний утасны дугаар л тэмдэглэж авсан. Яваандаа шинэ анги, шинэ найзуудтай болоод ирэхээрээ нэмэгдээд л ирэх байх даа...

Наад гар утсаа битгий маажаад бай гэж үглэх ажил минь нэгээр нэмэгдэж байна даа янз нь. Хаа очиж 15, 16 хүрч байж утасны хэрүүл хийлгэх гэж байна дөө зулзага минь гэж дотогшоогоо өмөлзөөд л сууж байна. Уяхан ч сангийн сайд болдоо тэ? Ккк

Хүүхэд нь ухаалаг утастай ээж аавуудад амжилт шүү...

Хүний сэтгэлээ гэж сайхан шүү

Хаа байгаа монголоос минь" хурал цуглаанд хүн очих гэж байгаа, захих зүйл байна уу?"гэж ирээд л майл бичдэг найзууд, дүү найзууд байх юм. 

Эсрэгээрээ хааяа нэг онцлоод юм захихаар өгдөггүй хүн ч байна. Ха ха. Гол нь юу захих уу гэж нэг их сүртэй асуучихаад, огт өөр сонин сонин юм хийчихсэн байхаар л жаахан гонсойчихдог юм. Хэ хэ. Гэхдээ албатай биш дээ, та нарт гомддоггүй шүү. Санаагаа битгий чилээгээрэй.

Голден Говь ийм чоко хийдэг болсон юм байна тэ. Том зулзага харчихаад, таныг сайн мэддэг найз байна шд гэсэн. 

Ийм зурагтай юм билээ. Дуусахынх нь алдад мэдэж, яаран зураг дарлаа шд. Хи хи. Мөн үе үе амттай ааруул өгдөг юм. Би их дурлаж идээд байгаа. Өлсөх мэдрэмж төрөхөөрөө. 

Маш их баярлалаа. 

Бас ийм маск гарч. Жүүс л их авч байсан болохоос. Хэрэглэж үзээд аятайхан байвал дахин захина аа. 

Ийм аарц хүн өгөөд. Өөрт нь өгсөн бэлэгнээсээ надад 4-г өгөөд. Өөрөөсөө нарийлаад уухгүй л гүйгээд байдаг. Хэ хэ. Гого амттай байвал монгол руу захьдаг зүйл минь нэгээр нэмэгдэх нь тэр. 

Үндэсний үйлдвэрлэл мандтугай...

Өөр бас бус үндэсний үйлдвэрлэл байгаа, Дараа санахаараа зураг оруулна аа. Үндэсний үйлдвэрлэгчид та бүхэндээ амжиот хүсье. Монголын ирээдүй та нарын гарт шүү...

Шавийн бэлэг

Ойрд шавийнхаа тухай бичээгүй юм байна. Бид хоёр хичээллэж л байгаа. Олигтой сурч байна уу? гэхээр үгүй ч юм шиг. Нэг бол овоо болоод байгаа ч юм шиг хоёр гэлдэрч байна. Хэ хэ.

Нэг тийм спортынхны өвөрмөц аялгыг нь засчих санаатай үзэж тарж байгаа ч нэг л сайжралыг олохгүй л байна.

Хичээнэ дээ...

Хөдөлмөрийнхөө хичээлээр нэг хөөрхөн эвхдэг сандал хийгээд. Тэрийгээ надад бэлэглээд. Би ч ийм хөөрхөн, гар хийцний, мод буюу байгалийн бүтээгдэхүүнд дуртайгаараа хоёр гардан авсан. Хэ хэ.

Ингээд манайх гурван гар хийцний модон сандалтай болов оо гэж. Манайхаар ирсэн жаахан маамаа нар булаацалдахааргүй л болж байна. Нэг дор олноороо цуглавал харин хүрэлцэхгүй юм байна. Тэр үед ямар мэргэн арга сийлдэг юм билээ байз? Хи хи.

Энэ сандалны онцлог нь эвхэгддэг. Эвхээд хураачихна. Бид өөрсдөө хийсэн нь болохоор эвхэгддэггүй л дээ.

Шавь хөөрөөд л, багшаа би энийг ангийнхнаасаа хамгийн түрүүнд хийсэн шд. Бас хамгийн цэвэрхэн хийсэн нь шд гээд л. Бие нь том ч хүүхдээрээ зайлуул. Цагаахан...

Наддаа хааяа хөдөөний амьдрал, үг хэллэг заачихна аа. Хотын би чинь зарим нэг зүйлийг мэдэхгүй шд.

Нэг иймэрхүү бид хоёр хичээгээд л явж байна. Ээж аав нь, ах нар нь уншдаг бол ч.

Хүү нь хүний газар эцэг эхийнхээ, цаашлаад улсынхаа нэрийг өндөрт өргөөд л, сайн явж байгаа шүү гэж хэлье дээ...

Мөн бид хоёр уржигдар дунд сургуулийн 1 дүгээр ангийн сүүлийн хичээлээ хийсэн. Энэ жил голцуу ярианы хичээл түлхүү орж, аль болох үгийн санг нь арвижуулах зорилготой ажиллалаа.

Ирэх хичээлийн жил ч гэсэн багш танд цаг зав байгаа бол хичээлээ үргэлжлүүлэхийг хүсч байна, хотын боловсролын газарт мөн энэ тухай уламжлаад, эргэн танд албан ёсоор мэдэгдэнэ ээ гэж эрхлэгч багш гэж намуухан дуутай эрэгтэй багш хэлсэн. Нээрээ би энэ багшийг ойрд харж яваа, хаха.

Тэгэхгүй бол охидын сургууль дээр тэр бүр очоод байхгүй, очсон ч эмэгтэй багш нар анги дааж авсан байсан тул, харах багш байхгүй жаахан онцгүй байсан юм аа. Хи хи.

Шавийн сургууль дээрх харж явдаг багш хааяа эзгүй байдаг нь жаахан харамсалтай ч, ирэх жил ямартай ч уулзалдаад л явах нь байна.

Шавьдаа заах хичээлийнхээ тухай санаа зовохгүй, харж явах багшид санаа зовж энэ тэр. Хүнд гар байна уу? Хэ хэ. Мэдээж шавьдаа санаа зоволгүй яахав, ирэх хичээлийн жилд унших, бичихийг голчлон заана. Ханз түлхүү үзнэ, дуржиганатал нь уншдаг болгоно гээд ажлаасаа ном хайгаад эхэлчихсэн.

Өөртөө болон шавьдаа амжилт, мөн та нартаа ч амжилт хүсье ээ...

Гого ном

За энэ ном аль түрүү жил л надад ирсэн. Унших зав гарахгүй явсаар, одооноос л барьж аваад сууж байна.

Өмнөх Манго жимстэй цайгаа уншаад дууссан. Одоо үүнийг хэд хоног орсон ч гарсан ч барьж аваад л явах санаатай.

Гэхдээ зулзагууд амарчихсан. Өдрийн хоол энэ тэр гээд бага зэрэг завгүй гүйнэ. Дээрээс нь ажлын газар нүүх гээд бөөн хайрцаг дунд, ном энэ тэрээгээ цэгцлэх гээд тухтай суух завгүй л байна.

Хэдийд нь унших вэ гэдэг л асуудал болж байна даа. Яаж ийгээд уншина даа тийм ээ? Номонд дуртай улс бол андахгүй дээ. Заримдаа боддог юм. Төв газрынхан ажилдаа ирж очихдоо галт тэргэнд их уншдаг шиг, би бас галт тэргэнд, метронд уншаад л явах юмсан гэж.

Гэснээс ажлын газар харьцангуй ойртож байгаа тул тэнгэр сайхан өдөр алхана даа. Бондгороосоо жаахныг ч болтугай гээх санаатай.

Номын тэмдэглэл бичилгүй, шаал утгагүй зүйл бичээд байгаад уучилна биз дээ? Ном унших гэж хичнээн их цаг зав гарган байж, хүч хөдөлмөр зарцуулж байж уншсанаа хойшид дурсах гэж л оршил их бичдэг болж. Хэ хэ.

Энэ номын тухай шүүмж, тэмдэглэл, магтаал энд тэнд их бичигдсэн байсан. Олж уншина биз дээ? Тэр олон зүйл дээр өчүүхэн би бас нэмэрлээд ч яахав. Хи хи. Том шалтаг тоочсон уу?

Номын цагаан буян дэлгэрэх болтугай...

Жич: Номын хавчуурга гоё байгаа биз? Саяхан бас нэг хөөрхөн номын хавчуургатай болсон. Дараа өөр нэг номтой хамт зургийг нь оруулна аа.

Мөн гого ном өгдөг найз дүү нартаа, ах дүү нартаа, найз нөхөддөө дахин дахин баярлалаа. Дараа дахин захих номоо аль хэдийн товлочихсон байгаа шүү. Ккк

Ахлах сургуулийн бэлтгэл

За завгүй амралтынхаа өдрөөр юм юмаа бага багаар амжуулаад л явна.

Дунд сургуулийнхаа дүрэмт хувцсыг худалдаж авсан газраасаа ахлах сургуулийнхыгаа бас захиалчихлаа. Хаа сайгүй л үнийн хувьд адилхан гэсэн болохоор ийш тийш гүйсэнгүй. Цагийн гарз. Цаг бол алт гэдэг үг энэ япон улсад чинь асар хэрэгжинэ. Толгойд ортол шүү бүр.

Ямар сайндаа охидыгоо загнах даа
-Шүд мүдээ сайтар угаана шүү. Өөрсдийнхөө хайнга байдлаас болж хорхойтвол би эмнэлэг домнолого дагуулж явж чадахгүй шүү. Хайран цаг, тэгсэнд орох нь ээ, номоо уншаад ч юм уу, нэхмэлээ нэхээд ч юм уу суусан нь дээр. Би бас хүн шүү, дуртай зүйлээ хийх эрхтэй шүү, робот гэж ойлгоод байвал том эндүүрэл шүү.

