Third Culture Kids

Ойрд монголоос сонирхолтой ном алга дөө. Гэхдээ зарим нэг хүмүүсийн блогтоо санал болгосон номыг захисан байгаа. Бушуухан ирээсэй гэж залбираад л. Гэхдээ яаж зүгээр суухав, охиныхоо умшдаг романуудаас умшаад л сууж байна. Өчигдөр уншиж дууссан ном энэ. Дэлхий дахинд "Third Culture Kids" шинэ нэр томъёо байдаг юм байна. Сүүлийн хэдэн жилүүдэд ээж аавынхаа аль нэгний ажлын шаардлагаар гадаадад хэдэн жилээр, хэдэн сараар ч гэх юм уу хугацаатайгаар амьдарч байсан хүүхдүүдийн тухай. Тэдгээрт тохиолддог бэрхшээл, сайн тал, муу тал гэх мэтийн тухай бичсэн ном. Охинд минь бас хамааралтай тул. Соёлын өөрчлөлт, өөрсдөө эх орныхоо үе тэнгийнхнээсээ нэг л өөр болчихдог, эргэн тойрон, ялангуяа ээж ааваасаа нэг л хол хөндий байгаад байдаг гээд л дотор нь нээрээ ч ийм тохиолдол байдаг шүү дээ гэж бодогдохоор зүйл зөндөөн байна лээ. Ер нь эцэг эхээ дагаад гадаадын аливаа нэгэн оронд амьдрах нь тэдний оюун санаанд хэрхэн нөлөөлдөг, бүр том болсон хойно нь, гэр бүлтэй болсон хойно нь илэрдэг, мөн энэ талаа хэрхэн даван туулах, өөртөө ашигтайгаар хэрэгжүүлэх гэх мэт сонирхолтой зүйл бичсэн байна лээ. Нэлээд олон хэлэнд орчуулагдсан байдаг гэнэ. Гадаадад гэр бүлээрээ амьдардаг ээж аав нар умшиж үзвэл зүгээр санагдлаа.

Ойрын сонин сайхнаас

Сүүлийн үед охинтойгоо хамтарч хийсэн уран бүтээлээ танилцуулчих уу?
Ээж нь зааж өгч, охин нэхэв. Өөртөө ийм 3 өнгийг, одоо найздаа цэнхэр өнгийхийг нэхэж өгөх гээд л сууж байна. Хувцастайгаа ижилсүүлж зүүж бариад л, их ганган толгойтой охин байна даа, манайхаар.
Нэхэх аргыг нь нэгэн номноос хувилаад харж байснаа хаана хийснээ эрээд эрээд олдоггүй ээ. Уг нь их амархан. Энгийн боолтыг тойруулаад нэхнэ. 8хан настай хүүхэд чадчихаж байгаам чинь нэхдэг хүн бол дорхноо л нэхнэ. Харин утас нь ийм саглагар утас байвал зүгээр. Дэлгүүрт уг нь цагаан, хар гээд байсан боловч би худалдавж авч чадалгүй дуусгаад ийм л 3хан өнгөтэй боолт "үйлдвэрлэж" гаргаад бэлгэнд өгөөд байхаас хэхэ. Охин маань зөндөө найздаа бэлэглэхээр амаараа яриад байгаа боловч одоогийн байдлаар ганцханыг л нэхсэн.

Хаана байна монгол эр хүн...?

Саяхан олж сонссон шүлэг.

2 сарын 3 буюу хавар

Энэ өдөр японы хаврын улирлын эхлэл тавигддаг гэж үзнэ. Сэцүбүн гэж нэрлээд байгаам. Улирлыг хуваах гэсэн шууд утгатай. Гэрийн жавар үргээх утгаараа чөтгөр гадаа, аз жаргал гэрт гэж хэлээд чөтгөр лүүгээ шош цацдаг юм. Чөтгөрийн баг өмссөн хэн нэг нь гэрт ороход хүүхдүүд шошоо цацаад л гүйнэ, зарим нэг багачууд нь чөтгөрөөсөө айгаад уйлнаа хөөрхий минь хэхэ.
За гол сэдэв маань гэхээр энэ өдөр хийж иддэг тусгай хоолны тухай. Тухай ч гэж дээ, хийж үзсэн юм. （Хийх завгүй нь дэлгүүрээс худалдаж аваад идчихнэ）
Манай ажлаас гадаад оюутнууд, иргэдэд зориулж тэрхүү хоолыг нь хамтдаа хийх арга хэмжээ зохиосон юм. Охинтойгоо оролцов. Эхомаки гэдэг юм. Урт гонзгойгоор нь баруун зүүн зүгт харж байгаад л иддэг гэсэн. Энэхүү арга хэмжээнд орох болсон шалтгаан гэвэл түрүү жил ээж маань будааг далайн байцаанд ороож өгөөд л кимбаб ид л гэсэн. Тэр нь эндэхийн норимаки байж билээ. Солонгосын савангийн дуурь энэ тэрээс сурсан юм болов уу. Нэр нь хүртэл солонгосоороо. Дараа ээждээ японыг нь зааж өгөх санаатай л, за тэгээд их л олон монголд байх байхгүй нь мэдэгдэхгүй материалууд ордог юм билээ. Тэрийг бол монголдоо байдаг зүйлээр нь орлуулаад хийчихэж болох байх. Харин элсэн чихрийг нь л бага хийх хэрэгтэй санагдсан. Эд нар ер нь хоолондоо элсэн чихэр хийгээд байдгийн учрыг нэг л олохгүй байгаам даа ккк.
Хийх аргыг нь бичих гэсэн залхуу хүрчлээ. Та нар өөрсдөө мэдээд дотор нь дуртай юмаа ороогоод идчих хэхэ.
За аймаар халтуурдсан л юм болчлоо тийм үү.
Зураг1: Ороосон сүшигээ хэрчээд тавихаар нэг иймэрхүү.
Зураг2: Ороосон байгаа байдал.
Зураг3: Оролцогчид их идэвхитэй байсан гэж. Тэр ягаан алчуураар толгойгоо ороосон нь манай зулзага.
Зураг4: Багууд дор бүрнээ завгүй байгаа нь.Наана ширээн дээр хулсан ногоон хагас хуйлаастай зүйл харагдаж байнаа дээ, тэрэн дээр нь далайн байцаагаа тавиад дээрээс нь будаагаа зулаад, нэг захад нь бусад материалаа өнгө алаглуулж тавиад орооно.Зураг 3 дээр бараг харагдаж байна дөө, багшийн ороож байгаа байдал.
Зураг5: Далайн байцаа.

Сар шинийн мэнд

Мэндийг аль өнрөгсөн хойно нь дэвшүүлдэг муу зантай болсон байна дөө гэж. Бичих гэхээр гар эвлэхгүймаа. Үгүй биш ээ, сэтгэл эвлэж өгөхгүймаа гэсэн нь онох байх.
Цагаан сар ч их өргөн болсон сурагтай, 2 шинийн нэгэн байсан л гэнэ. Гэснээс түрүү жил 2 ээж ааваас 2 өөр Монгол зурхайн тооны бичиг ирсэн чинь нэгэн дээр нь шинийн хэдэн ч билээ дээ байхгүй, өнөөх дээр нь хоёр ч шинийн хэдэн билээ дээ байсан ш дээ. Алийг нь дагахаа мэдэхээ байчихаад л, эртнээс л харж ирснээр нь Тэрбишийхийг нь дагаж байсан юм байна. Их олон зурхайч, бөө нар гарч ирээд энгийн ард бид нь яахаа мэдэхгүйм дөө.
За тэгээд манайхан тэгж ёс ёмбогор төр төмбөгөр болсон гэж байна. Өдөр болгон шинийн нэгэн шиг л байсан гэнэ дээ.
Бидний хувьд өглөө босч цайгаа чанаж уучихаад хальт золголт хийчихээд л тал тал тийшээгээ ажил сургууль гээд алга болж байгаам. Орой нь буузаа жигнэж идлээ. Өө тийм, бресс идээгүй хэдэн жил ч болсон юм бүү мэд, хийж идлээ. Охин бол амандаа ч хүргэх шинжгүй болохоор нь заавал нэг халбагыг иддэг юм гэж байж үзэм ихтэйгээс нь нэг халбагыг идүүлэв.
Ямар ч байсан туулай жилдээ аз хийморьтой байх болтугай.

