Бүтэн сайны халтуур

Энэ удаагийнх нь гэрээс минь 40 км зайтай нэгэн хотод. Тухайн хотын сонсголын бэрхшээлтэй иргэдэд улсаа танилцуулах.

Өнөөх л дээлээ өмсөөд л, хамаг байдаг монгол гэсэн зүйлээ хамаад л, ажлынхаа газрын монгол гэсэн бүхий л номоо хайрцаглаад л, хань ижлийнхээ монгол гутлыг ачаад л, морин хуураа үүрээд л тэмээн жингийн ачаатай хүүхэн л явлаа. Үгүй ээ энэ хорвоо нэг муу жаахан хүүхэнд маш том ачаа үүрүүлж байгаам шүү. Хи хи

Амжилттай, амжилттай. Чадлынхаа хэрээр л улсаа танилцууллаа, магтлаа. Дохионы хэлний орчуулга орсон тул цаг жаахан зарсан. Бас удаавтар ярихгүй бол орчуулга гүйцэхгүй.

Би өөрөө ганц нэг мэддэг дохионы хэлээрээ мэнд мэдсэн. Баярлаж байна гэж жигтэйхэн. Сэтгэлийн хөөрөл ихтэй, эмзэг улс шиг санагдсан.

Мөн тэр өдөр болон хэдэн өдрийн өмнөөс л айхтар ширүүн бороо ороод, болох үгүй нь мэдэгдэхгүй байж байж өглөө нь болно оо, та болгоомжтой яваад ирээрэй гэсэн.

Сүүлийн үед манай муу Япон их хэцүүхэн байгаа. Хар шуурга ирээд, үерт автав. Тэр шуугиан намжаагүй байтал хойд нутгаар хүчтэй газар хөдлөөд айхтар юм болов. Дараагаар нь хэдэн өдөр айхавтар ширүүн бороо оров.

Лам хар хүмүүс уншдаг бол ганц нэг маань мэгзэм уншчихаарай. Хичээнгүйлэн хүсье. Би ч мэддэг ганцыгаа байнга л уншина шүү дээ. Лам та нар шиг унзад хоолойгоор уншиж чадахгүй л дээ. Хо хо.

Нээрээ цэнхэр дээлээ пээнсэнд нь гаргаад шинэ дээлтэй болсон гэж хэллүү. Хүмүүс зохиж байна, гуалиг байна гээд л шагшаад байгаа. Би тэрүүхэндээ гунхалзаж энэ тэр.

Нээрээ Киви билүү хамтлагийн дээлтэй нээх сонин хөлөлгөөнөөр бүжээд байдаг дуу чинь билээ? Тэр бүжгийн хөдөлгөөн их таалагдаад байгаа, сурна аа. Тэгээд толгойдоо алчуур зангидаж байгаад дээлтэй найгаж? гунхаж бүжнэ ээ. Гэртээ ганцаараа байхаа л даа. Хи хи. Энд тэндээс хүмүүс папарацидчихгүй л бол шүү дээ.

Хадуурахаасаа өмнө дуусгая дөө. Ойрд халтуур байхгүй байх аа. Юу билээ? Өөртөө амжилт, та нарт бас амжилт шүү.

9 сарын 2

Бага зулзагтайгаа, бага зулзагын монгол хэлний багш банди, түүний ээж дүүтэй нь хамт ээлжит жүжгээ үзсэн.

Энэ удаагийнх нь яг ч жүжиг биш. Пианика гээд хөгжмийг хэрхэн дарж сурах тухай заасан, хамтдаа үлээсэн арга хэмжээ байлаа.

Үүнийг цэцэрлэгт байхаас нь заагаад эхэлчихдэг болохоор, тун дажгүй. Мөн бага сургуульд орохдоо өөрсдийн гэсэн хөгжмийг бэлдэнэ. Түүнийгээ ангидаа байлгаж, дуу хөгжмийнхөө хичээл дээр заалгана. Их сүрхий.

Том зулзагын хэрэглэж байсан нь дүүд нь очсон тул бид хэмнэлттэй, хоёрыг бэлдэх шаардлага гараагүй. Хэ хэ.

Ийм хөгжим байна аа. Жижигхэн хэрнээ адтай золиг байна шдээ. Маш муу үнэлж байж. Уучлаарай хөгжимхөн минь. 