Гэж загнадаг юм. Ха ха. Тийм биз дээ? Ээж хүнийхээ хувьд мэдээж үүргээ ухамсарлаж байгаа ч, хүүхдүүд бас үүргээ мэддэг байх хэрэгтэй биз дээ?

За за хадуураад эхэллээ.

Дүрэмт хувцас бас хөөрөгний үнэтэй. Юбка, пиджак хоёр л 43000 иен. Зуны юбка нь дунд сургуулийнхыгаа өмсөж болно гэсэн. Мөн дотуур нь жилетка байдаг гэнэ. Худалдаж авдаг хүн ховор гэнэ. Хэрэв явцын дунд хэрэгтэй бол ирээд захиалаарай гэсэн.

За тэгээд тамирын хувцас нь өмд цамц, пүүз гурав нийлээд 21000 иен.

Ингээд нийтдээ хэдэн иен болчихов оо. Хэрэгт дуртай бол өмнөх бичлэгт бичсэн иенийг нэмээд бодчихоорой. Хэ хэ.

Одоо дээрээс нь сар бүр сургалтын төлбөр, хоолны зардал, бас бус бичгийн хэрэгслийн зардал гээд л урсгал зардлууд хүлээж байна даа.

Бүсээ чангалаад, сангийн сайд болох ээжийн авъяас шаардагдаад явах нь дээ. Томоос том маамуутай ээж аав нарт амжилт хүсье ээ.

Түр баяртай.

Замаг сайтай нууранд загас...

Та нар амралтынхаа өдрийг хэрхэн өнгөрөөдөг вэ?

Би сүүлийн үед асар завгүй өнгөрөөгөөд байна аа. Зан сайтай юм болохоор хүн болгон цуглаад байна аа. Хэ хэ.

Өнгөрдөг бүтэн сайнд эх оронд минь Жайкагийн сайн дурын ажилтнаар 2 жил гаран яваад ирсэн жижигхээн хүүхэн
-Танайд очмор байна аа, тантай уулзмаар байна аа.
-Өө тэг ээ, сонин сайхан сонсмоор байна аа би ч.

Хэсэг хугацаа өнгөрсний дараагаар
-Найз залуутайгаа очиж болох уу?
-Найз залуутай болоо юу? Тэг ээ тэг.

Болзсон өдөр ч болов. Зочид маань ч ирэв. Болоогүй ээ, монгол хоол идмээр байна гээд хоолоо захиалчихаж байгаа юм. Сэргэлээн. Хэ хэ. Бууз бэлдэж бондогоноод л би.

Тэгсэн найз залуу нь бас монголд 2 жил ажилласан, монголоор яриад байна шүү. Хи хи. Яаж яваад таарчихав та 2 гэж би жаахан цаашлуулаад л.

Элдвийн зүйл хамж шимж яриад л хөгжилтэй байлаа.

Дараагийнх нь баасанд бага зулзагын төрсөн өдөр. Уулын маань зээ нар манай гэрийн ойрхон байдаг цанын бааз дээр тэмцээнтэй тул ойртоод танайд хоночихож болох уу? л гэнэ.

Бид чинь байнга шахуу очиж төвөг уддаг улс чинь уухайн тас зөвшөөрнө биз дээ?
-Юу асуугаад байна та хэд минь? Шууд л ир, манай хаалга та бүхэнд үргэлж нээлттэй шүү дээ.

Ингээд бид хөл хөдөлгөөнтэй төрсөн өдөр тэмдэглэв. Бага зулзага их л зугаатай байлаа. Өөрийнх нь л төрсөн өдрөөр зорьж ирсэн гэж ойлгоод байх шиг байна лээ. Хэ хэ.

Уулынхан маань дуртай болохоор төмсний хучмалаар дайлав. Бид ч дуртай.

Маргааш орой нь ахлах сургуулиа төгсөж байгаа нэгэн агааг гэртээ урьж, бяцхан үдэлтийн паарти хийгээд. Эртхэн хийхгүй бол дэвжээ нь тодорхой болчихвол бидэнд олдохгүй, энд тэнд үдэлтийн шоунд оролцоод зав нь болдоггүй юм. Ингээд нэлээд орой болтол сууж буу халав.

Маргаашийнх нь бүтэнд сайнд нэгэн орос залууг гэртээ урив. Танайд очмоор байна гэж их олон удаа гуйж байгаа гэсэн. Хань ижлийн ажлын газарт түр хугацаагаар ирсэн юм. Ямар хоол хийх вэ? энэ тэрээ болж байгаад л ангийн маханд дуртай гэсэн гэхээр нь бодон гахайн мах шарж дайлсан. Амар, мах ногоогоо хэрчээд л шарчихна. Монгол хоол шиг ажиллагаа шаардахгүй.

Ингэж олуулаа бужигнах сайхан ч идэж уусныхаа хэрээр би бондойгоод байна аа. Хайрын бариул мариул юуны ч бариул болчихов оо. Яана аа?

Нэг хятад найз манайд ирж боргол уусан юм, хагас сайны өдөр. Тэгснээ
-Бондойгоод л, баярт мэдээ дуулгах нь уу?
-Үгүй үгүй, ойрд идэж уугаад, бондойчихсоон. Маргаашнаас хэвийн дэглэмдээ орно доо.
-Маргаашнаас гээд удаж байна аа, ижий минь.

Гэж том зулзага хажуунаас ярианд оролцоод. Хэ хэ. Нээрээ л миний маргаашнаас гэдэг үг арай хэтрээд байгаа ч замаг сайтай нууранд загас болгон цуглана, зан сайтай айлд хүн болгон цуглана гэгчээр, өөрийгөө энэ дэлхийн хамгийн зан сайтай хүнээр тооцчихоод л хөөрөөд сууж байна даа гэж. Хэ хэ...

Ахлах сургууль дахь дүрэм журам

Шинээр элсэгчдэд зориулсан бүхэл бүтэн ном гаргаад бэлдчихсэн байсан. Түүнийхээ агуулгын дагуу холбогдох багш нар нь гарч ирээд л яриа хийв.

Захирал үг хэлнэ. "Тэнцсэн сурагчид, эцэг эх та бүхэнд баяр хүргэе" энээ тэрээ гэж ирээд л. Мөн сургуулийнхаа үүх түүхээс бага зэрэг ярьж өгсөн.

Холбогдох багш нарын ярьсан яриаг товч сийрүүлбэл:

• Дугуйгаар явж болох хороодын тухай бэлдсэн газрын зураг дээр тайлбарласан. Ингэж дугуйгаар явахдаа заавал даатгалд хамрагдсан байх ёстой. Мөн тусгай зөвшөөрлийн бичигтэй байна. Ингэхийн тулд дугуй худалдаж авсан газартаа очиж үзлэгт хамрагдсан байх ёстой. Ямарваа нэгэн эвдрэлгүй байх ёстой. Сургуулийн гадаах дугуйны зогсоолыг дугуйгаар ирж очих зөвшөөрөлтэй сурагч бүрт нэг нэг зогсоол гаргаж өгнө. 2 давхар зогсоол гэсэн. Эрэгтэй сурагчид дээд давхарт нь, охид доод талд нь зогсооно.

Том зулзага ашгүй дугуйгаар явах юм билээ. Гэхдээ л санаа зовно доо тэ? Саадгүй яваад хүрсэн байгаа гээд л. Учир нь автын ослын дийлэнх нь өглөө оройд сургуульдаа ирж очиж байгаа хүүхдүүд өртсөн осол байдаг юм. Түй түй, муу ёр...

Бас нэг ажил гарч ирсэн байгаа биз? Дугуйгаа үзлэгт хамруулна. Хагас бүтэн сайны нэгэнд явна даа.

• Баахан л бөглөж өгөх материалын тухай ярьсан. Сар бүр төлөх сургалтын төлбөр, бас бус даатгалын хураамж авахад хэрэг болох дансны дугаарын хуудсыг бөглөж өгнө.

Улсын сургууль тул төлбөр харьцангуй бага. Яг өдийгөөс л хүүхдэд зарах төсвийнхөө ихэнхийг хэрэглэдэг гэж нэгэн туршлагатай аав хэлсэн. Хичээнэ дээ, том зорилгуудын маань нэг биз дээ? Үр хүүхдээ хоолонд нь хүргэх нь тийм ээ?

• Гар утасны хэрэглээний талаар нэлээд удаан ярьсан. Гар утас барьж болно. Харин сургууль дотор болон эргэн тойрон хэрэглэж болохгүй. Унтраасан байх ёстой. Хэрэв гар утсаа хэрэглэж харагдах юм бол гар утсыг нь хурааж аван 7 хоног сургуулийн тусгай сефенд хадгална.

Дунд сургуульдаа гар утас барилгүй, хичээлдээ л анхаарч ирсэн том зулзага минь ахлан сургуульд ороод ухаалаг утастай болно гэж хөөрөөд л байгаа. Тэр сургуульд тэнцвэл авч өгнө гээд ээж ам алдчихсан. Тэнцсэн тул утас авч өгнө дөө. Бас нэг том ажил. Учир нь утасны компани дээр очиж дугаар, утас авна гэдэг чинь алаан байхгүй юу. Элдэв зүйлс нэхээд л, шаардаад л, асуугаад л, шалгаагаад л хамаг цаг аваад хаячихдаг стресстэй газар. Би очих дургүй. Хэ хэ. Тэрнийхээ ачаар ухаалаг утасны сүүлийн загвар энээ тэрээ гэхгүй элэнц өвөгтэй нь яваад байгаа. Болж байна, амьд арзайгаад л. Хи хи.

• Хичээлийн талаарх яриа. Эцэх эх та нар сүүлийн үеийн янз бүрийн мэдээлэлд бага автаж хүүхдийнхээ хичээлд, сурлагад бага шиг садаа болоорой. Англи хэлний тэр дугуйлан секц сайн гэнэ, энэ багш сайн гэнэ, тэр ч сурах бичиг сайн гэнэ гээд гүйгээд байв. Тэртэй тэргүй сургууль дээрээ, багш нарын бэлдсэн зүйлийг үзэж хараад судлаад явна. Харин та нар хичээлээ сайн хий гэж үглэ. Орчингоор нь хангаж өг.