Хоккайдо юм уу хаашаа юм

Нээрээ энэ жил мөн ч их цас орж байнаа. Хүйтэн гэж жигтэйхэн. Өглөөдөө зам мөстөөд, хальтиргаа гэж ихтэй, яг л монгол шиг. Шинэхэн жолооч надад бол энэ их цас үнэн дарамттай байна шүү. Энд жолооч болоод 3 жил л болж байна. Монголдоо байхдаа жолооч болох боломж олдоогүй юм. Хүмүүс чи монгол харихаараа яана л гэдэг юм, би харин тийм ээ гээд л өнгөрдөг. Сурах л байх даа.
За энэ зурагт та нарын харж буй цас бол нэг л шөнө орсон цас шүү дээ. Одоо ч орсоор л байна. Урд жилүүдэд ингэж ихээр бас тэгээд үргэлжилж орж байсан удаагүй л юм даа.

Хөөрхөн санагдаад

Аймаар дүрэм зөрчиж байгаа жолоочийг харааж бүү зүх
Аяа чи ч бас хааяа дүрэм зөрчдөг шүү дээ.
Амжиж чи гэрлээр орж чадаагүй бол
Амжих байсан ч хажуугийн жолоочдоо зам тавьж өг Ачийг чинь тэд бас бүү мартаг
Айж сандарсан явган зорчигчийг бүү сандаргаж сигналд
Аяа чи ч бас хааяа явган явдаг шүү дээ.
Амжиж туслах замаас орох гэсэн нэгэнд нь зам тавьж өг
Ачийг чинь тэд бас бүү мартаг

Яхоо мессэнжерээр ирсийм.ККК

Нойлын өрөөний бурхан

Саяхан ийм нэртэй кино үзээд. Их хөөрхөн кино. Дуу нь хит болж байх шиг байгаан. Охин минь байнга амандаа аялаастай. Би ч дагаж дуулах гэж үзээд л. Охиндоо бурууш дээ гэж загнуулаад л. Хэ хэ.
Нэгэн эмээгийн охин эмээгээ дурсаж зохиосон дуу. Эмээтэйгээ өнгөрүүлсэн олон дурсамжаа байгаагаар нь дуунд оруулчихсан. Эмээ нь ач охиндоо нойлын өрөөг цэвэрлэх юм бол нойлын өрөөний бурхан нь баярлаад тэгээд чи хөөрхөн болно гэж хэлдэг байсан гэнэ лээ. Тэгээд л байнга нойлынхоо өрөөг цэвэрлэдэг байсан гэнэ.
Тэгсэн манай охин жорлонгоо цэвэрлэнэ гэж дайраад, цэвэрлэж өгсөн ш дээ, ээж ч онгироогоод миний охин нээрээ хөөрхөн болчиж гээд л. Дахиж цэвэрлэж өгч байх юм гэсэн. Хэр удаан цэвэрлэж өгөх юм байгаан бүү мэд. Харж л байя даа.

Домогт Ану хатан

Бэлгэнд авсан ном. Уншихад ч урамтай байлаа. Далимд нь их олон хатдынхаа нэрийг болон түүхийг дахин нэг сэргээлээ шүү дээ. Нуулгүй хэлэхэд зарим хатдын нэрийг Ч сонсоогүй явсан байна лээ дээ. За тэгээд сонсож, уншиж байсан ч тэр сонин сонин нэрийг цээжлэнэ гэдэг жаахан бэрхтэй санагдлаа. Өгөдэй хааны хатан Дөргөнө, Тулуйн хатан Сорхагтань, Гүюг хааны хатан Огул Хаймиш хатан, Хубулай хааны хатан Чимбай, гэх мэтээр монголын түүхэнд нэрээ мөнхөлсөн олон хатад байдаг байх нь.
Энэ номыг уншиж суухдаа 10 жилийнхээ нэгэн дурсамжийг эргэн санаад. Түүхийн хичээл дээр юм даг. Мандухай цэцэн хатны тухай түүхийг үзээд. Багш бидэнд Мандухай цэцэн хатны тухай түүхэн романыг унш гэж айлдсан юм. Би багшид асуугдаад самбарын өмнө багшийн дэргэд зогсоод л ярьж гарлаа даа. Тэгсэн багш
-Чи, ингэхэд роман яриад байна уу, түүх яриад байна уу? гэж авдын. Түүхэн романыг нь уншсан хүн чинь роман л ярьсан байх даа. Тэгээд эх орны алтан гурав авч уур хүрч байсан юм даг. Өөрийнх нь унш гэсэн номыг уншсан даг гээд л. Хэ хэ. Тухайн үед чинь хэдхэн номын хооронд л эргэлддэг байлаа ш дээ. Одооных шиг олон ном байсан ч биш, үгүй ээ байсан л байх л даа. 10 жилийн нусгай бацаанууд бид багшийнхаа хэлсэн номноос илүү гардаггүй байсан юм чинь.
Бас дээр үеийн хаадууд тэр олон хатан, татвар эм авахад хатдууд хоорондын өрсөлдөөн, гоо сайхнаа хадгалж үлдэх гэсэн нөр их хөдөлмөр, нөхрөө нэг өдөр ч гэсэн өөртэй нь цуг хонохыг хүссэн асар их тэвчээр гаргана гээд л уншсан чинь, одооны бидний хүүхнүүд их азтайм байна ш дээ, учир нь нөхрүүд нь нэг л хатантай. Хэ хэ.
Төрсний дараа хэрхэн гоо сайхнаа авч үлдэх гээд л үнэтэй сайхан зөвлөгөөнүүд байсан шүү. Тэдгээр нь түүхээсээ илүү таалагдсан шүү ККК.
Өө тийм, ганц нэг оныг андуурч урд хойно нь оруулж бичсэн алдаа байсан шүү, юу билээ гээд урд хуудсаа эргүүлж нэг харсан юм байна.

Цагаан ногоон сар

Шинэ жил, нийллэг энэ тэр нь дуусч цагаан ногоон сар болох гээд бэлтгэл ажилдаа орсон дуулдана, миний муу эжий аав хоёр. Жил ирэх тусам өргөн дэлгэр, баян цатгалан тэмдэглэдэг болоод байгаа сурагтай. Хөлд нь үрэгдэх шинжтэйм гэж ирээд л ээж үглэх. Бид энд ирээд 7 дахь жилдээ орсныг ч хэлэх үү, цагаан сарыг сүртэй тэмдэглээгүй удсаныг ч хэлэх үү, манайхан идэж уух баярыг арай л сүр бадруулж тэмдэглээд байх шиг санагдаад байдаг болсон байна дөө. За тэгээд зарим нэг хүмүүс хүүхдүүд нь гадаадад байдаг юм байж наана уу цаана уу гэж илүү үздэг юм шиг байгаан. Аминдаа л хүүхдүүдийнхээ нэрийг бодоод аятайхан элбэг дэлбэг байлгах гэж л хэрэндээ хичээдэг гэж байна. Сүүлийн үед бэлэг нь томроод байгаа сурагтай гэнэ. Эрээнээс юм зөөх нь ч багасаж л байгаа сурагтай. Ноолуур энэ тэр өгч авалцдаг болж байгаам байх. Тэр ч яахав,үндэсний үйлдвэрлэлээ дэмжээд сайхан л юм. Гэхдээ бас ноолуур нь хэдэн төгрөг, тэтгэвэр болон цалин нь хэд билээ бодууштай л асуудал.
За бас ууцны асуудал байна. Нээх аймар өөхтэй тарган хонины ууц аваад тавьчихаар дараа нь идэх юм олдохгүй, өөхийг нь бараг л хаях дээрээ тулдаг даа. Дараа нь идүүштэйг нь бодоод өвчүү авдаг байсан чинь энэ жил ууц авах сурагтай манай хоёр. Өвчүүгээ л авахгүй юу даа гэж би эндээс жаахан үглэлээ. Хэ хэ.
Уламжлалт баяраа тэмдэглэхгүй байна гэх ч хаашаа юм, уг нь би цагаан сарт дуртай. Олон гоё дурсамжууд байдаг юм. Олуулаа дисант буухаар хөөрхий ээж минь будилна, нэг өгсөн хүүхдэдээ хоёр дахиа бэлэг өгөх гэж дайрна. Заримыг нь бэлэггүй гаргаж, дараа нь уучлалт гуйгаад нөхөж өгнө. Би бэлэг зөөж хүнд нь өгдөг байлаа, жаахан тиймхэн бэлэг өгөх гэж байгаа бол дурамжхан, аятайхан бэлэг өгөх гэж байгаа бол цаанаа л пээдгэр. Өөрийн цуглуулсан бэлгээсээ ээжтэйгээ солилцоно, муухныг нь ээждээ бэлэглэнэ, гайгүйг нь өөртөө үлдээнэ. Яарч буузаа түүхий гаргана, сүүлдээ буузнаасаа уйдаж шал дэмий жигнээд тэрнийхээ гурилыг хатааж махыг нь л иднэ гээд л. Хүүхэд насны минь дурсамж олон. Олуулаа бужигнаад, тэр бүр уулзалдаад байдаггүй хамаатнуудыг уулзуулж бужигнуулдаг болохоор дуртай л байдаг юм.
Гэм нь сүүлийн үед... Баахан шүүмжлэл л бичих гээд байдаг, ингэсгээд бичлэгээ дууслагалаа.
Сониноос гоё ном умшиж байгаа, зургийг нь оруулнаа дуусахаар нь.