Концерт дуустал бага зулзагын гар хөл нь хөгжимдөө, аяндаа орчихсон тувт л хөдлөөстэй. Үе үе ээж рүүгээ харж мэддэг ая нь байна гэж гайхуулаастай. 

Төгөлдөр хуур заалгадагийнх сонгодог хөгжим, хөгжмийн зохиолчдыг нь мэдээд байх юм. Хажууд нь ээж паг. Осолдохгүй л сайхан ая вэ? гэсэн шүү юм бодоод л суух. Хэ хэ.

Хөгжмийн хичээл нь хөгжилтэй болох байх, тэсэн ядан хүлээдэг хичээл нь болох байх даа. 

Хөгжмийн сүр хүч, аяны сүр нөлөө гэж асар гайхамшигтай юм өө. Нэг өдрийн ёстой сайхан сэтгэлээ сэргээж өнгөрөөсөндөө баяртай байгаа_ Мөн бэлэгшээж байгаа. Хэ хэ. 

Хөгжмийн зэмсэг мандтугай, хөгжмийн зохиолчид мандтугай, хөгжимчид мандтугай, сонсогчид мандтугай.

Охин бид хоёр хөөрөөд СД-нээс худалдаж авав.Буцах замдаа машиндаа сонсоод хөөрсөн сэтгэл нэг л хөрсөн дээр буу өгөхгүй байсан. 

Энэ тухайгаа зохион бичлэг бичих даалгавартаа бичсэн. Юу гэж бичсэнийг нь дараа л олж уншихаас. 

Бүгдийнх нь урлагийн зөн мэдрэмж өөдрөг байг ээ...

9 сарын 1

9 сарын 1-ний мээнд.

Гэсэн чинь хэдийнээ 10 хоночихож ээ.

9 сарын 1-нд номын дуу сонсов. Ямартай ч хичээлийн шинэ жилийн эхний өдрийг номын дуу сонсож өнгөрөөсөндөө их олзуурхаж байгаа. Ойрд номын дуу сонсоогүй байсныг ч хэлэх үү. Шүтлэгтэй байна уу? Нас яваад өө, аливаа зүйлийг бэлэгшээж бодох нь олонтаа болжээ...

Япон хэл заах аргын талаарх сургалт. Ганц нэг шавьтайг хэлэх үү, хойшид улам олон шавьтай болох ч юм билүү? Хөдөө газар ингэж ганц нэг олдсон сургалтыг алгасахгүй л орж байхгүй бол хөгжих талдаа маруухан ч юм шиг санагдана аа хө.

Сүүлийн үед эдний өдөр тутмын сонин бүр дээр гаднаас ажиллах хүч авчирч ажиллуулна, тэдний хэлний асуудал чухал байна энэ тэр гээд л нийтлэл гарна. Сонирхож уншина. Жил ирэх тусам гадаад орны, гадаад хүн нэмэгдэж байна, тэдэнд япон хэлийг хэрхэн заах, хэн заах, яаж заах гээд л олон асуудлыг хөндөнө.

Энэ удаагийн сургалтаар сайн дураар япон хэл заадаг багш нартаа зориулж, багш нарынхаа ур чадварыг сайжруулах талаарх сургалт байлаа гэж.

Заах аргын хувьд толгойд үлдсэнээс гэвэл байнга л давтуулах, заачихсан юм чинь гээд орхилгүй, шинэ хичээлээ, шинэ үгээ өмнө нь заасантайгаа холбож ярих, өгүүлбэр зохиох, харилцан ярих, зохион бичлэг бичүүлэх гэх мэт.

Би ч бас байнга л давтаж асуудаг юм. Тэгэхгүй бол тэд чинь хоолтойгоо холиод идчихсэн байна шүү дээ.

Өөрийнхээ хэл сурах аргад бас хэвшүүлчихмээр л зүйл, энэ давтах, өдөр бүр бага багаар оролдох гээч зүйлийг.

Гэснээс англи хэл оролдоод л сүрхий байдаг байсан чинь сүүлийн 2 жил паг болсон шүү дээ. Зөндөө л шалтаг байна, бүгдийг тоочоод баршгүй.

Ямартай уншигч олондоо сурлагын амжилт хүсье өө.