гэсэн. Нэг бодлын үнэн санагдаад, толгой дохиод л суув би ч. Багаасаа хичээл хийгээд, суугаад сурчихсан хүүхдэд бол нэг их саад бололгүй, үе үе үглэсхийгээд, үе үе найзласхийгээд явж байвал болдог юм шиг байна лээ. Хувийн туршлагаасаа хэлэхэд. Ажлын газраасаа англи хэлний ном энэ тэр зээлээд ирэхээр нэг тоодоггүй юм, том зулзага. Сөхөж харчихаад л болоо. Болсон болоогүй олон ном хараад, дунд нь эргүүтэж байснаас, сурах бичгээ сайн хийгээд сайтар ойлгосон байх нь чухал биз дээ? гэж нэг удаа би загнуулсан том зулзагатаа. Ха ха.

Хааяа би охин нь юм шиг загнуулдаг шд. Ккк

Үргэлжилнэ...

Мөнгөө чамд би хайртай

Мөнгөнд би хайртай, та нар бас хайртай юу? Хэ хэ.

Том зулзагын орж буй ахлах сургууль дээр түрийвчээ хоосон болтол нь гөвчихөөд ирлээ, мундаг уу? Хи хи. Мөнгөгүй болсон хүн яахав, ингээд л мөнгөнд хайр зарлаад л сууж байна.

Зуны богино ханцуйтай цагаан цамц 3, урт ханцуйтай цагаан цамц 3,  зангиа 1, энгэрийн тэмдэг 1 гээд нийтдээ 23000 иен орчим.

Сурах бичиг энэ тэр нийлээд 40000 иен орчим. Мөн гурван толь бичиг худалдаж авсан.

Дээрх зүйлсийг сургууль дээр нь тухайн газрууд ирж худалдаалж байсан. Амар. Ийш тийшээ гүйхгүй.

Одоо гол зүйл болох дүрэмт хувцсаа сууж захиалаагүй байна. Энэ хагас бүтэн сайнд явахаас. Дунд сургуулийн дүрэмт хувцсаа худалдаж авсан газраасаа л асууна даа. Байх болтугай гэж залбирахаас.

Япон хүмүүс л болсон хойно их эртнээс захиалгаа өгөөд, бэлдчихсэн хүүхдүүд байна гэсэн. Бид яахав, яг аль сургуульд нь орохыг сайн мэдэхгүй байсан учраас гэж шалтаг тоочоод л сууж байна.

Тамирын хувцсаа бас авна. Овоо хөөрхөн үнэтэй юм билээ. Явцын дунд авна. Шууд дэлгүүрээс нь очиж авна.

Зургийн дугуйлангийн багш бэлэглэсэн. Ахлах сургуульдаа хичээгээрэй гээд. Зарим нэг найзууд маань юугаар мялаах вэ? гэж асуугаад л өнөөх нь ном худалдаж авах каарт гэж хариулаад л. Түүнийг нь сонссон би "ээжид нь л мөнгийг нь өгчихөөч, ээж нь тэр мөнгөөр нь хэрэгтэй зүйлийг нь аваад өгчихнө шдөө" гэж бодоод л. Үүнийгээ ил хэлэхгүй л дээ, загнуулна биз дээ? Ккк

Үүнийг гурван бүсгүй идээд. Аавыгаа тарахаар нь цуг хоолонд орох гэсэн чинь аав нь оройтно гэхээр нь эмэгтэй л хүн болсон хойно дуртай зүйлээ авч булагнав. Удахгүй болох бага зулзагын төрсөн өдрөөр л дуртай хоолоо идэцгээе гэж тохиров. Дуртай хоол нь ихэвчлэн шарсан мах л байдаг юм дөө. Хэ хэ. Хааяа л сүши буюу будаан дээр түүхий загас тавьсныг нь иднэ дээ. Бага зулзага харин сүүлийн үед пицца гэдэг болсон байна лээ. 

Нэмээд хэлэхэд хүүхдийнхээ ахлах сургуульд ороход нь бэлдэж мөнгө хадгалах хэрэгтэй гэж хэлмээр байна өө. Хо хо.

2 цаг хагасын лекц сонсож байгаад ирсэн. Сургуулийн дүрэм журам, энэ тэрээ. Энэ талаар тусад нь бичимз. Түр баяртай...

Хариу ба дахин шалгалт

За том зулзага "конкурсныхаа" хариуг сонслоо. Товлосон өдрийн 12 цагт шалгалтын дугаарыг нь гаргаад хадчихдаг юм байна.

Цугласан олон дугаараа хайж олоод, бөөн баяр хөөр, харуусал болоод шуугилдаад явихчихав. Энд тэнд охидын баярласан орилоон. Ёоо энэ охидууд энд тэнд явахдаа, хөөрөхдөө дуугаа жаахан намсгавал зүгээр юм байна шүү гэж бодов.

Тэртээх олон жилийн өмнө их сургуулийн конкурсныхаа хариуг сонсох гээд ээж аавыгаа их сургуулийн гадаа сойсноо дурсав. Тэнцсэн байсан чинь хөөрхийс минь баярлаад л, нулимс унагаж энэ тэр. Би ч тэр хоёрыгоо баярлуулсандаа урамтай байсөөн.

Яг л тэр дүр зураг энэ өдөр давхцав. Аав ажилтай тул ээж охин хоёр догдлон догдлон дугаараа хайв. Байж байна аа. Том зулзага ч дороо дэвхцээд бөөн баяр. Би ч бөөн баяр.

Хэдэн оноотойгоор тэнцсэнийг нь хэлж өгдөг юм билээ. Биеийн байцаалтаа авч очсон.

Маргааш нь тэнцсэн сурагчдыг дахин шалгаруулж анги хуваарилалт явагдана гэсэн хуудас тараасан байсан. Анги хэл, тоо, япон хэл гэсэн гурван хичээлээр л шалгалт авсан. Дунд сургуулиа төгссөн өдрөөсөө эхлээд л түүндээ бэлдсэн. Тэнцсэн гэдэгтээ итгэлтэй байсан шиг байна лээ, зулзага минь. Бусад хүүхдүүд, төгссөн гээд орой нь бөөнөөрөө хоолонд орно гэж байсан юм билээ.

Тэгсэн манай энэ хотод дунд сургуулийн 3 сурагч амьжиргаа цагаан унаж яваад осол гаргаад, тэвшин дээр нь сууж байсан нэг нь шидэгдэж тэртээ хол үсэрч унаад, нас барчихсан хэрэг гарсан юм. Тэгээд төгсөж буй сурагчдыг бөөнөөрөө, харгалзах хүнгүйгээр орж гарахыг нь хорьсон.

Гэхдээ л хүүхдүүд болсон хойно тэр өдрийн үдээс хойш энд тэнд зөндөө л хүүхдүүд бөөнөөрөө холхиж харагдана лээ.
-Яана аа? Багштай таарчихдаг гэнээ.
-Тийм үү? Хаана явжынаа цаадах чинь.
гэх тэм яриа чих дэлсээд л.  

Бас л бага насаа дурсав. Хичээлээ тарчихаад охидууд бид энд тэнд цуглаж дээс цуврах гэхлээр л багш нар энд тэндээс гарч ирчихээд харь гээд хөөгөөд байдаг байж билээ. Одоо бодоход ухаалаг утас энэ тэр гэхгүй үсэрч харайгаад их л зөв өнгөрчээ, бага нас минь.

Хариугаа сонссоны маргааш өдөр нь сурагчид дахин шалгалт өгч шүүсээ шахуулна, ээж аав нар үдээс хойш сургууль дээр нь очиж түрийвчин дэх байдгаа шавхуулдаг юм билээ. Цагаан цамц, ном сурах бичиг энэ тэрээ худалдаж авна гээд л.

Энэ талаар тусад нь бичих нь зөв байх.

Төгсчихлөө 2

Ингээд төгсчихлөө гэсэн чинь болоогүй ээ. Маргааш нь амралтын өдөр хэдий ч том зулзага сургууль руугаа дүрэмт хувцсаа өмсөөд л явсан. 

Учир нь доод ангийнхандаа зориулж үлээврийнхэн сүүлчийн "тоглолтоо" хийх юм гэнэ. Мөн trumpet тоглодог 1, 2 дугаар ангийн коохайдаа бэлэг өгдөг гээд худалдаж авсан. Юу бэлэглэх билээ? гэж жаал гадуур явав. Арайхийж хөөрхөн, сэтгэлд нийцсэн зүйлээ авав. Захиа бичээд, өөрөө боох юм гэсэн. Том зулзага иймэрхүү зүйлдээ гаргуун. Дараа урласан бүтээлээс нь оруулна аа. 

Бэлэгний талаар хэдэн үг. Эцэг эхийн зөвлөлөөс анги ангидаа хийдэг дурсгалын хичээлийн сүүлээр сурагч бүрт нэг нэг цэцэг бариулсан. Дуугаа дуулсны дараагаар багшдаа баярласан талархсанаа хэлээд бэлэглсэн. 

Багшид ингээд л болоо. Хэ хэ. Аан тийм, өөрсдөө урласан бяцхаан альбом байсан. Ёстой ингээд л болоо. Өөр хүний урманд үнэтэй цайтай зүйл байхгүй. Хөөрхий муу ардын багш. Хи хи. 

Бид багадаа багшдаа алтан ээмэг бөгж ч билүү? Алтанбулаг хивс билүү? өгч байсан санаад байх юм, юу билээ? 

Энд ер нь багш нарт, эмч нарт, төрийн албан хаагчдад ямар нэгэн зүйл өгөх хориотой юм шиг билээ. Авдаг хүмүүс байдаг л гэсэн. Би ховор харж байна л даа. Аан тийм гэхдээ нэг хүн бий, авахын дон тусцан хүн шиг санагдаад... Заримдаа хүмүүсээс тэр тухай сонсоод өмнөөс нь ичээд, бас айдаг. Хэзээ нэг булхай нь илэрч баларна даа гэж бодохоос...