Дэлхийн хүүхэд багачууд, тэдний аз жаргалын хэлбэр

Сая энэ номыг уншиж дууслаа. Дэлхийн олон орны хүүхдүүдийн амьдарч буй нөхцөл, орчинг товчхон дурдаад, тухайн орныг төлөөлж нэг нэг хүүхдээс асуулт асууж хариулт авсан байна. Охинд минь бас нөлөөлөх байх гэж бодоод уншууллаа. Юу бодогдсон юм бүү мэд. 8 настай хүүхдэд. Хариулт өгсөн хүүхдүүд дотор үеийнхэн нь олон байсан тул уншуулсан юм л даа. Харамсалтай нь монгол орон, хүүхдийн тухай байгаагүй.
Дүгнэлт: Буурай, хөгжилтэй орны гэлтгүй хүүхдүүд нь ээж аавыгаа бага шиг уурлаасай, бага шиг үглээсэй гэж хүсдэг юм байна хэхэ. Зулзага бас тэгж боддог гэсэн. ККК
Мөрөөдөл, хүсч буй зүйлийн хувьд нилээд ялгаатай. Хөгжилтэй орны хүүхдүүд зугаацах цэнгэх, тоглох наадах гэсэн байхад буурай орны хүүхдүүд бүрэн бүтэн хувцастай болох, ээж аавынхаа ачийг хариулах гэсэн байна.
Зулзагын хүсэл, мөрөөдөл...?

Шинэ оны мэнд буюу ...

Шинэ оны мэндийг оройтсон ч гэсэн хүргэж байна шүү.
Бидний амьдарч буй мужид ойрын хэдэн жил ороогүй цас 2хон өдөрт нэвсийтэл ороод. Цагаан сараа ээж аавдаа харьж, гэр бүлээрээ аялах гэж машинаараа, галт тэргээр, автобусаар гээд л замд гарсан хүмүүсийн төлөвлөгөөг тас нураасан агуу цас байлаа гэж. Бид ч бас бага зэргээр өртөөд авсан л даа. 3 цаг давхиад очдог газраа 6 цаг мөлхөж байж нэг юм хүрлээ. Яг биднийг өнгөрсний дараахнаас л эхлээд л бөглөрөөд эхэлсэн юм шиг байгаан, тэр айхтар түгжрэл нь. Зулзага болохоор цас ороосой гэж тэсэн ядан хүлээж байсан хүн болохоороо бөөн баяр, бушуухан шиг л бууж цасаараа тоглох гээд л, байн байн хэзээ хүрэх үү? хэдийд очих уу гээд шалгаагаад.
Энд тэнд зам бөглөрөөстэй, машинууд цасанд суугаастай, хоорондоо мөргөлдөөстэй байлаа. Тэрнийг нь зохицуулах гэж цагдаагийн албаныхан л хөөрхийс хар хүйтэнд цасан шуурганаар гадаа...
Улсын 9 дүгээр зам гэж байдын. Тэнд 1000 машиныг хамарсан их түгжрэл гарсан гэнэ. Манай эндхийн Дайсэн гэдэг хайрханд нэлээд хэдэн хүн осолдож диваажингийн оронд очсон гэнэ.
Түгжирсэн бүх машиныг хөдөлгөж хэвийн байдалд оруулахад 2 өдөр зарцуулсан бөгөөд нэлээд хэсэг хүмүүс машиндаа шинэ оноо угтаж, зарим нэг хүмүүс галт тэргэнд суугаагаараа хоносон гэж сонин хэвлэл дээр бичсэн байна лээ. Энэ тухай орон даяар цацагдаж таньдаг найз нөхөд бидэнд санаа нь зовж мэнд мэдээд л. Цасны ачаар ойрд холбогдоогүй байсан танилуудтайгаа холбогдож буу халлаа шүү дээ.
Одоо ч тэр цас ороод л байна. Муухай усархаг цасыг ч хэлэх үү? гутал хувцас нороод л тиймхэн л байна шүү гэж.
Зураг: Энэ дөнгөж өглөө нь цас орж эхэлж байгаа нь.

Шинэ оны мэндчилгээ

Японд 1 сарын 1-нд цагаан сараа тэмдэглэдэг юм. Манайхан шиг нээх хөл болоод байдаггүйм, цагаан сарын хувьд шүү дээ. Хүүхдүүд нь ээж аав дээрээ ирж хэд хоногийнхоо амралтыг өнгөрөөж байгаад явдын. Гэхдээ энэ удаад бичих гэсэн зүйл маань шинэ оноор бие биендээ илгээдэг мэндчилгээний тухай. Анхны жилүүддээ нээх тоодоггүй, дадал зуршил болоогүй болохоор тэр бүр бичье гэж боддоггүй байлаа. Хэдэн жилийн өмнөөс бичиж эхлээд, тэгсэн жил ирэх бүр илгээх хүний тоо нэмэгдээд байх юм. Бодвол танилын хүрээ нэмэгдэж байгаагийн илрэл юм болов уу. Урд жилд тохиолдсон онцлог зүйлээ ч юм уу, мэндчилгээ явуулж буй хүнийхээ мэндийг мэдсэн гээд л агуулгын хувьд чөлөөтэй. Ихэнх япон хүмүүс өөрсдөө зураг хөргөө сонгоод тусгайлан хэвлүүлдэг юм билээ. Миний хувьд худалдаанд байгаа мэндчилгээнээс нь аль хөөрхөн гэснийг нь сонгоод ар талд нь очих хаяг болон өөрийн хаягаа гараараа бичдэг юм. Тэгээд нүүрэн талд нь хүн болгонд тохирсон ганц нэг өгүүлбэр бичнээ, юу гэж бичих үү гээд л бас зөндөө цаг авна тэр чинь. Нээрээ энэ мэндчилгээ нь цагаан сарых тул уг жилийн амьтны зурагтай байна. Жишээ нь энэ жил туулай жил учир туулайг янз бүрээр нь дүрсэлсэн байна. 12 сарын 25-ны дотор шууданд хийчихвэл 1 сарын 1-нд гэхэд очих ёстой хүндээ оччихно, мэндчилгээ авахаар их гоё юм билээ. Хэнээс ирж вэ? юу гэж бичиж вэ? гээд л.
Жич: Зураг дээрх мэндчилгээг зулзагын найз нь гараараа зураад илгээсэн байна лээ.

Санта өвөөгийн бэлэг

24нд гэртээ Крисмас тэмдэглэлээ. Бялуу идээд, тахианы мах идээд л.Энэ жилийн бүр зөвхөн 12 сард идсэн 5 дахь бялуу байлаа. За тэр ч яахав. Муу хүн идсэнээ гэж...
Охин 24-ний орой Санта өвөөд зориулж cookie бэлдээд, би нөхөртөө тэрийг өглөө ажилдаа явахдаа аваад яваарай гэж захисан юм. Тэгсэн нөхөр яасан гээч, ширээн дээр байсан шаал өөр чихэрийг нь аваад явцан байж уу. Тэгснээ ажил дээрээ цайны цагаар идэх гэсэн чинь cookie биш байхаар нь гайхаад л байсан гэнээ. Тэгээд бараагүй, маргааш идэхээс гэж авсан. Ямар азаар би охиноосоо өмнө сэрэвээ гэж. Бэлэгээ аваад бөөн баяр. Тэр дор нь залдаад, уран бүтээлээ туурвиж байгаам чинь. Тэрнээсээ ээждээ бэлэглээд л. Шүрээр янз бүрийн дүрс хийдэг юм захисан гэнээ. Ээж нь тэрийг нь мэдээгүй царайлж цугтаа үзэж соёлыг гайхаад л. Хүн нээрээ хүүхэдтэй болохоороо жүжигчин болчих юм аа. За тэгээд ер нь янз янзын авъяастай болох юм байна ш дээ. Тийм үү журмын нөхдүүд ээ?
Энэ зураг дээрх бүтээлүүдийн материал нь шүр байгаам, өөрийн дуртай хийх зүйлээ ингэж урлаад л усаар шүршээд болоо. Хэдэн минутын дараа хатаад тарж бутрахгүй болно. Юм юм бий болдог болжээ. Ноосон утсаар оосор хийсэн нь найздаа бэлэглэх бэлэг гэсэн. Бялуу, гацуур мод, зайрмаг, туулай гэх мэт дүрс байгаа шүү.