Гялалзуулсаан

Хань ижил ажлаар эх орондоо очихоор болоод. Би хөөрч, хүмүүст өөрийн трэндээ шахах гээд. Захиалга энэ тэр аваад. Өнгө энэ тэрийг нь асууж ирээд л. Сүрийг бадруулав.

Дэлгүүрээс утас худалдаж авсан өдрөө 10 ширхэгийг нэхээд тавьчихав. Түүнээс хойш бага багаар зай завсраараа нэхэв.

Нийт 40 ширхэгийг нэхсэн байна. Нэг айлд 3 ширхэгийг жаахан жаахан бэлэгтэй нь уутлав. Санта эмээ шиг л. Ккк.

Ерөнхийдөө зураг дээр 3 өнгөөр дагнасан. Сүүлд ягаан өнгө авсан юм байна. Гал тогоонд орэнж өнгө, ногоон өнгө давамгайлдаг юм шиг байгаа юм тэ, айлуудад. Орэнж өнгө их захиж байна лээ. Хоёрдугаарт ногоон өнгө.

Бага зулзага утас бөөрөнхийлж сурсан. Би чаддаг болсон гээд хөөрөөд, бөөрөнхийлж өгөөд байгаа. Уг нь бол яг энэ зураг дээрх шиг хэлбэртэй байхад нь дотроос нь утсаа хөвөөд нэхэхээр өнхөрч барихгүй амар л даа. Охиныхоо урмыг бодоод л мундаг байна, чадаж байна гэж магтаад утсаа бөөрөнхийлүүлж байна.

Гар хуруу нь ч эвлэхэд хэрэтэй гэж үзэж буй тул. Хи хи. Ирээдүйд нэхмэлчин ч болох юм билүү? Мэргэжил бүхэн сайхаан гэж...

Ямартай ч захьсан улсуудын минь захиалга бэлэн болсон шүү. Төлөвлөгөөгөө даван биелүүлсэн, гавшгай нэхмэлчин нь би байлаа...

Бүгдэд нь амжилт хүсье ээ, өөрийгөө ч марталгүй амжилт хүсчихэе...

Хичээл эхлэв ээ

10 жилийн хичээл эхлээд би жаргаж байна аа. Ха ха. 

Яаж гэхээр, өдөр хоол хийнэ гэхгүй, нэг бол хаана хоол идүүлэх вэ? гэхгүй. 

Бага зулзага зуны даалгавраа яах вэ нэг юм хийсэн. Үглүүлж дуулуулж байж. Энэ жилийн нэг давуу тал нь чөлөөт судалгаа гэж даалгаврыг хийж болно, хийхгүй ч байж болно. Дүрслэх, зураг, чөлөөт судалгаа гэсэн 3 даалгавраас сонгож хийж болно гэсэн байв аа. Азны коля болж байгаа юм чинь. 

Учир нь бага ангийнхан бол чөлөөт судалгаа гэдэг үгээ ч сайн мэдэхгүй л явж байгаа юм чинь, үнэндээ. Тэгээд ээжүүд нь толгойгоо гашилгаад, энд тэнд материал цуглуулаад гүйгээд  байдаг байхгүй юу. 

Би энд нь их шүүмжлэлтэй хандана. Энд тэнд бага сургуульд эх орноо танилцуулах ажлынхаа хажуугаар бас багш нарт нь цухуйлгаад амжина аа. Хүүхдээдээс 

-Чөлөөт судалгаандаа ээж ааваараа туслуулсан хүүхэд байна уу?

Бүгд шахуу гараа өргөдөг юм. 

-За тэр харж байна уу? Багш нараа? Ээж аавуудад нь зуны даалгавраа өгөхөө больцгоо. Бла бла...

Тэгсэн миний энэ дуу хоолой хүрчихсэн юм уу хаашай юм. Японы боловсролын системийг өөрчилөхөд нөлөөлж энэ тэр би. Хэ хэ. Ямартай ч энэ жил зун азтай байлаа. Ирэх зун яахыг таашгүй. 

Мөн шавь бидэн хоёрын хичээл ч эхлэв. Халуун байлаа шүү, халуун байна шүү гэсээр уулзалдав. Зуны турш л баахан тэмцээн уралдаанд явсан сурагтай. Бас нэг удаадаа сонин дээр гараад амжсаан, цаадах чинь. Би хөөрч сонингийх нь зургийг дарсан. Анхны амжилт шүү дээ. 