Сурагчдад өгсөн бэлэг гэхээр нэг нэг альбом. Дунд сургуулийн 3 жилийн хугацаан дахь авахуулсан сурагчдын зурагны цуглуулга. Бүх сурагчдын сэтгэгдэл бүхий бяцхан хэмжээний ном. Бас бус зураг. Бие Биедээ бичилцсэн захидлууд. Ингээд л болоо. 

Харин төгслөө гээд  гэрийнхэн нь тус тусдаа хүүхдээ баярлуулах тохиолдол байдаг гэсэн. Би урьдчилаад ном аваад өгчихсөн. Өөрөө захиалгаа өгсөн юм. 

Хувцаслалтын талаар хэдэн үг. Бүх сурагчид дүрэмт хувцастайгаа. Багш нар ихэвчлэн хар өнгийн хослолтой. Мэдээж цагаан өнгийн цамцтэй. Харин яг анги дааж авсан багш нар нь арай өөрөөр хувцаслаж болдог юм билээ. Том зулзагын ангийг дааж авсан багш ягаан өнгийн кимоно өмссөн байсан.

Ээж аав нар бас хар бараан өнгийн хослол голцуу, дотуур нь цагаан цамц, ээж нар энгэртээ цэцгэн энгэрийн зүүлт зүүнэ. Зүүхгүй ч байж болно. Мөн кимоно өмссөн ганц нэг ээж харагдсан.
 

Төгсөв.

Төгсчихлөө

Жилд нэг төгслөө гэдэг бичлэг оруулдаг болоо юу даа. Хэ хэ.

3 жилийн өмнө дунд сургуульд орж байсан том зулзага минь сургуулиа төгслөө. 3 жил гэдэг яасан ч хурдан юм. Ингээд төгсчих гэж.

За энэ арга хэмжээ эхлэхээс өмнө түрүүлж ирсэн ээж аавуудыг дааруулчихгүй гэж гаргаж өгсөн танхимын самбар дээрх баярын мэндчилгээ. "Хүүхэд тань сургуулиа төгсөж буйд баяр хүргэе." гэсэн байна. 

За энэ заалны хоймор. Төрийн далбаа болон сургуулийн туг өлгөөстэй байна. 

Төгсөлтийн арга хэмжээ эхлэхэд доод ангийн сурагчид суудлаа эзэлсэн байна. Мөн багш нар. Түүний дараагаар эцэг эхүүд орж хойгуур сууцгаана. Дараагаар нь хорооны болон, боловсролын газраас ирсэн ганц нэг төлөөлөгч зэрэг хүмүүс орж ирэн сууна. 

Тэрний дараагаар төгсөх ангийн сурагчид анги ангиараа ээлжлэн орж ирнэ. Хүмүүс алга ташилтаар угтана. 

Хамгийн эхэнд зарлагч "бос" команд өгнө. Бүгд босон төрийн дууллаа дуулна. "Суу" командаар бүгд сууна. Анги ангиар нь нэрсийг нь дуудна, нэрийг дуудахаар би гээд босч зогсоно. Нэг ангийн бүх сурагчид босч зогсохоор төлөөлж нэг сурагчид гэрчилгээг нь гардуулж өгнө.

Захирал үг хэлнэ, төгсөх сурагчдыг төлөөлж нэг нь үг хэлнэ, үлдэж буй 1 болон 2 дугаар ангиас төлөөлж үг хэлнэ. Мөн цугласан зочдоос төлөөлж үг хэлнэ.

Хамгийн сүүлд төгсөх сурагчид урд тайзан дээр гарч хоороороо дуулна. Зарим сурагчид уйлж харагдана. Үзээд сууж буй ээж аав нараас ганц нэг нь нулимсаа арчиж харагдана.

Түрүүлээд төгсөх ангийнхан анги анги руугаа явна. Цугласан төлөөлөгчид цуван гарна. Багш нар заалнаас гарна. Бусад сурагчид гарна.

3-р анги хариуцсан эрхлэгч эцэг эхчүүдэд хандаж үг хэлнэ. Түүний дараагаар эцэг эхчүүд хүүхдийнхээ анги руу явцгаана.

Анги ангидаа дурсгал хичээл орно. Багш нь үг хэлээд, бусад сурагчдынхаа гэрчилгээг гардуулж өгнө. Ингэхдээ сурагч нэг бүрийн сэтгэлийн үгийг сонсоно. Багшийн хэлсэн видеог үзнэ. Энд тэнд хүүхдүүд ээжүүд голцуу хүмүүс нусаа татна. Үе үе инээлдэнэ.

Энэ том зулзагын ангийн самбар дээрх зураг. Дурсамж хичээлийн дараагаар зураг авалтын цаг. Ангиараа зураг татуулна. Сүүлд нь хоёр гурваараа, нийлдгээрээ зургаа татуулна. Энд тэнд ээжтэйгээ аавтайгаа хамт зургаа авахуулна.

Эрхлэгч багш аль болох хурдан ангиасаа гарахыг шаардана. Учир нь бусад багш нар нь үдэж гаргаж өгөх гээд нэг давхрын коридорт хүлээн зогсоно. Энэ өдөр их хүйтэн өдөр байсан тул бүгд их даарсан. 

Мөн үлээвэр найрлынхан ая тоглосоор. Том зулзага тэд нараасаа салж хагацан байсан. Учир нь өмнөх жилүүдэд бас л ингээд тоглож байсан болохоор. 

Эцэг эхүүд нэг ресторанд цуглан хүүхдийнхээ хэрхэн өсөж торниж байгаа тухай, цаашид хэрхэх талаараа ярилцан идэж уудаг арга хэмжээ болдог юм байна. Бүгд оролцох албагүй гэсэн. Оролцдоггүй улс ч байдаг гэнэ. Бид ч яваагүй. 3-лаа л булагнаж зулзагынхаа дуртай хоолыг идсэн. 

За ингээд төгсөлтийн арга хэмжээ өндөрлөв. 

Үргэлжлэл бий...

Манго жимстэй цай

Энэ ном бас хөөрхөөн нэг ээжээс  ирсэн юм. Найз дүү.

-Та энэ номыг уншсан уу? Танд энэ ном байгаа юу?
-Аль тэдэн жилийн өмнө уншчихсаан, өө байгаа байгаа.
-Өө тантай чинь юм ярилтгүй, та чинь үнэн гэгээрсэн хүн байна шд.
-Хэ хэ, гүү гүү, эхнээс нь мартаад л явдаг юм шд.

Бид 2-ын хооронд ийм нэгэн харилцан яриа болов. Хэд хоногийн дараа зөндөө ааруултай хамт Манго жимстэй цай манайд ороод ирсэн. Гого байна уу?

Ажилтай гэж хэд хоног гүйгээд юун ном унших. Энэнээс өмнө надад ирсэн ном ч зөндөө байна л даа. Эхнээс нь гарт тааралдсанаасаа уншиж эхэлж байна. Хажуудаа ааруулаа тавьчихаад.

Халуун борголоо бас оочоод л. Жаргаж байна өө. Хи хи.

Номоо хараахан уншиж дуусаагүй ч, охид бүсгүйчүүдийн тойроод гардаг сэтгэлийн шаналан, биеийн шаналал...

Анх том зулзагаа олчихоод ээж аавдаа хэлэх гэхээс айгаад л, хэлж чадалгүй хөдөө ажлаар явсан хойгуур, нөхөр очоод түс тас хэлчихсэн байж билээ. Хи хи. Хөдөөнөөс харьж ирсэн чинь ижий аав 2 минь бие хаа нь зүгээр үү? гээд сүйд болсон юм даг.

Гэх мэтчилэн эмэгтэйчүүд бид чинь олон зүйлтэй тулгарна аа тэ?

За тэгээд нүүр номд олон уншигч нар тэмдэглэлээ хөтөлдөг болжээ. Энэ номын тухай гоё гоё тэмдэглэлүүд байсан байх шүү. Олж уншина биз дээ. Би жаахан залхуурав. Угаасаа ч залхуу л даа.

Тэдгээр сэтгэгдлийг уншаад, тухайн номыг унших сэтгэгдэл төрнө, шунал хөдөлнө.

Дэлгэрэнгүй бичих гэхээр цаг зав их шаардах гээд байна л даа. Зураг л орууллаа. Дараа найз нөхөддөө ном захихад энэ зураг чинь их хэрэг болдог юм билээ. Тэгэхгүй бол уншсан номнуудаа эхнээс нь мартдаг юм билээ шд хүн гэдэг чинь.

За сүрхий уншигчдыг өөртэйгөө адилтгаад мартдаг болгочихлоо. Уучлана биз дээ?
Бүгдийнх нь ном унших их үйлсэд амжилт хүсье.

Хөлсөө арчив

Духныхаа хөлсийг арчив. Ер нь бол өнгөрдөг жилийн хавраас хойш л хөлс гараастай. Ялангуяа духны хөлс.

Эргэн тойрны хүмүүсийн яриаг сонсоод л шууд хөлрөөд эхлэнэ. Санаа зовоод эхлэнэ.

Ямар асуудал хөндөхөөр хөлс гардаг вэ гэдэг нь ойлгомжтой биз? Том зулзагын элсэлтийн шалгалтын тухай.

Ядаж байхад уулзсан хүн болгон энэ тухай хөндөнө. Саяхан мундаг гэж хүндэлж явдаг багш хүртэл хөндөөд авсан.

Бүгд муу санаж хэлээгүйг мэдээд байна л даа. Гэхдээ л...

Том зулзагын нэг шийдвэрлэх шалгалт дуусав. Тэгээд л би хөлсөө арчиж, бага зэрэг тайвшраад байгаа нь энэ. Өөрөө шалгалт өгчихсөн аятай. Хэ хэ.

Хүүхдээ улсын шалгалттай жил нь ээж аав, ах дүү, хамаатан садангууд нь өөрсдөө шалгалт өгөх гэж байгаа юм шиг л ханддаг юм билээ. Хамаагүй гэрээр нь орж наргиж цэнгэж болохгүй, хамаагүй дагуулж орж гарч болохгүй гэх мэт.