Зуун жилийн ганцаардал

Уншиж дууслаа. Баахан олон Аурелиано, баахан олон Хосе Аркадио гээд л нэрийг нь хэд дэх нь билээ гэдгийг нь хольж хутгаад өмнөх хуудас руугаа нэг очоод л буцаад л гэсээр байгаад овоо хөөрхөн цаг авдаг гэнээ. Өөр өөр нэр өгчиж болдоггүйм байхдаа л гэж бодож байлаа. Зохиолч үүнийгээ бичиж байхдаа өөрөө будлиагүй л юм байх даа ККК
Ямар ч байсан хүмүүсийн шуураад, англи орос хэл дээр умшаад байгаа номыг эх хэл дээрээ унших гэж ингэж мунгинаж байгаа хүн ч дээ, харин япон хэл дээр умшвал ойлгох юм болов уу гэсэн.
Орчуулагч нь аргагүй л мундаг хүн орчуулсан нь харагдаж байна лээ шүү. Хуудасны дор уншигчдын мэдэхгүй зүйлсийн талаар тайлбар оруулсан нь уг номыг уншиж ойлгоход тун ч хялбар байлаа гэж.

Бэлэг бэлэг бэлэг

Монголд амар шүү. Гэхдээ одоо үед яадаг болсныг хэлж мэдэхгүй л байна.
Өвлийн өвгөн бэлгээ шууд өөрийн биеэр гардуулаад өгчихнө. Үнэтэй цайтай гэхгүй, амар. Тэгсэн энд яаж байна, Санта өвгөн 24-нд гэрийн нь яндангаар орж ирэн бэлгийг нь сэмээрхэн тавьчихаад яваад өгнө. Хүүхдүүд л болсон хойно айхтар нь дэндээд нээх үнэтэй юм захихыг нь яана. Энэ жил зулзага харин юу захихаа мэдэхгүй байна гээд л гүйгээд байна. Эжий аав нь авч өгдөг гэж мэдчихээд л тэгээд байна уу, үнэнээсээ юу хүсдэг юм билээ гээд эргэлзээд байна уу бүү мэд. Би тандаад л байдаг. Ном энэ тэр хүсээсэй гэж залбираад л байж байна. Тоглоом бол ч... Нэг найз нь наадаг цаас зууг гэснээ үгүй ээ мянгыг хүсч байна гэж авдым даа. Ээж нь дэргэд нь байсан, бид 2 нүдээ ирмэлцээд авах шив. Ямар ч байсан 20 хүртэл тагнуулын үйл ажиллагаа явуулахаас...

Таргалуулдаг сар

12 сарыг ерөөсөө таргалуулдаг сар гээд нэрлэчий яадын. Мэдээжийн шинэ жил гээд л асар том баяр байна. Японд манайх шиг оныг сүртэй угтаж тэмдэглэдэггүй ч монгол хүмүүс болсон хойно монголоороо тэмдэглэх гэж үзнэ л дээ. Наана нь Christmas гэж айхтар том баяр байна эднийхээр. Заавал ч үгүй торт идэж таарна. Бүр нэлээд хэд хэдийг гээч. Өдөр судар нь зөрнө л дөө, нэг өдөр бөөндөхгүй. Тэрнээс гадна юу гээч. 2 ч хүний төрсөн өдөр болдымаа, ойр тойрны маань. Найз нөхөд, ээж ааваасаа хол бид чинь гэр зуураа торт авч идэж тэмдэглэнэ. Энэ жилийн 12 сард идэх тортоо тоолсон чинь юу вэ 4-5 ширхэг болж байна лээ. Охиноороо тоглоод Christmas-ынхаа тортыг гэр бүлийнхээ хүний тоогоор жижигхээн гурвалжин зүссэн торт аваад идчияаа гэсэн чинь хошуу мошуу нь унжиж ирээд л сүр болж байна. Тэгсэн гэр бүлийнхээ Christmas-ын баярыг хэзээ нь нь хийх вэ гэнэ хань ижил маань. 24-нд үү? 25-нд уу? Охины дуртай гэгч нь өлгөж аваад л шулаганаж байгааг...
Монголчуудаараа бас тэмдэглэх байх.
Ингээд л тоолохоор яах аргагүй би таргатлаа л бялуу гээчийг идэх гээд байгаам даа. Ямар азаар энд нийллэг энэ тэрдээ даашинз өмсдөггүйм, тэгээгүй бол ч нээх бүдүүнүү ккк

Дурсамж дүүрэн дуу

Ихээ олон жилийн өмнөө, энэ дуунд бүжиглээд л тэр нэгэн бааранд. Төрсөн өдөр тэмдэглээд л, хоёр зүрх хайраар бялхаад л...

YouTube дээрх клип нь жаахан таалагдсангүй ээ, гэхдээ энэнээс өөрөөр ороогүйм шиг байна.

Хувийн чанартай

Ойрд гэр орондоо бага зэрэг өөрчлөлт хийгээд. Өөрчлөлт гэж дээ, шинээр худалдаа хийсийн. Дараа жилийн 7 сараас японы өмнө нь хэрэглэгдэж байсан зурагтууд ашиглалтаас гарч дижитал системд шилжэнэ. Ингэж өөрчлөх тухайгаа миний мэдэхийн аль 5 жилийн өмнөөс л зарлаж ирсэн. Би ч тухайн үедээ хаа байсан 2011 он гэж бодож байсан ч тэр нь одоо хаяанд ирчихсэн явж байдаг. Тэгээд eco point гээч юм нь 12 сар гэхэд тал хувь болж буурна гэхээр нь хүү хаа гэхийн зуургүй нэг зурагт авчихлаа. Манай муу хуучныг бодвол бас л эд юм аа. Үзээд л суугаад баймаар, хайр төрөөд. Тэгсэн монголд бас хэдэн жилийн дараа гэчихвээ, одоо хэрэгдэж байгаа зурагтууд ашиглагдахаа байна гэж сонслоо, үнэн юм болов уу?

Ойр зуур

Бага зэрэг хувийн юм бичнээ. Зулзага минь үржүүлэхийн хүрд цээжилж байгаа. Эндхийн бага сургууль бүгд тийм юм уу бүү мэд. Ямар ч байсан охины минь сургууль хүрдээ 1-с нь биш 5-ын хүрднээс эхэлж цээжлүүлсэн. Тэр нь уг тоо нь 5-р нэмэгдээд яваад байдаг тул хүүхдүүд цээжлэхэд амар байдаг гэнэ. Охин минь ч 5-ынхаа хүрдэнд дуртай. Хэ хэ. Гэх мэтээр хүүхдэд цээжлэхэд амар хялбараас нь эхэлдэг юм байна. Урд хойно нь оруулаад л. Хамгийн амархан нь 5, 2, 9-ийн хүрд бөгөөд хамгийн хэцүү нь 7, 8-ын хүрд гэж охин минь хэлсэн. Ийм карт өгдөг юм байна. Тэрийгээ эргүүлээд л дуржигануулаад байх нь тэр. Ээжийн оюутан цагийн нэгээхэн дурсамж нь бас ийм карт байдгийн. Энэ олон ханзыг цээжлэх аргаа олж ядаад ааваараа төмөр цагриг, хэрчсэн цаас бэлдүүлж аваад л бичиж өгнө. Тэгээд цээжилж байгаа нэртэй ханзтай цаасаа халтайтал нь аваад л явна. Яг цээжлээд байсан эсэх нь бас л эргэлзээтэй. Учир нь энд ирснийхээ дараа ном умшихад нил мэдэхгүй ханз болон үгтэй тулгараад нэг хэсэг ном барьж авахаас асар дөлдөг байсан. Одоо харин арай гайгүй, гэхдээ л...
Саяхан энэ аргаа сэргээх зорилготой 100 еэний дэлгүүрээс word card авч мэргэжлийн үг баахныг түүж бичсэн. Толгойдоо хийж амжаагүй л явна.Хийнэ гэсэн хэтийн зорилготой...

Дуу

Энэ сар зурагтаар яваад байгаа дууг оруулах гэсэн YouTube-дарай л ороогүй байх шиг байна. Тэхээр нь энэ дууг чирээд ирлээ.