Одоо харин толгой руугаа жаахан юм хийчихвэл гэж бодоод байгаа юм багшийнх нь хувьд. Спортынхон, бөхчүүд гэхээр л сонин хүмүүс байдаг гэдэг ойлголт, имижийг өөрчлөх хэрэгтэй шүү дээ гэж үглэнэ ээ, болоогүй. Үглээ юм гэж боддог л байх даа. Хи хи. 

Үнэн шдээ тэ, миний эргэн тойронд бөхөд дургүй хүмүүс зөндөө л бий. Бүдүүлэг, хээгүй гээд тэнэг ч юм шиг, танхай, балмад гээд л хүмүүс шүүмжилнэ шдээ. 

Гэснээс наадмаар түрүүлсэн бөх чинь бас л... Шууд л цол молтой, хэдэн өрөө ч гэнэ үү байр савтай болчихдог тэ. Эрэгтэй байсан бол шууд бөх болхгүй юу, нэг бол сүмоч. Ха ха. Нэг наадамд түрүүлээд л, залуучуудын насаараа лизинг төлж амьдрах байрыг бол 11 өрөө мөрөөгөөр нь олчихож байна.

Бөхчүүдийг тамирын цүнх дүүрэн найрааныхаа мөнгийг цүнхлээд явдаг гэж сонсоод дургүй болчихсон шд.

Юу билээ? Хичээл. Халууны эрч буудаггүй, сурагчид хэцүү л байх шиг байна. Намрын сэрүү хурдан ороосой. 

Охиддоо сурлагын өндөр амжилт хүсье өө. Өөртөө бас...

Өөрийн гэсэн өрөө

Амралтын өдрөөрөө уншиж эхлэв. Мэдээж тэр дор нь уншиж дуусна гэж байхгүй.

Эхнэр хүнд, ээж хүнд бас бус хийх ажил их байна аа. Тийм үү? Тэгэхээр ганц бие байхдаа болж л өгвөл уншиж байгаарай, охид бүсгүйчүүд минь. Охиддоо бас хэлнэ ээ, сурах үе чинь одоо, унших үе чинь одоо гэж. Ээжийгээ харж байгаа биз дээ? Номнуудаа уншиж амжилгүй, өрөөд л тавиад байдаг бла бла гэж...

Балга борголоо, дуртай чокогоо хажуудаа тавьж байгаад л эхлүүлнэ. Сүүлийн үед чоко идэх хүсэл эрс буурсан. Энэ өдөр ганцыг л идсэн.

За ер нь нэлээд ярьвигтай ном байна шүү. Нэг уншаад ойлгох эсэхээ мэдэхгүй л байна. Одоохондоо нэгдүгээр бүлгийг дууссан.

Гол санаа нь бол "эмэгтэйчүүд бидэнд өөрсдийн гэсэн өрөө байсансан бол бужигнуулж өгөх байсан даа" ? юм болов уу?

Одоогоор дуусгаж амжаагүй тул бас яг таг оноогоод хэлчих зүйл алга аа. Ямартай ч нэлээд ухаан зарж, ухаж төнхөж байж ард нь гарах төлөвтэй ном шиг санагдлаа.

Өөртөө амжилт, мөн уншигч олондоо амжилт.

Гэснээс саяхан нүүр номоос өдөр хэдэн ч билээ ном уншиж дуусгадаг гэсэн нэг залуу, нэг бүсгүйн ярилцлагыг уншаад, учиргүй атаархав. Хэ хэ.

Та нарын араас гэлдрээд л явъя дөө...

Цэцэгс

Ойрд цэцэгний зураг оруулаагүй байна. Орж гараагүй овоо хэд хонож байгаа болохоор цэцэг хауртай тааралдахгүй байгаа юм болов уу?

Нэг арга хэмжээ болж байсан, үүдэнд нь байсан цэцгийг дур мэдэн дарсан. Хэ хэ.

Нэг давхрын нэгэн булангийн гоёо. Хэсэг хугацаа өнгөрөөд солигддог. Хажуухан талд нь хэний уран бүтээл болох тухай нэр ус нь бичээстэй байдаг. Хувийн мэдээлэл чандлан хадгалах гэдэг хатуу хуультай газар болохоор нэр ус, нас хүйс орсон зүйлийн зураг дарах хориотой байдаг болохоор нэрийг нь холдуулж байгаа л дарчихдаг. Хэ хэ.