Тэгсэн би яасан? Байсхийгээд л хүн цуглуулж идэж ууна. Монголоос хүртэл зочид дуудаж идэж ууж бужигналдав. Хи хи.

2 өдөр дарааллан өгнө. Эхний өдөр бичгийн шалгалт. За энэ бол миний мэдэхгүй зүйл. Мэддэгт мэргэн цоохор, мэддэгүйд эрээн цоохор гээч л юм билээ. Шалгалтын асуултын хариу нь маргааш өдрийн сонин дээр гарчихдаг юм билээ.

Дараагийн өдөр нь ярилцлага. Ахлах сургуульд ороод юуг голчон суралцах? Ирээдүйн зорилго? Сүүлийн үеийн нийгмийн тулгамдсан асуудал? зэргийг асуудаг гэнэ.  Санасныг бодоход эелдэг ааштай хүмүүс байсан гэнэ.

Тэнцсэн эсэх тухай энэ сарын дундуур гарна. Догдлон хүлээх л үлдлээ.

Нөгөөдөр болох дунд сургуулийн төгсөлтөө хүлээгээд л сууна даа бид. Маргааш улсаас өгдөг өдрийн хоолны сүүлчийн өдөр.
-Нэмж идээрэй миний охин.
-Хэ хэ, за.

Ахлах сургуульд нэг бол өөрсдөө хоолоо бэлдэж авч явах, нэг бол сургуулийн гуанзанд хооллох гэсэн хоёр арга байдаг гэсэн.

Гэх мэтчилэн ахлах сургуулийн тухай бичээд явна аа. Томоос том хүүхэдтэй ээж аавууддаа амжилт.

Төгөлдөр хуур

За энэ бас хэсэгтээ уламжлалт бичлэг болоод явах нь шиг байна. Бага зулзагын 2 дахь жилдээ оролцож буй тоглолт. Өнгөрдөг жил эгчтэйгээ тоглосон. Энэ жил эгч нь шалгалт шүүлэг гээд тун завгүй тул, үеийн нэг охинтой хамтарч дарсан.

Бага зулзага гэртээ ерөөсөө давтлага хийхгүй, заримдаа тийм зав нь гарахгүй юм. Мөн өөрөө нас жаахан тул тоглоод л гүйгээд байна. Үе үе эвий минь жаахан юм шүү дээ, тоглож л байг, нэг их удахгүй тоглоод гүйх нас нь өнгөрчихнө гэж бодоод, хатуурхаж чадахгүй ээ.

Би чинь багадаа тасганы овоог тойроод л өмднийх нь бөгсөн хэсэг хөлдтөл гулгаж тоглоно, зун нь усаар байлдаж байна гээд шалба нороод л гүйдэг байлаа шд. Тэрэнтэйгээ харьцуулаад, одооны энэ хүүхдүүд цаг үе цөвүүн болчихсон гээд гадаа ч гарч тоглох нь ховордоод. Тийм ээ?

Юу ярьж байлаа? Аан тийм төгөлдөр хуур. Алдаагүй, сайн тоглосон. Гэм нь урд орой нь бөөлжөөд, хамаг идсэн ууснаа гаргаад хаячихсан, жаахан сул л байлаа. Аяаа тоглож дуусаад л, нурж унасан, нэлээд хэдэн цаг сайн унтсан.

Эх орон нэгт нэг найз минь ирж ийм гого цэцэг бэлэглээд. 

Харин үүнийг оролцсон бүх хүмүүст багшийн зүгээс бэлэглээд.

Одоо намар тайлан гэж болно. Ганц ганцаараа нэг нэг ая тарна. Тэр болтол хэсэгтээ сэтгэл амар.

Хүүхэд хурдан сурах юм өө, ямартай ч нот уншаад сурчихаж байна. Мэдээж бүгдийг сурах болоогүй л дээ, бага багаар ахина. Намар гэхэд бас л нэг шатаар ахисан байх байхдаа. Ээж аав болно гэдэг чинь хүүхдээ нэг зүйл шинээр сураад явахад нь хөөрчих бололтой юм тэ?

Буцаад хүүхэд насандаа нэг очоод ирэхсэн. Тэгвэл ч...

Бүх ээж аав уншигчдадаа амжилт хүсье...

Гэрийн зүг гэдэн годон

Ажил ч дууслаа, бүгд л гэрийн зүг гэдэн годон.

Хайртай хүмүүстээ цүнх дүүрэн, чемадан дүүрэн бэлэг чихээд л явж байгаа хүмүүсийг үдэж өгөхдөө, дагаад л явчихмаар болдог юм. Соиин, сэтгэл хөдөлнө гэж юүхэв.

Хүмүүсээ автобусанд нь суулгаж өгчихөөд, өөрөө галт тэрэгээ хүлээнэ. Зулзагууд минь хүлээж байгаа даа гэж бодохоор сайхан, гэрийн эзэгтэйн ажил минь хүлээж байгаа гэж бодохоор ...

Окаяма мужийн Курашики хот Шикокү арлыг холбосон их гүүр болох Сэто гүүрийн дээгүүр галт тэргээр. Олоон жилийн өмнө машинаар нэг давхиж билээ. Бас л биширмээр том гүүр. Ингээд л япон хүмүүсийг бишрэхээс өөр аргагүйд хүрнэ. Энэ гүүрний тухай дэлгэрэнгүй мэдээлэл авмаар байвал нетээс хайчихаарай. Хуруугаа хөдөлгөж байж мэдээлэл олж авна шүү дээ, орчин үед чинь. Хэ хэ. 

Галт тэрэгнээс буугаад л миний ажил ундрана шүү дээ. Нэг ийшээ давхиад л, нэг тийшээ давхиад л. Бүгд л намайг хүлээсэн улс байгаа. Өнөөдөр орой нэг жүжиг үзэх юм. Илүү билет байгаа тул гурван хөөрхөн монгол хүүхдийг дагуулаад явна.

Болоогүй ээ, наана нь бага зулзагын төгөлдөр хуурын давтлага байгаа. Бүтэн сайнд хамтарсан тоглолттой.

3 сарын 3 охидын баяр. Хина мацүри. Энд тэнд ийм чимэглэлээр гоёсон байна. Энэ зураг дээрх шиг хүүхэлдэйн чимэглэл. Бас их учир жанцантай гэсээн. Ямартай ч 3 сарын 3-наас өмнө гаргаж ирж тавина. Яг 3-ндаа хураана, тэгэхгүй бол охин үр нь хадамд гаралгүй уддаг гэсэн. За тэгээд хүүхэлдэй болгон нь бас учир жанцантай. Би сайн мэдэхгүй байна аа, та бүгд мэдэхийг хүсвэл бас л нет гуйгаас асуучихаарай.

Хөрш айлын эмээ бага зулзагыг минь дуудаж үүнийгээ үзүүлээд. Охин нь хүнтэй суугаад явснаас хойш гаргаж ирээгүй, энэ жил нэг гаргаж ирж, салхи оруулаад гэсэн. 

За амралтын өдрийг сайхан өнгөрүүлээрэй, бүгдэд нь амжилт хүсье.

Нутгийн хоол

Япон хүмүүс энд тэнд явахдаа тухайн нутгийн хоолыг идэх гээд чичрээд дайраад байдаг сонин зантай хүмүүс шд.

Би яаж дутахав, дуурайгаад л идээд, уугаад явчихдаг болсон байна лээ.

За нутгийн раамэн. Ажил дуусахын нэг өдрийн өмнө цаг зав, мөнгө гарган идлээ.

Нутгийн гурилтай шөл. Гэхдээ тийм их алдартай биш гэсэн л дээ. Раамэн идэх гээд орсон чинь дуусчихсан байхаар нь махтай шөлтэй юм гээд л захиалсан хэрэг. 

Мөн өнөө оройн нутгийн тахианы мах иднэ. Шорлог. Зураг авч оруулна аа. 

Та бүхэн мөн энд тэнд явахдаа нутгийн хоол идье гэж чичрээрэй. Хоолны соёлтой нь танилцах нэгэн боломж шүү гэж зөвлөчих үү? Хэ хэ.

Чемаданы юм

Дээхэн чинь чемаданы юм гээд л кофе задалдаг байлаа шүү дээ. Одоо үед больж байгаа сурагтай. Хэ хэ.

Гэхдээ энэ зөвхөн хүүхнүүдэд л хамааралтай бололтой. Өнгөрдөг жилийн 4 сард эрчүүдтэй явахад энэ тогтолцоо халагдчихаагүй л байх шиг байсан. Хи хи.

Энэ удаад нэхэж байж, шордож байж ганц чемаданых нь юмыг задаллаа шд. Хи хи.

Тэр нь энэ чихэр. Мармелад. Багадаа их иддэг байжээ. Одоо бол бараг идэхгүй. Иймэрхүү аргаар ганц юм аа задал энэ тэр гэж байж хаа нэгтээ олж идэж байна.

Хажуугийнх нь асахи пиво бол Лувсан гуайнхаас худалдаж авсан юм өө.

Хөгжилтэй зүйл сонсож, инээлдсэн сайхан орой байлаа. Элэг нэгт хүмүүсийнхээ цангинасан инээд ханиадыг сонсох, цаанаа бас өөр юм аа. Нэг тийм хаалт байхгүй...

Маргааш нэг том ажил хүлээж байдаг? Даваад гарна даа. Орой нь идэх галуу шувууны мах, ганц нэг торх шар айраг л бодогдоод байх юм, наана нь.  Бүдүүндчихсэн юм байх даа?

Багад эмээ минь их идээд байхаар бүдүүндчихсэн юм уу хаашаа юм? гэж загнадаг байж билээ.

Маргаашийнхаа ажилд өөрөө өөртөө амжилт хүсээд унтах минь. Шөнийн 1:35 болж байна энэ чинь одоо.