Том нүдэт ээж

Зулзага маань эрэгтэй хүн зурахдаа жаахан тааруу. Үргэлж эмэгтэй хүн, ээжийгээ зурж байдаг юм. Аавыгаа ер нь зурахгүй шүү. Аав нь дээр гуйж байгаад өөрийгөө зуруулсан чинь...
Харин ээжийг гуйгаагүй байхад л зурна шдээ. Гэм нь сайхан ааш нь хөдлөсөн үедээ том алаг нүдтэй зурна, муухай ааш нь хөдлөсөн үедээ нарийхан зураасан нүдтэй ээж зурна. ККК
Аминдаа эрэгтэй хүн зурж сургах гэж онгироогоод л, хошгоруулаад л байдаг юм, ёстой мундаг л зурж байна шдээ гээд л...
Жич: ээлжит ээж аавын зураг. Ээжийн нүд аймаар гуниг болсон, аавын уруул дэндүү улаан болсон байна лээ ккк

Амны уншлага

Ойрд амнаас салахгүй байгаа нэг дууг орууллаа. Солонгос драм үзээд л сууж байхаар ингээд нэг сайхан үзэх монгол драмтай болсонд хувьдаа их баяртай байгаа шдээ. Эчнээ таньдаг нэг хүүхэн тоглож байна лээ.
Жүжигчдийн хувьд шинэ хүмүүс олон байсан нь бас л сонирхолтой.
Олон олон жүжигчид, мөн олон олон уран бүтээл төрөөсөй гэж хүснэм.

Хайрын зарлан

За энэ дууг бас амандаа аялаад л, залуу нас эргэж бодогдоод л... Тухайн үед "дурлаад сохорцон" байхдаа гаргаж байсан үйлдэл, зан ааш энэ тэрээгээ бодохоор одоо ичээд байдынш дээ. Та нар бас тэгдэг үү? ККК

Хардалт

Хардалтаа гэж...
Энэ Тусгай салаа кинонд гардаг Тамир шиг хартай бол яанаа тээ? Арай дэндүү юм шиг санагдаад байхым. Ёртой юм шиг л цэргийн дарга хүүхэн гэсээр байгаад л Туяа гараад ирдэг хэхэ.
Ийм хартай хүн бас байнаа гэж бодоод л үзэж байна даа. Нээрээ хартай хүмүүс хэт хардалтаасаа болоод шар хаданд хэвтдэг гэсэн шүү. Би нэг тийм жишээ мэдэхийн байна. Бүр соц нийгмийн үед ш дээ, хэвтэж байсан хүн нь...
Бас тэр Хоролмаа Анужин байна. Солонгост л Хоролмаанууд байдаг гэсэн чинь Монголд байдымуу?
Би ч нэг Хоролмааг мэднэ л дээ. Тэр гэхдээ хайр дурлалын Хоролмаа биш, арай өөр төрлийнх ккк.
За хадуурах гэж байна.

Ааваа зорино

За энэ дууг чинь монголд чихтэй хүн болгон сонсож байгаа гэсэн шүү. Бид бас юундаа дутахав, 2 чихтэйм чинь сонсоно шүү дээ.

Гацуур мод

11 сар гарчихымаа. Цаг ч хурдан өнгөрч байна шүү. Эндхийн дэлгүүрүүд ёолкоо засаад эхэлцэн. Манай охин бас ээжээ би хэзээ ёолкоо засах уу гээд асуугаад л. Тэсэж тэсэж түрүү жил гацуур мод охиндоо авч өгсийм. Энд ингэж удна гэж төсөөлөө ч үгүй байсан болохоор охиндоо гацуур мод авч өгөхгүй гүрийгээд л байсын. Тэгсэн бодоод байхнээ, бидний хүүхэд насны хамгийн гоё дурсамж гацуур модтой салшгүй холбоотойм болохоор охиныхоо хүүхэд насыг бас дурсамж дүүрэн байгаасай гэж хүссэн юм. Дараа засахаар нь зураг оруулнаа, манайхаар орж ирээд мөнгө тавихаа мартаваа...

АСА дэндүү төстэй гадаад хүн

Та бүхэн "Тархины тураал" гэдэг нэгэн нийтлэлийг санаж байна уу? Би уг нь хадгалж авсан байх гээд хайсан чинь алга өө. Нэг япон хүүхэн бичсэн байсан юм. Кимүра Аяако гээд. Түүний саяхан бичиж хэвлүүлсэн номыг уншлаа. Ерөнхий агуулга нь АСА-г арай өөрөөр харсан цөөхөн япон хүмүүсийн нэгний хувьд өөрийн үнэлэлт, бодлоо хэлсэн байна лээ. Арай л эерэг талаас нь гэх юм уу даа. Ерөнхийдөө монгол хүмүүсийн зан заншил ааш хараактертай нь япон хүмүүсийн зан ааш, зан заншлыг харьцуулаад бичсэн, мөн дунд нь 2 аваргыг хальт харьцуулаад авсан байна лээ. За тэгээд журмын нөхдүүд өөрсдөө олж умшина биз дээ.
Монголд суралцахаар бүр ардчилал хөгжиж эхлэх үеэс л очиж байсан юм байна. Нэлээд хэдэн жилийг ч монголд өнгөрөөсөн гэж байна. За бараг япон хэл суралцагч хүмүүс таньдаг ч байж магад дөө. Би бол танихгүй.
Миний хувьд нээх сүмо үзээд дэмжээд хөөрөөд байдаггүй ч бас ганц нэг мэдээлэлтэй байхгүй бол болохгүйн хувьд хааяа харж л байдаг хэмжээний хүн. Гэхдээ АСА-г бол дэмжээд байдаг байсан юм. Яг аварга болдог жилд нь би өөрөө анх японд хөл тавьж байсныг ч хэлэх үү. Адилхан монгол аавын хүү улс орныхоо нэрийг тэгж өндөрт гаргаж ирэхэд бахархдаг л юм байна лээ. Би ч бас энүүхэндээ хичээхгүй бол гэж боддог байлаа шд. Анх удаа японд ирж байсныг ч хэлэх үү, уулзсан япон хүн болгонтой АСА-гийн талаар яриа өрнүүлдэг байлаа. Гээд л яриад байвал их л дээ. Ямар ч байсан одоо ч АСА-г дэмжих нэг юм сэтгэлийн угт байгаад байдгийн.

Номоо уншаад л

Энэ сар ганц нэгэн ном унших төлөвлөгөөтэй байснаас ганц нэгийг нь дуусгав. Бас л монголоосоо чирж ирсэн номнууд. Өшөө зөндөөг захимаар л байна.
Нэг асуудал тулгарнаа тэхээр... Ирээдүйд өөрийн гэх номын сангаа баяжуулахад хэрэгтэй болохоор. Иймийн тулд энэ олон номоо энд хаячиж болохгүй, бас хүнд зүгээр өгнө гэхээр хайран... Мөнгөөрөө авсан юм чинь хэхэ.Яадаг ч байсан монгол руугаа буцаана гэсэн хатуу бодолтой явна. За даа бараг эхнээс нь олон жилийн өмнөх номнуудаа явуулаад эхэлцэн л дээ.
Номны хэсгээс оруулмаар л байна, одоо чинь цаг цөвүүн болжээ. Хамаагүй бичиж болохоо байсан байна хэхэ. Та хэд минь өөрсдөө л авч уншихаас даа тээ...
"Үүл бид 2", "Цагаан удирдагч"хоёрыг нь уншцан, одоо Бүрэнхийг уншиж байгаа гэж.
Жич: "Үүл бид 2" -т ардчилалын эхний 13-ын нэг гэгддэг Бат-Үүлийн эхнэр тухайн 1990 оныг эргэн дурссан дуртатгал ном. Их таалагдсан шүү. Бидний мэдэхгүй ардчилалыг эхлүүлэгч буянтан нарын үзэл бодол, тухайн үеийн хүмүүсийн хандлага, урвалт, хардалт, хардлага, хальт хэлмэгдүүлэлт зэрэг зүйлийн тухай гарнаа.
Би тэр үед картны талханд алалцдаг байснаа эргэн дурсаад л. Бас болоогүй сэргэлэнтэж илүү авсан талхаа шагладаг байсышд. ККК

Дуу сонсоод л

Бүтээл

Уран бүтээлч улсууд болсон хойно бүтээлээ туурвиад л байгаа шүү. Хэ хэ.
Охин сүүлийн үед хэт их ном уншаад аавдаа загнуулсан. Ээж нь "би багадаа их ном уншдаг байлаа шд" гэж үглэдгээ болиод эсрэгээр нь үглэж байгаа. "Ээж нь багадаа ерөөсөө ном уншдаггүй байлаа" гэж. Тэхгүй бол номын цагаан солио тусчих вий гэж айгаадаа. Дээхэн үед номын цагаан солио тусцан гээд нэг залуу микр, хорооллоор явдаг байсныг санаж байна уу? Буу барьчаад л ямар ч хэлээр юм бүү мэд үглээд л. Тухайн үед жаахан ч байж, хүмүүс л түүнийг номын цагаан солио тусцым зайлуул гэж ярьдаг байсан. Одоо ч гэсэн байдаг л байх даа?

PS: Яг адил зураг. Будахаас өмнөх ба будсаных дараах байдал. Хамаатны Хонгороо гэдэг бацааныг зурсан нь.

...

Хальт орчуулга хийх гэж явахдаа "чихээ алт" болгосон ганц нэг зүйлээсээ бичихгүй бол...
Түрүүчийн бичлэгт хийсвэр гээч юм чинь хүсмээр эд биш гэсэн дээ. Аймаар юм билээ, би бүр 2 ч хийсвэр хагалгааны үед хажууд нь зогсоод харж байлаа шд. Эхлээд арьсыг нь зүснэ, тэгээд умайг нь. Бодвол их нарийн дэс дараалалтай, хаана зүсэлт хийх энэ тэр нь ч нарийн юм шиг байгаам. Тэгээд хийсвэр хийхээр тэр нялх ураг чинь шууд год гээд гараад ирдэггүйм байна. Гарч ирэхгүй тохиолдолд эмч нь хуруугаа өнөө жаахан амьтны ам руу хийж байгаад татаад гаргаж ирсэн. Шаардлагатай үед нярайн тасгийн эмч сувилагч нар хажууд нь бэлэн байдалд хагалгааны турш номхон командтай. Би бол хөл өвдөөд сайхан суух юмсан гэж бодогдоод хэцүү. Хүүхдээ гаргаж авсны дараа өнөө муу жижиг умайг чинь гэдсэн дээр нь гаргаж ирж байгаад оёдог юм билээ. Аймаар байгааз, энэ эмч нараа гэж...
Бас нэг зүйл нь жирэмсэн эх 2 хүн хооллоно гэж их иддэг, төрсний дараа нь хөхөнд сүү ордог гэж их иддэг чинь тийм ч шилдэг арга бас л биш шиг. Ээж нь л таргалаад, сэтгэл санааны гүн шоконд ороод дуусдаг гэнэ шүү.
Өө тийм, сүүлийн үед монгол хүүхнүүд косметик хагалгаа гэж их ярьдаг, хийлгэдэг болсон, японд ямар байдаг вэ гэсэн асуултанд япон эмч маань юу гэсэн гээч? Хэлэх гэсэн чинь санаа зовчлоо ккк. Япон хүүхнүүд хийлгэдэггүйм шиг байна лээ.
Өнөөдрийн бичлэгийг өндөрлөлөө хүчээр.

Атаархал

Караокэ орох дургүй байдым, дуулж чадахгүй хүн чинь. Дуулдаг хүн хараад атаархал төрөөд байж сууж чаддагүй шдээ,ккк

9 сард

Монгол явсан тайлангаа бичиж амжаагүй байж 9 сарын тайлангаа бичмээр байдаг. Ажил ихтэй, аймаар аймаар зүйл хараастай, тэр хэмжээгээрээ мэдлэг минь тэлээстэй дажгүй сар байлаа гэж. Япон хэлээ улам сайжруулах юмсан гэсэн мартагдах шахсан нэгэн "атаархал" сэргээд... Мөн англи хэлийг сурчихиймсан гэсэн хүсэл бадраад, гэхдээ нэг л барьж авч чадахгүй...
9 сард байна шдээ, эх барих эмэгтэйчүүдийн эмч болохыг шахав. Бүр янзан бүрийн хагалгаанд нь цуг орж орчуулга хийлээ шдээ, ямарав?
(Хагалгааных нь нэрийг бичвэл та хэд минь айгаад ухаан алдчих байхаа, хэхэ. Хамгийн энгийн жишээ нь хийсвэр хагалгаа. Ээ дээ хүүхнүүд минь хийсвэр хагалгаа чинь тийм ч хүсэхээр эд биш байна лээ шүү. Бүр аргагүйн эрхэнд хийлгэх бол бас өөр хэрэг, түүнээс өөрөө төрж чадахаар байж, өвдөлтөөс нь айгаад хийсвэр хагалгаа хийлгэх ч буруу юм шиг байна лээ шүү)
Миний орчуулах ч гэж юу байхав, мэргэжлийн үг хэллэгийг нь заалгасаар байгаад л таарсан.Дараа дахин ийм төрлийн орчуулга хийвэл арай цөөхөн үг хэллэг заалгах байхаа гэж өөртөө найднам.
Бас нэг сэтгэлд тод үлдсэн нь эмэгтэйчүүд бид ч мөн үйлтэй хүмүүс юм дөө гэж.Санаа алдав...

Охины минь сонсох дуртай дуу

Энэ хүүхдүүдийн сонирхол их өөрчлөгдөх юм аа. Хэзээ ч энэ дуунд дуртай болцын бүү мэд, бодвол нэг хэсэг машинд Анжела Аки-н дуу яваад байдаг байсан юм, тэгээд л тэр байх...

Нэг ийм дуу

Анх япон хэл үзэж эхлэх үедээ сонсдог байсан дуу, сая ТВ-р явахаар нь блогтоо оруулчлаа.

Гоё дуу

Жаахан байхад нэг ийм дуу ТВ-р их явдаг байж билээ. Тэгэхэд нэлээд жаахан байсан юм даг, яг хэддүгээр ангид байснаа санадаггүй ээ. Уг нь үг гараад л, хальт дагаж дуулдаг байснаа санаж байна.

Алсын хараа номноос

Агуу үйлсийг бүтээхэд амьдрал юутай богинохон, атаархагчдын дунд амьдрахад амьдрал юутай урт
Б.Ренчин

Алт ховор байдаг учраас үнэтэй байдгийн адил амьдрал үнэтэй учраас богинохон байдаг.

Хүүхэд хүнд итгэхээ болихдоо л том хүн болдог.
Зохиолч Г.Мэндсайхан

Аз жаргалыг нэг удаа мэдэрье гэвэл сайхан хоол ид, нэг хэсэг мэдэрье гэвэл хүнтэй гэрлэ, харин удаан хугацаанд мэдэрье гэвэл бусдыг хайрла.

Аль зогсоол руу хөвж яваагаа мэдэхгүй хөлөг онгоцны дарвуулыг ямар ч салхи үлээгээд нэмэргүй.
Сенека

Эд хөрөнгөө алдвал багыг алдана
Нэр төрөө алдвал ихийг алдана
Эрүүл мэндээ алдвал бүхнийг алдана.

Эрүүл мэндийн төлөө гэж хундага тулган уухдаа бид эрүүл мэндээ муутгадаг.

Та битгий цухалд

Тайван байсан сэтгэлээ

Үертэй мөрөн шиг дэвэргэж

Тавиун сайхан магнайдаа

Үрчлээс татуулан барайлгаж

Та битгий цухалд

Жаахан хүрэн зүрх чинь

Хэмээ алдан цохилж

Жавар шиг хүйтэн үгээр

Хэн нэгнийг ташуурдаж

Та битгий цухалд

Догшин барс шиг омогшоод

Үйлийн дээдийг бүтээхгүй

Долгионт мөрөн шиг үерлээд

Үгийн сайныг сонсохгүй

Та битгий цухалд

Аливаа хүн цухалдахад

Алсын зам нарийсна

Уужим таван ханат ч

Умгар овоохой шиг бачуурна

Та битгий цухалд

Тэсгэм өвлийн хүйтэнд

зуны наран ээтэл

Тэнхэл алдсан биенд

Зааны хүч сэлбэтэл

Та битгий цухалдаа

Жич: хаа нэгтээгээс олж уншиж байсан юм, бас л зохиолчийг нь мэдэхгүй.

Ном бас ном

За энэ монголоос авч ирсэн номнууд. Энд дөнгөж талых нь зургийг тавилаа. Талыг нь хүн уншаад өгье гээд гуйгаад авчихсан. Удахгүй ирэхээр нь зураг оруулнаа. Зурган дээрх номноос 2-г нь л уншаагүй байгаа. Нэг нь Фэн Шү, нөгөөх нь Эцэг эхийн ачлалыг хариулах гэгээн сургааль (талд нь хүртэл уншчихсан байгаан уг нь). Эхнийх нь номыг ээж минь унш гэж өгсийм, тэгсэн аав -Наадхыг чинь уншвал гэрийнхээ бүх юмыг гаргаж хаях болно. гэсэн хэхэ. Тэгээд гэртээ байгаа хэдхэн "новшоо" гаргаад хаячихвал хэцүүеэ гээд л барьж авахгүй тойроод гүйгээд байгаа. Нөгөөх номыг нь уншаад эхэлцэн, дотор нь эмэгтэй хүн бие давхар болсон тэр цагаас эхлээд л их л олон зовлонг туулдаг энэ тэр гээд л аймаар аймаар юм бичээстэй. Би дахиж төрөхгүйм шүү гэж ч бодох шиг...
Бусад номын талаар дараа хальт дурдамз.