СПА ба томилолт

СПА-дах гэж томилолтоор яваа юм шиг л байна. Монголоос ирсэн зочид төлөөлөгчидтэйгөө.

Өдөр нь баахан явж явж, орой нь буудалдаа ирж спа-дна. Гэртээ тэр бүр зав гаргаад байдаггүй нүүр амаа илж таалж. Хэ хэ. Зочид буудалд хонох өдрийнхөө тоолонгоор маск тавих том зорилготой. Одоогоор амжилттай, гурав хоног дээрээ.

Өөр чинь ямар зорилго тавьлаа даа? Аан тийм, ажлаа сайн хийх. Хэ хэ. Үгүй ээ яахав, хэцүүг нь гайхаад л явсан болж байна.

Оройд мэдэхгүй зүйлээ харж, унших зорилготой ч тавин хувьтай. Монголоор нь ч мэдэхгүй сэдэв болохоор толгойд үлдэх нь ч маруухан.

Өглөөний цайгаа бага шиг уух зорилготой ч, элдэв зүйл хараад нүд унагаж идээстэй.

За энэ оройн хоол. Буудлын ойрхон их дэлгүүрийн хаах цагийг дөхөөд ирэхээр хүнсний бүтээгдэхүүнүүд нь хямдардаг юм билээ. Дээд тал нь тавин хувь. Хэд хэд ирэхдээ орно доо гэж бодоод явснаа амжихгүй байсан юм. Нэг орж санаагаа амраалаа.

Эдийн шуналаа дарж, гэгээрч байгаа хүн чинь хүнсээр л ордог болж дээ. Хүүхнүүд бид жимс жимсгэнэ хараад л гүйгээд байгаа, дараа зураг оруулна аа.

Зугаалга

Эртээд ажлаар ирсэн ахыг гаргаж өгөнгөө зугаалсан цэцэрлэгт хүрээлэн.

Окаяма мужид оршдог. Кооракүэн. Өвлийн цагт очсон болохоор сэрүүхэн, жаахан тухгүй байлаа. Мөн гоё ногоороогүй байсан.

Олон удаа Окаяма муж орж байсан ч огт ингэж зугаалж байгаагүй юм. Энэ удаад зорин зорин зугааллаа.

Энэхүү Кооракүэн нь Японы гурван том ногоон хүрээлэнгийн нэг нь гэнэ. http://www.okayama-korakuen.jp/ Энэ хаяг руу ороод үзчихээрэй, хүмүүсээ. Олон хэл дээр уншиж болох юм байна.

Өөрийнхөө дарсан ганц нэг зургаас оруулав.

Чулуун гүүр

Гурвалжин дээвэртэй нь завь

Нарс модыг яаж л бол яаж засаж байна.

Дулаарахаар, ногоорохоор дахин явна аа, хосоороо зугаалвал сайхан газар байна лаа шд. Энд хосоороо байдаг залуус нэг очиж үзээрэй.

Боулинг

Уламжлалт бичлэг. Шинээр элсэн орох нэгдүгээр ангийнхныг угтах, бага ангиа төгсөх 6-р ангийхныг үдэх боулингийн арга хэмжээ.

Энэ жил бага зулзага сэнпай болж байгаа. Хөөрсөн хүн л байна. Хи хи.

Гадаах цэцэрлэгт хүрээлэндээ цуглацгаагаад, хариуцсан ээж аавууд дагуулаад явсан. 4 цагийн арга хэмжээ. Жижиг жижиг даавуун ууттайгаа, уух цайтайгаа явна, ихэнх арга хэмжээнд.

Хөгжилтэй байсан гэсэн. Оноогоор нь шагнал гардуулаад л явсан гэнэ. За хамгийн сүүлийн хүн гэж хэлснээ охины минь нэрийг уншсан гэнэ.

-Сүүлийн хүн гэхээр нь зөө зөө гэж бодсон чинь нэрийг минь хэлдэг байна шд, азтай байна уу? ээж ээ гэсээр л орж ирсэн.

Шагналд нь нэг жижиг дэвтэр, номын дэлгүүрээс худалдаа хийх 500 иений эрхийн карттай ирсэн.

Арга хэмжээний гол зорилго бол биестэйгээ танилцах. Хойшид зохиогдо арга хэмжээнд хамтдаа идэвхитэй оролцох.

Олон жилийн дараа уншихад санах гэж бичих юм даа, зарим нэг хүмүүс гайхдаг бололтой билээ? Яасан ч их завтай юм гэж. Завтай завтай, заваа зөв боловсон өнгөрүүлэх гэж бичдэг тал ч бий. Адаглаад алдаагүй бичээд сурчих байх даа, тийм ээ?

Эморх гэж байна, түр баяртай.

Жич: Нүүр номноос эморох гэж уншаад байгаа, ойрд. Тэгээд хоцорчихгүй гээд л. Хи хи.

Хэлбэрээ өөрчилсөөн

Аяга угаагч маань ингэж хэлбэрээ өөрчилсөөн. Байнгын хэрэглэгчдийнхээ хүсэлтийг хүлээн авч, чанарыг нь сайжруулсан ухаантай.

Ингэхдээ хэлбэр, болон нэхэлтийнхээ чанарыг засав.

Зураг дээрх шиг. Нэхээд л нэхээд л, бэлэглээд л бэлэглээд л яваа. Эхнээсээ хэрэглэж үзсэн хүмүүс сэтгэгдлээ хэлэх байх аа. Хүлээгээд л байна би.

Урдны өгсөн дугуй хэлбэртэйгээ хэрэглэж дуусаад, муудахаар нь хаясныхаа дараагаар хэрэглэнэ гээд хадгалчихсан гэх юм, байнгын хэрэглэгч ээж минь.

Охин нь нэхэж өгдөг гэсэн шиг 5 ширхэгийг гал тогооныхоо хананд өнгө алаглуулаад өлгөчихөж. Хөөрхөн гэдэг нь. Бас болоогүй ээ
-Алтан нарны өнгө "шаргал" өнгө нь гоё шүү, миний охин энэ өнгөнөөс ахиухан нэхэж өгөөрэй гэчихэж ээ. Хи хи.
-Шуналтай шдээ, тэгж байгаад нэхэж өгөмз.

Шинэ бүтээлийг минь хүлээн авсан хэрэглэгч та нар минь санал сэтгэгдлээ харамгүй хэлээрэй. Хэрэглэгч та хаан шүү.

Амралтын өдрөө сайхан өнгөрөөгөөрэй. Түр баяртай.

Ээжээрээ гоёно оо

Хүн болгоны л ээж сайхан тийм ээ? Минийх илүү сайхан нь. хэ хэ.

Юугаараа гээч? Бүхий л талаараа.

Ээжийнхээ сайхан зан чанарыг блогтоо мөнхөлж үлдээх гээд л. Арвигач хямгач, юмханаар юм хийчихдэг, эмх цэгцтэй гээд л зөндөө сайхан чанартай даа. Аан тийм, маш нямбай бас. Өө тийм, сайхан дуулна. Цагтаа Флатова гуай дууны ангид оруулж өгье гэж гуйж байсан гэсэн. Ээж минь татгалзаад, дуртай мэргэжлээрээ ажилласан. Олон сайхан шавьтай, хамт олонтой. Одоо тэр сайхан хамт олон нь ирж золгодог.

Энэ удаад ээжийнхээ хийсэн нэрстэй аарцыг, тарьж ургуулсан хүрэн манжингийнх нь дээжээс хошуугаа унжуулан, нэхэж байж авчруулаад. Энэ хажуугийн зураг дээр ягаан нь нэрстэй аарц. Ууттай хүрэн нь нарийхан хэрчсэн хүрэн манжин.

Замдаа аарц нь жаахан хайлсан байсан тул ингэж хөлдөөв. Хөлдөснийх нь дараагаар жижгэвтэр хэрчээд, дахин хөлдөөнө. Бага багаар гаргаж ирж хүлхэнэ. Амттай гэж юүхэв.

Монголд манайхаар айлчилсан, орж гарсан хүмүүс бүр нэхэж байгаад иддэг гэсэн.
-Та өнөөх аарцнаасаа ганцыг өгчих л дөө?

Би эндээс харамлаж, өөрсдөө хийж, бэлдэж ид гээч гэж уурлана аа. Хэхэ. Учир нь миний захиж авчруулах хэмжээ багасна биз дээ? Энэ чинь одоо. Хи хи.

Бас МИАТ-ын ачаа барааны хэмжээнээс болоод багаханыг л захилаа. Мэрж иднэ дээ.

Хүрэн манжин байна. 2, 3 жилийн өмнөөс тарьж эхлээд, ингэж хэрчиж болгоод хатаачихдаг. Оройн хоолондоо гаргаж иддэг. Мөн жүүс хийгээд уучихдаг. Захиж авчруулмаар байвч тэр холоос дэмий ч юмуу даа, эндээс өөрсдөө аваад идчихэж байя гэж бодоод явсан. Эндээсээ авах гэхээр жаахан үнэтэй, байнга аваад байж бас чадахгүй болохоор нь энэ удаад зориглоод захиж жаахныг авчруулсан. Бас л хааяа нэг гаргаж иднэ дээ.

Ижий аав 2 минь ийм л хөдөлмөрч улс даа. Олон зүйл тарьж ургууллна, даршилна гээд л. Энэ зун тарвас тарих юм гэсэн. Амжилт хүсье ээ.

Нүүдлийн ач тус

Нүүж сууна гэж нээрээ ямар том ухаан бэ? Нүүдэлчин ард түмний энэ ухааныг бишрэхийн аргагүй.

Яасан гэхээр ажлын минь газар нүүх гээд их ажил өрнөж байна. 4 сарын нэгнээс шинэ ажлын байранд ажлын гараагаа эхлэх нь дээ. Барилга бол шинэ биш л дээ. Мужийн харъяа хуучин байшин. Дотор нь хэд хэдэн байгууллагууд үйл ажиллагаагаа явуулдаг юм.

Олоон олон ном актлах гээд ялгаж байна. Мөн сэтгүүл, сд, двд гээд л сүүлийн 10-д жил тэр бүр ашиглагдаагүй зүйлсээ хаяна.