PS: Зураг ингэж ороод байх юм, яаж байгаан болоо? Та нар минь толгойгоо гилжийлгэж байгаад харчаарай.

Ж.Эрхэмцэцэг : Залуу минь хажууд чинь эрхлэх ялдам бүсгүйг хайрла ...

Залуу минь хажууд чинь эрхлэх ялдам бүсгүйг хайрла
Зуны цэцэгс хагдарсан ч дахиад л дэлбээлдэг шиг
Зуун зуун жил анхных шигээ ариухнаар хайрла
Зураг шиг мөнх биш шүү зуурдын энэ амьдралд хайртай түүнээ энхрийл
Эхнэр минь болчихсоон гээд илүү дутуу харах хэрэггүй
Эргээд явчихаж болох орчлонд хайраар битгий дутаа
Эрхэлж дэргэд чинь л байх бүсгүй хүний жаргал
Энэ хэтэрлээ гэж түүнийгээ битгий адла
Илүү сайхан бүсгүй гэж хараад түүнийгээ битгий хуур
Ижилхэн шүү дээ ээжийнхээ хайранд ургасан ялдам цэцэгс
Эр хүн чиний харцыг булаасан ариун ертөнц
Энгийн даруу, төгс гоо чиний л хань
Хоног хугацаа өнгөрөх тусам илүү их энхрийл
Хайртай гэдэг үгээр өглөө бүрийг угт
Хонгор бүсгүй чиний хайраар хөглөгдөж
Хойд төрөлдөө ч бас чинийх байхыг хүснэ

Энэ шүлэг бас таалагдаад аа

Яг л зүүдний юм шиг цасан бударч

Чихний чинь үзүүрт үгс чичирч байна

Амьсгал минь хүзүүг чинь гижигдэвч

Гарыг чинь бүлээхэн дуслууд норгож байна

Яг одоо чимээгүй сонс

Яараад хэрэггүй,

Нулимсыг минь бүү арч

Асгарч л байж тайвширдаг юм

Чичирсэн хоолойноос тасалдан цуврах

Яриаг минь бүү тасал

Хэлж л байж санаа амардаг юм

Зүрхнээс гарсан тэр л үгсийг минь чи

Чимээгүй зогсоод дуустал нь чагна

Хэрэв тэр аялгуу зүрхэнд чинь хүрсэн бол

Яг одоо намайг дагаад уйл

Би нулимсыг чинь арчихгүй ээ,

Чи ч бас тайвшираг.

Ц.Баттуяа 2005.12.20"

Би тамхи татдаг

Батзаяа

Санаа алдаж байгаагаа бусдаас нуух гэж
Би тамхи татдаг
Санаашрал минь утаа болоод намайг орхиж байна гэж итгэж
Би тамхи татдаг
Цав цагаан үүлсийг уруулаараа зурах гэж
Би тамхи татдаг
Цаг хугацааг үнс болон үлддэгийг мартахгүйн тулд
Би тамхи татдаг
Навч болоод өвсний зовлонг амтлах гэж
Би тамхи татдаг
Надад буй юм бүхэн уугиж үгүй болно гэж сэтгэж
Би тамхи татдаг
Шунал, хүслээ мансуурлаар дэврээх гэж
Би тамхи татдаг
Шувуу шиг гуурс бүхэндээ хий дүүргээд хаашаа ч юм нисэх гэж
Би тамхи татдаг
Батзаяа

PS:Найзынхаа дэвтрээс чирээд ирсэн, өөрт нь хэлээгүй.

Зүв зүгээр суухаар зүлгэхээс

Ямар ч хүсэл алга

Монголдоо бараг даараад байсан улсууд японд буцаж ирээд үнэгүй саунд өдөржин шөнөжин ороостой, хүйтэн монголоо санаж байна гэж...
Уг нь өөрийн худалдаж авсан хийгээд найз нөхдийн бэлэглэсэн нэлээд хэдэн ном байгаа боловч унших ч сонирхол алга, блог бичих ч, бусдын блогийг ч унших гээд л ямар ч хүсэл алга...
Нээрээ охинд минь эх нутаг болох монгол орон туйлын их таалагдаад, үлдмээр байна гэж хэдэн өдөр үглээд, аргагүйн эрхэнд л буцаж ирэх шив дээ, ээжтэйгээ. Одоо даалгаварт дараастай, хар халуунд нозоороостой л амьтан байна.
Жаахан сэрүү ороод ирэхээр юм юмыг гялалзуулнаа, уншихаа ч бичихээ ч. Хэхэ

Уулзаагүй уджээ

Хаачсан гэхээр, эх орондоо очиж, ээж аавдаа эрхэлж эрхэлж ирсэн болноо. Дараагийн бичлэгүүдэд бага багаар тайлангаа тавьж эхлэнэ дээ.

Зуны амралт, даалгавар

Охины минь зуны амралт өнөөдрөөс эхлээд, 1 сар амарна. Даалгавар ч ихтэй юм шиг байна. Ерөнхийдөө 1 дүгээр ангийн даалгавартай нь төстэй юм билээ. Түрүү жил хичээлийнхээ нэг хэсэг болгож цэцэг тарьж байсан бол энэ жил улаан лооль тарьсан. Сургууль дээрээ очоод өглөө бүр тэрийгээ усладаг байсан бол одоо амралтаараа гэртээ аваад ирсэн өглөөд усладаг ажилтай. Заримдаа мартчих гээд бас л нэг үглэх ажил нэмэгдээд ээжид. Гэхдээ хөөрхөн ургацаа өгөөд байгаа шүү, тэр нь. Мини улаан лооль гээд нээх хөөрхөн жижигхэн юмнууд. Их амттай дээрээс нь Хэхэ.
Өглөө 6:30 гарч радиа гимнастикаа хийнэ, түрүү жил шиг. Ээж бас гарах л байх даа, нойроо харамлан харамлан.
Өнгөрдөг жил галзууралгүй хичээлтэй нь золгосын, энэ жил бас тэгэх байхаа, гүрийнэ дээ.
Нээрээ охин минь 2 дугаар анги болсон биш архаг болоод, 1 дүгээр ангид байсан шигээ юм юманд их нарийн хандаад байхаа больсон ш дээ, анги ахих тусам архагших шинжтэй шүү ер нь. Хичээл хийдгүй хүүхэдтэй болчуул яанаа гэж...

Зүгээр л урсаж байна

Энэ их халууныг яалтай ч билээ, зүгээр л урсаад л урсаад л байж байна дөө.
Ингэж их урссанаараа сайхан турдаг бол ч над шиг гуалиг нь үгүй байх дөө...

Дарсан гүйлс буюу үмэ боши

Жаахан байхад өргөст хэмх дараад л, дунайский салад хийчихээд түүгээрээ дайлдаг хүмүүсийг хараад ямар аймаар мундаг юм бэ гэж л боддог байлаа шдээ. Харин би одоо өөрөө тийм аймаар мундаг болчих уу ккк. Ганц нэг хүмүүс тэгж бодох ч юм билүү?

Энэ удаад гүйлс жимсийг даршилсым. Япончууд ингэж даршилсан гүйлс жимсийг жилийн 4 улирал хүнсэндээ хэрэглэдэг. Өвөл ялангуяа ханиад хүрэх нь бага байдаг гэсэн. Энэ жимсээрээ бас дарс хийнэ, ундаа хийнэ гээд л, тэр нь их амархан юм билээ. Харин даршилж хадгалах нь нэлээд ажил шаарддагым байна. 3 жилий өмнө хийдэг баатар болоод асуусан чинь чи чадахгүй ээ гэж унтрааж байсын нэг өвөө, одоо бодоход уур хүрээд байгаан. Чадаж л байхад ккк.
Дарах аргыг нь бичих гэсэн зарим нэг япон үгийг орчуулах гэсэн чадахгүй байнаа. Жишээ нь энэ хүрэн навчийг японоор нь 紫蘇 （шисо） гэдгийг юу гэж орчуулах вэ? гээд л. Англиар нь perilla гэдэг юм шиг байна. Энэ навч нь тухайн жимсийг ийм улаан хүрэн өнгөтэй болгоно. Болоод ирэхээр зургийг нь оруулнаа. Навчийг ишнээс нь салгаж аваад угаана, давсанд үрнэ. Жимсээ дарсан цуунаасаа бага зэрэг аваад навчаа базна, тэгээд цуутай нь хамт жимсэн дээрээ хийнэ.
Энэ шилтэйгээ 1 сар гаран байлгаад, 8 сарын дундуураас бас яадаг ч гэчивээ, тухайн үед нь зааж өгөх юм гэсэн. Тийм ч амархан аманд орчих зүйл биш болтойдог шүү.

Наадам сайхан боллоо

Сайхан наадсан уу? Бид сайхан наадсаан гэж. Хорхог хийж идлээ. Эндэх монголчуудын маань тоо жил бүр нэмэгдэж байгаа болохоор наадмаа ингэж өргөн дэлгэр тэмдэглэдэг болоод 3 жилийн нүүр үзэж байна бөө. Эхний жил нь гэхдээ миний бие монгол яваад байгаагүйм.
Өглөө их эрт эхлэх юм ярьцгаасан бидний наадам их оройтож эхэлсөөн, юм хум нь дутуу, тэрийгээ цуглуулж байна, зөөж байна гээд л. Монголчуудын ганц засрахгүй зан ч юм шиг, цагтаа эхэлнэ гэдэг...
Эрчүүд бөх барилдсан. Сүмо банди нар л түрүүлнэ шүү дээ, ойлгомжтой. Тэд чинь аймаар том биетэй, сүмо биш эрчүүд нь хажууд нь бол бичкээн байгаам чинь.
Хорхогныхоо зурагнаас оруулчихая.

Сайхан наадаарай

За та нар минь сайхан наадаарай, бид бас маргааш наадамлана.

Томоос том дэлхий

За бас нэг дуу, англи хэл сайн мэдэхгүй тул томоос том дэлхий л гэж орчууллаа. хэхэ

Дуу

Залуухан байхдаа сонсдог байсан дуу. Сонсдог ч гэж дээ, монголд байхад Mtv-р их явдаг байсым байна.
Саяхан санаандгүй олж сонсоод, кино нь ч бас хөөрхөн тээ.

Шүлэг

Ангийнхаа хүүхдийн Facebook-с чирээд ирлээ, таалагдаад

Аз жаргал гуйлгачин шиг

Аз жаргалыг дараа ир гэж бүү буцаа
Анхны яргуй цасан дороос ургадаг шиг
Аадар бороо тэнгэрээс асгардаг шиг
Аз жаргалын элч цаг цагтаа ирдэг юм

Хойтон жилийн наадамд өмсөхөөр хадгалсан
Хоргой эмжээртэй дээл бишээ аз жаргал

Бороо сүлсэн нарны гэрэл солонго болон нумладаг шиг
Бодол ариуссан насны жаргал хайр болон ивлэдэг юм

Зузаан янаг сэтгэл үүрдийн үүрдийг хүслээ ч
Зуурдын энэхэн хорвоогийн зураг төөрөг хатуу
Арзыг хорз болтол нь нэрж болохоос бус
Аз жаргалыг дараа эдэлнэ гэж хадгалж болдоггүй юм

Аз жаргалыг дараа эдэлнэ гэж өөрийгөө бүү хуур
Ачит ээжийгээ дараа жаргаана гэж өдөр хоногийг бүү хуур
Аугаа эх орноо дараа мандуулна гэж өстөндөө бүү хуурт
Алаг үрээ дараа ир гэж үрийн заяаг бүү хуур

Аз жаргал гуйлгачин шиг үүдийг чинь тогшвол бүү хөө
Агшин хором бүхэн эргэж ирдэггүйг бүү умарт
Ариухан сэтгэлийн үнэн үгээ бүү хадгал
Аяндаа минийх л юм чинь гэж намайгаа бүү шаналга

Шаглаж дуусаагүй үлдсэн торгон дээл шиг
Шаналалд идэгдсэн гундуу заяа үлддэг юм
Шатаж дуусаагүй унтарсан гал шиг
Санасаар яваад өнгөрсөн дутуу амьдрал үлддэг юм

Алтан дөрөө уяан дээр хангинахад
Аянчин хорвоогийн морийг тосож ав
Аяар аяар хаалгыг чинь тогших
Аз жаргалыг бүү буцаа...


Б.Энхтуяа 1995 он

Бидний дуу

Бороо битгий ороосой

Бага байхад бороонд их дуртай байлаа гэж, монголдоо байхдаа ч тэр дуртай байсан.
Тэгсэн энд яаж байна, бороог үзэн ядаж байна, ккк. Байгаль дэлхий маань гомдчих юм болов уу. Тувт бороо ороостой, бүх юм чийг даагаад нэг л зутруу байгаад байна. Угаасан хувцас хатсан үгүй нь мэдэгдэхгүй, чийгтэй оргиод л, бүр тамирын заал хүртэл чийг даагаад тоглож болохгүй байна гэсэн шүү.
Ойрын сонирхуулчих зүйл гэвэл, бага залуу хүүхдүүдтэй дээсээр цувраад, эгч бага насаа дурсаад жаал үсэрцэн чинь өнөөдөр гуя нил хүндүүр. Уг нь биеийн тамир хийгээд их дажгүй хөлс урсгасан юмсан, уг нь өдөр бүр ингэж хөдөлж хөлсөө урсгавал ч над шиг гоолиг хүн байхгүй байхдөө гэж...
Бас удахгүй наадам болох гээд сэтгэл санаа монголдоо, бие энд...
Энд ажиллаж амьдардаг хэдэн монголчууд бид хорхог хийж идэх санаатай л байна, бүтэн сайн ч таарсым. Аливаа баяр наадмыг яг тухайн цаг үед нь тэмдэглэх нь ховор байдын, энд чинь ажлын өдөр таарчуул юун цагаан сар, юун наадам л байдын. Тэгээд л сүүлд нь нөхөж тэмдэглэх жишээтэй...
нэг иймэрхүү дээ.

Бүжиг

Охиныхоо сургууль дээр зохиогдсон арга хэмжээний талаар бичих гэж байна, анхаарлаа хандуулахыг хүсье.

Эцэг эхийн зөвлөлийг хичээлийн шинэ жил эхлэнгүүт байгуулна. Хэд хэдэн салбараар ангилна. Урлаг соёл, биеийн тамир, өөр чинь юу билээ дээ санадаггүй ээ, гэсэн ангилалтай. Тэгээд эцэг эхчүүдээс санал асууж байгаад сардаа нэг ч юм уу удаа салбар тас бүрдээ ямар нэг арга хэмжээ зохионо.
Тэгсэн түрүүчийн бүтэн сайнд бүжгийн багш уриад, тамирынхаа зааланд 2 дугаар ангийн сурагчид болон тэдний эцэг эхэд хип хоп бүжиг заасан. Эхлээд аав охин 2 бүжиглэж байснаа, ээж нь бага ч гэсэн хөлсөө гаргая даа гэж бодоод гарч бүжиглэсэн ккк.
Жич: Сүүлийн үед япончууд янзан бүрийн бүжгийг их сонирхон суралцдаг болсон байна лээ. Цэнгээнт бүжиг, хип хоп, товшлуур гээд л, хүүхдүүдээ ч их явуулдаг болсон гэсэн. Охины минь ангийнхнаас бас суралцдаг хүүхдүүд байдаг гэнэлээ.
Би ч бас бага ангид байхдаа бүжиглэдэг д байсышд уг нь, ардын, цэнгээнт гээд л. Тэгсэн одоо тэр юмнаас чинь харин ч нэг хол байна дөө.
Нээрээ зарим япон хүмүүс амьдралдаа нэг ч удаа бүжиглэж үзээгүй гэсэн хүн байдаг юм билээ. Хөдөлгөөний эвсэл ч ер нь муутай хүмүүс дээ.Тэгээд л тэрийгээ мэдээд хүүхдүүдээ сургая гэж бодож эхэлсэн байх...
За тэгээд хүн хэлэлтгүй охин минь бас иймэрхүү юманд эвсэл муутаймаа, бүжгийн хичээл заалгадын билүү яадын билээ?
Түрийвч л мэдэх байх даа, энд чинь тиймэрхүү хичээл нь үнэтэй үнэтэй...
Зураг: Хүмүүсийн царайг хамаагүйг оруулчуул хэл амнаас нь айж байнөө, хөл л оруулахаас ккк
Өө тийм, нэг юм мартах гэж байна. Найздаа хип хоп бүжиглээдээ гэсэн чинь "саначихъч, дараа бүжиглэж үзүүлээрэй" гэж авсан шдээ, одоо яанаа би?