Ингэж хаяхдаа шууд хогийн саванд хийчихгүй ээ. Иргэдийнхээ татварын мөнгөөр худалдаж авсан тул, буцаагаад иргэддээ тарааж өгөх хэлбэрээр арга хэмжээ авна. Би ялгаж салгаад сууж байхдаа энийг ч авчих юмсан, тэрийг ч авчих юмсан гэсэн гого гого ном, двд зөндөө байна аа. Хэ хэ. Гэхдээ би ажилтан нь учраас авах эрхгүй л дээ. Хи хи.

Нүүдэл суудлынхаа ачаар ажлын газрынхан маань их хэмжээний цаас болон бас бус хогноосоо салах нь.

Тэгээд л бодож сууна, нүүдэлчин ард түмний энэ нүүж суух ухаан чинь асар том ухаан байжээ л гэж. Нүүхийнхээ тоолонгоор элдэв хэрэггүй зүйлсээсээ сална,  мөн хэрэггүй зүйл худалдаж авахгүй, байгаль орчинд ээлтэй үйлдэлтэй, буянтай улс юм аа тийм ээ.

Байрны айлууд ч өөр л дөө, тийм ээ. Сүүлийн үед манайхан их л олон зүйл ханандаа өлгөх болж дээ. Мөн элдэв зүйлс шкафандаа өрж тавиад л. Том зулзага харчихаад музей шиг гэсэн. За тэгээд хүн хүний сонирхол өөр тул, лаагаа иднэ үү? луувангаа иднэ үү хамаа алга дөө гэж.

Тэртээх 2 жилийн өмнө гэр минь бас нүүхэд их зүйлээсээ салж билээ. Одаа харин бас нэмэгдээд байх хандлагатай, нүүдэг ч юм билүү хэхэ.

Нэгийг бодогдуулам ном

Ажил дээр минь шинээр орж ирсэн ном. Албан тушаалаа ашиглаад хамгийн түрүүнд уншив. хэ хэ. Дараагаар нь охиддоо уншуулав.

Дэлхий дээр сургуульдаа явах гэж ямар их бартаатай зам, эрсдэлтэй зам туулдаг хүүхдүүд хэр олон байдаг бол?

Үе үе хэвлэл мэдээллээр гардаг юм энд.

Тэдгээр хүүхдүүдийн хажууд энэ японы  хүүхдүүд, хөгжингүй орны хүүхдүүд ямар их аз жарглатай гээч.

Монголын хүүхдүүд ч азтай. Мэдээж дунд нь хол зам туулдаг, саад тотгортой зам туулдаг хүүхдүүд бий.

Эдгээр хүүхдүүд хэзээ ч гомдоллодоггүй. Тэдний цагаахан инээмсэглэл дэлхийн олон олон хүмүүсийн сэтгэлийг хөдөлгөдөг.

Туслах юмсан гэдэг сэтгэл, зоригийг төрүүлдэг.

Байгаа зүйлдээ талархах, сэтгэл ханамжтай байх л хэрэгтэй юм шиг.

Гэх мэтээр их зүйл бодогдож байна даа...

Давхцаад л...

Юм юм давхцаад л сууж байна даа. Биш ээ гүйж байна аа.

Ирсэн зочдоо гаргаж өгөв. 150 км давхив. Буцахдаа 150 км. Харанхуйд гараад давхисан жаахан эвгүй л байлаа. Ард том том ачааны машинууд тулж ирж давхиад л. Хажуугаар хурдтай гэгч нь гүйцэж түрүүлээд. Харин гэгээ орчихоор бас ч гэж гайгүй. Хурдны замаар давхиад байж болмоор. Хэ хэ.

Харьж ирээд л шууд бага зулзагын багштай уулзах ажилд явган гүйв. Учир нь сургуулийн гадаа машин зогсоож болохгүй. Учир нь сурагчид тараад, хөл хөдөлгөөн ихсэх тул. Сурагчдын аюулгүй байдал нэгдүгээрт.

Нээрээ энэнээс болж би нэг торгуулаад. Саяхан. Уур хүрмээр. Ингээд л би цагдаад дургүй. Хи хи. Нэг өглөө бага зулзага бүлээрээд. Сургуульдаа явах уу? яах уу? гэж гэж жаахан оройтоод. тэгснээ өөрөө явна гэхээр нь хамтдаа алхдаг найзуудаасаа хоцорсон байсан тул хүргэж өгдөг хүн болов оо. Хүргэж өгчихөөд, гэрлэн дохион дээр гацаад байхаар нь нэг уулзвараар зүүн эргээд л орчихсон чинь байдаггүй. Урд цагдаа зогсоод л гараараа зогс гэж дохиод л.

Тэгсэн өглөө 7:30-8:30? байсан байхаа цаг нь, эргэж болохгүй гэсэн зам руу орчихож. Тэр нь бага сургуулийн хажуугийн жижиг туслах зам. Тэгээд л хүлээж хүлээж нэг оноо, 7000 иенээр торгуулсан даа хөөрхий. Яагаад хүлээсэн гэхээр миний урд бас зөндөө машин зогсоод торгуулж байсан. Хэ хэ.

Мөнгөн торгуулиа бэлэн мөнгөөр авахгүй, банкинд тушаа гээж бичиг өгчихөж байгаа юм.

За тэр ч яахав юу ярьж байлаа? Аан тийм давхцах.

Яагаад ингээд нэг ажил ундрахаараа ар араасаа цувдаг байна аа тэ.

Ирэх долоо хоногт 7 хоног эзгүй байна. Тэр дунд зулзагуудын ажил, хань ижлийн ажил гээд л. Ээж байхгүй бол бас л хэцүүддэг байхгүй юу, тэр болгоныг амжуулах гэж.

Иймэрхүү ажил давхцаад буцалсан цай шиг болсон үедээ л ээж аавыгаа дэргэд минь байсан бол ч хошуугаа унжуулаад гуйж байгаа даа гэж учиргүй их санана гээч.

За за нэг сайхан чацаргана ууж аваад л гараад гүйх минь. Удахгүй монголоос миний дуртай еэвэн ирнэ гэж бодохоор нойр хүрэхгүй л байна шүү... Мөн цагаан сарын хувь гээд ганц нэг ул боов ирж байгаа сурагтай.

Сүүтэй цай хийж аваад л ул боовоо дүрж иднэ дээ. Хэ хэ. Нүүр номоор дүүрэн ул боовоор элдэв амттан хийх тухай яваад байна лээ. Бүгдэд нь амжилт.

Амазакэ

Амазакэ буюу амтат архи.
Өглөгч хөршийн минь ээлжит хишиг. Сүүлийн үед энэ архи ихэд дэлгэрч байгаа. Исгэлэн амттай. Гэхдээ бас нэлээд нялуун.

Архи гэдэг нэртэй боловч спиртийн төрөл ороогүй нь ч байна. Үүнийг ханиаднаас сэргийлж охидтойгоо уугаарай л гэсэн. Охид минь сүрхий ууж гийгүүлэхгүй л байна. Би л элдэв зүйлс туршиж үзэх дуртайгаараа ууж байна.

Гэснээс би өвөлдөө нэг их ханиад хүрээд байдаггүй шд. Сайн гэсэн юм болгоноос хүртээд явдаг болохоор тэр юм болов уу? Хи хи.

За энэ амазакэгаа  будаагаар хийнэ. Тусгай хөрөнгө гэж байдаг юм билээ. Исэж байхдаа яг л айраг шиг санагдаад хань ижил хийж үзсэн. Нэг л болж өгөөгүй юм болов уу? Дахин оролдоогүй.

Буянтай хөршийнхөө буянаар ханиад зооглолгүй хавар, зунтай золгоно оо.

Та бүхэн минь бас өвлийг өнөтэй даваарай. Хавар ч хаяанд ирлээ дээ.

Чацаргана мину зээ

Ойрд янзан бүрийн чацаргана ууж байна аа. Шилтэй, хуванцар савтай гээ л. Сүүлийн үед ийм савалгаатай их ирж байна шүү. Ажилдаа нэг нэгээр нь аваад явахад их зүгээр.

Жаахан нялуун амттай. Хэт их чихэртэй болоод байна уу даа? Бага шиг л байвал тийм ээ?

Ер нь бол өөрөө захиж авчруулалгүй ээж аавынхаа тарьсныг буцалгаад, багахан элсэн чихэр, зөгийн балтай уухад л болох юм гэж дүгнээд байгаа.

Харин бэлгэнд авбал дуртайяа хоёр гараа тосоод авна шүү. Үүнийг уншчихаад, өгөхөө больчихов оо. Хэ хэ. Ажил дээрээ борголын хажуугаар ганц нэгийг уухад гоё шүү.

Монгол түмэн минь өөрсдөө үйлдвэрлэх гээд, хийх гээд оролдож байгаа зориг хүслийг нь бодоод, худалдаж авч байхгүй бол тийм ээ.

Үндэсний үйлдвэрлэл минь хөгжин дэлгэрэх болтугай. Амжилт хүсье.

Сар шинийн мэнд

Сар шинэдээ сайхан шинэлсэн биз дээ. Шинийн 8-ны дотор нэг бичлэг хийж мэнд мэдэх гээд л. Ёс ёмбогор, төр төмбөгөр байхгүй бол гэнц нэг хүмүүст загнуулаад байна. Хэ хэ.

Битүүний орой нэг иймэрхүү ширээ засаад. Аминдаа монголоос ирсэн, монгол гэсэн бүхнээ л гаргаж идээгээ заслаа. Хи хи.

Шинийн нэгний ширээ. Жоороо ухаж байж ганц нэг ааруул, чихэрхэнээр илүү байлаа. Битүүний ширээг бодвол.

Сүүлийн үед энэ гадагадад байгаа монголчууд их сүрхий идээ будаа засдаг болжээ. Бүр ууц хүртэл харагдана лээ нэг зурган дээр. Яасан ч сүрхий юм, хаанаасаа ч ууц олчихов? Үгүй тэгээд сэтгэл байвал л болох л байх л даа. Тийм үү? Би л тэр сэтгэл зүтгэлийг нь гаргахгүй байгаа болохоос.

Монголоос ирсэн зочидтойгоо золголт хийж, бужигнаад сайхан л байлаа. Хөөрөглөв бас. Хэ хэ.

“Тийн унжлагат” хэмээх шороон нохой жилдээ эрүүл энх байж, ажил үйлс нь бүтэмжтэй байхыг ерөөе өө.

Гоймон

Гэртээ харих зам хамгийн зөв зам.
Ажил цагтаа тараагүй, цас ихтэй зэргээс болоод галт тэрэг хойшлоод, хойшлуулаад. Оройн хоолондоо юу зооглох уу? гэж эргэлдэж эргэлдэж гоймонгоо л сонголоо. Хэ хэ.

Болоогүй ээ, хажуугаар нь номоо хараастай. Цаг нэлээд байсан болохоор удаан идсэн гэж байгаа. Хэ хэ. Харин номоо хурдан уншсан. Ганцаараа суугаад ном унших цаг гарахгүй байгаа тул, амтархан, шунан уншсан нь тэр.

Киото хотын галт тэрэгний буудал хүн ч ихтэй гэж юүхэв, том ч гэж юүхэв. Төөрч будлилгүй, галт тэрэгээ олоод суух л хамгийн том зорилго тухайн үедээ.

Харин галт тэргэндээ суугаад авбал хэсэгтээ тайвшраад нэг унтана, нэг сэрнэ, нэг номоо сөхнө, нэг тухайн өдрийнхөө ажлыг эргэн санана, тэгэх байж, ингэх байж нэг тавгүйтнэ, за за хойшид л сургамж болж байна даа гэж нэг тайвширна.

Тэгснээ зулзагууд минь, хань ижил минь хүлээж байгаа даа гэж уужрана. Бүгд л эрүүл саруул байгаад сэтгэл ханамж төрнө, талархана.

Гоймон амттай байсан. Нэг амралтын өдрөөрөө амттайхан гоймон хийж идэх минь гэж бодон галт тэрэгнээсээ бууна. Хүйтнийг гайхаж, гэртээ харих зам хамгийн зөв зам гэж хэлсэн тэр нэгэн суутны чухам үнэн хэлснийг нь биширнэ...

Цуйван

Ойрд цуйвангаар занималдаад аа. Хагас сайнд гэртээ цуйван хийж идээд. Гурвалжин будааны гурил хольж байгаад. 2-р гурил шиг бор болдог юм билээ.

Орой нь маргааш өдрийнхөө ажилд бэлдэж 1,5 кг гурил зуурч элдэж, тос түрхэж таслаж, хөлдөөсөн.

Маргааш нь өглөө эртлэн гараад л япон хүмүүстэй хамтарч цуйван хийх ажилдаа ханцуй шамлан орсон. Өнгөрдөг жилийн 6 сард суугуул нутгийнхаа сонсголын бэрхшээлтэй хэдэн иргэдэд эх орноо танилцуулсан даа. Тэгсэн тэргүүн нь гэж нэг нүдэнд дулаахан өвөө
-Би нэлээд хэдэн жилийн өмнө Монгол явж байсан, ирэх 2 сард монгол хоол хийж идэцгээе. Та ирж бидэнд багшлана биз дээ?
-Тэгэлгүй яахав ээ? Дуртайяа.
Дотроо бол хаа байсан юм, дараа жилийн 2 сар гэж бодож байлаа. Тэгсэн яасан? Цаг хугацаа нисэх мэт л өнгөрч байна шд.

Хотын иргэдийн төлөө үйл ажиллагаагаа явуулдаг нэгэн байгууллагын гал тогоо. Хоолны элдэв арга хэмжээ болоход ашигладаг. Тодорхой хэмжээний төлбөртэй.

5 хэсэгт хуваагдаж хийсэн. Порц нь их болсон. Нэг таваг цуйван идэж барахгүй л байна лээ. Монгол эрчүүд бол нэмж идэхээр л байсан, хэмжээний хувьд.

За энэ Кобэ хотод байдаг Жайка-н байрны гуанз. Цагаан сар болох гэж байгаатай холбогдуулж монгол хоол хийж, худалдаалсан. Монголчуудаас бэлгэнд авсан зүйлсээ шилэн хоргонд хийж олны нүд хужирласан.

Зураг бол гоё харагдсаан. Хэ хэ. Шууд л худалдаж аваад идмээр. Үнэ яахав, хямд ч биш, үнэтэй ч биш.

Зураг шигээ л бай л даа гэдэг зураг. Хэ хэ. Ногоо жаахан бага, гурил нь эдний гурилтай шөлний бэлэн гурилыг чанаж хольсон болохоор, нялцгайдуу байсан. Боорцог бүтэн байсан чинь, хэд хоногоос таллаад хуваачихсан гэсэн. Хо хо. Шөл нь бас хонины махтай шөл. Нийслэл салад дажгүй санагдсан.

Миний хийдэг цуйванг гүйцэхгүй л юм билээ, хэхэ. Тийм болоод л манай сүмо агаа нар эгчээ цуйван идье ээ л гэдэг байх даа. Гэрээсээ хол тэдэнд ээжийнх нь гарын хоолыг орлоод амттай сайхан цуйвангаар дайлчих юмсан л гэж боддог доо.

Мөн нэг ч гэсэн япон хүн монголд аялан, халаасаа монголд гөвөөсэй гэж хичээдэг дээ.

Дараа дараагийн цуйван хийх арга хэмжээндээ амжилт хүсчихэе. Хэзээ гэдгийг мэдэхгүй ч. Хи хи.

Эх хэл

Монголоос ирсэн зочдын минь ачаар хоёр зулзагын монгол хэл ихэд сайжирч байна. Бага зулзага монголоор хэрэлдээд эхэлж байвал яах уу? Муу зүйлийг хурдан ч сурах юм, энэ хүүхдүүд. Хэ хэ.

Жаахаан маамаатай барьцаж гүйгээд, бага зэрэг нялхраад байна  энэ

Нэг мэргэн арга олоод оо. Гэр бүлээрээ монгол явах гэж зөвхөн онгоцны тийзэнд арваад сая төгрөг үрж байхаар, монголоос зочид урьж авчираад л, монголоор шаагилдаад байх нь зүгээр юм гэж бодоод. Хэ хэ. Сайхан дайлж цайлаад явуулахаар тийм их мөнгө болохгүй шдээ тэ?

Хүн гээч муухай ч амьтан бол доо тэ? Өөрийнхөө мөнгийг үрэхгүй, хүний мөнгийг үрчих санаатай. Хи хи.

За миний энэ нээлт мээлт ч яахав, бага зулзагын монгол хэлний аялгыг хүмүүс жаахан шоолсхийгээд л, хамаагүй шоолчихвол өнөөх нь уурлачих гээд л, хөгжилтэй.

Гадаад хэл сурна гэдэг, эх хэлээ сурна гэдэг ер нь нэлээд ярвигтай асуудал байна шүү. Эргэн тойрондоо шоолуулна, шантарна, уйлна, дуулна.

Гэснээс бага сургуулийн 3-р ангиас эхлээд англи хэл бага цагаар орж эхлэнэ. Ингээд гурван хэлний дунд эргэлдэж өгөх нь бага зулзага.

Том зулзага ч бас гурван хэлний дунд эргэлдэж байгаа л даа. Монгол хэл нь гэхдээ идэвхитэй биш, нэг их сонирхохгүй байгаа. Ярихын хувьд бага зэрэг ярина, бичиж чадахгүй, үсэглэж уншина. Яваандаа болох биз гэж бодоод хүчлэхгүй л байна. Загнаад унана аа, уншигч олон. Хэ хэ.

Одоо ч блог уншдаг хүн ховордсон болохоор гайгүй ч юм уу, учиргүй загнаад унах нь, хи хи.

Монголоор амьсгалаад сайхан байна. Харихаар нь санацгаана даа, биесээ...

Ойрд

2 сар гарчихав аа. Ийш тийшээ гүйсээр байтал цагаан ногоон сар минь болох гэж байна. Буузаа чимхэж амжаагүй л явна. Энэ долоо хоногоос чимхэнэ дээ. Гэснээс чимхсэн буузаа хөлдөөнө гэж том асуудал юм байна энд чинь.

Том, бага зулзагуудын сургуулийн арга хэмжээ гэж ар араасаа ундраад л. Ээж түүнд нь бондогонож гүйгээд л. Гүйснээрээ гуалиг болохгүй нь онцгүй.

Би өөрөө бас ажил ажил гэж ийш тийшээ гүйгээд л. Өглөө тэнд, өдөр тээр тэнд, орой энд.

Хөдөөний хүүхэн хот орж соёлтой гайхсан, төөрөхөө шахсан, хоцорсон гээд л явж байна. Хоцорсон гэдэг нь миний буруугаас биш л дээ. Ажил сунаад, тэгээд л харих галт тэргэндээ амжаагүй хэрэг. 

Мөн эх орноос минь зочид ирсэн. Нэг хөөрхөн булцгар амьтан манайхыг буулгаж өгч байна. Хажуугаар нь мөнхийн идээстэй. Хэ хэ. Бид түүнийг дагаж мөн л идсээр.Хэ хэ.

Зочдаа дагуулж дэлгүүр хоршоо хэснэ, хоол унд хийж иднэ, янзан бүрийн зүйл ууна. Зугаатай л байна. Харьчихаар нь санана аа одоо. 

Өөр юу билээ? Бичмээр зүйл их л байгаад, блогоо бичиж амжихгүй байгаадаа жаахан уур хүрээд л явсан чинь, цагаа тулсан гар хөл, сэтгэл санаа эвлэж өгөхгүй ч байх шиг. Учир юуных?

Ямартай ч шинэ долоо хоногоо амжилт бүтээлээр дүүрэн угтаж, үдээрэй. Өөртөө ч амжилт хүсье ...