Булангийн гоёо солигдсон байгаа нь. Би номоо тэвэрч явж таараад  хажууд нь номоо тавьж давхар чимж ирээд л зураг дарлаа. Хи хи.

Одоо жаахан тэсчихвэл намрын сайхан сэрүү орох гээд л байна. Мөн намар цэцэглэдэг цэцэгс чинь юу билээ. Ямартай ч уулын мод алаглаж шарлаад, улаараад бас нэг нүд баягсгана даа. Гадаад дотоодын жуулчид ч их шавна. Чадвал уул явж зураг дарамз...

Хичээлийн шинэ жил эхэлж байна, бүгдэд нь сурлагын өндөр амжилт хүсье.

Гал тогоог эзэгнэхэн төрлөө

Ээмэгтэй хүн юм болохоороо гал тогоог эзэгнэхэн төрсөн хөөн би болон бусад эзэгтэй нар ч. Тийм үү. Хэ хэ.

Хоол хийх дуртай хүмүүсийг бодвол дурлаад байдаггүй л дээ.  Тийм болохоор хийж буй хоол нь ч урлаг уран сайхан, гоо үзэмжийн мэдрэмж асар бага.

За энэ соёолж? гээч ногоог махтай хуурч байгаа байдал. Энд соёолж их хямд байдаг. Мах шарж идэхэд, зарим газар раамэндаа бас их хийсэн харагддаг. Би өдөр бүр идэхгүй ч хааяа ингээд хуурч иднэ ээ.

 Заримдаа их махсана. Элдэв ногоотой шарж иднэ. Залхуурсан үедээ бол гадуур иймэрхүү мах шарж иддэг газар ороод хооллочихно.

Үе үе япон ээж нарыг дуурайж жижиг жижиг тавганд есөн жорын юм хийж ирээд л ширээндээ өрнө. Яг үүн дээр агшаасан цагаан будаа нэмэгдэнэ.

Эртээд байцааны салат хийж үзээд. Анх удаагаа хийж үзэв. Монголд иддэг байсан амт тэр чигээрээ амтагдаад, хань ижил ихэд таалсан. Мөн том зулзага амттайг нь гайхаад дахиж хийгээч л гээд байгаа. Ёстой амархан юм байна лээ шд. Нийслэл салат энэ тэрийг бодвол.

Шарахад амар загасыг сонгож аваад шарж иднэ. Нэг хэсэг бүтэн загас авчихаад л учиргүй гэдэс дотор энэ тэрийг нь арилгаад л шарж иддэг байлаа. Залхуу гээч зүйл байнга дагаастай тул бэлэн төхөөрчихсөн загас авдаг болсон.

Үе үе халтуурдана. Хаш ногоог махтай хуураад л болно. үүн дээр мисо шөл нэмэгдэнэ. Зундаа нэг их шөл хийж уугаад байхгүй, өвөлдөө бол сайн ууна, мисо шөлийг. Гарын доорх материал ашиглаад хийчихдэг болсон. Мисо нь л байж байвал амархан.


Гэх мэт. Мундаг тогооч ээж, эзэгтэй нар бол шоолохоор л доо. Гэхдээ яахав, огт хийдэггүй байснаас л дээр байгаа биз дээ. Одоо ч тэгээд охид томроод, хааяадаа хоол хийчихдэг болж байна дөө. Бага зулзага өндөг шарж сурч байгаа. Хуушуур чимхэж сурч байгаа.

Эрчүүүдийг ходоодоор нь ч гэх шиг. Кккк

Ургацын далай

Эртээд уулынхан минь өгч явуулж, өөрсдийнх нь тарьсан зуны ногоо. Намайгаа эрхлүүлж, ийм ч ногоонд дуртай юм байгаам, тийм ногоонд дуртайн байгаам гээд л өгсөн гэнэ. Бас сармис байсан, зураг аваагүй байна.

Тэдгээрийг нь их эд амархнаар болгож идэв. Хаш ногоог зузаахан хэрчээд гүнжидийн тосонд шараад багахан лавс цацаад л болоо. Эрдэнэ шишээ хувааж чанаад л болоо. Чихэрлэг амттай тул элдэв амтлагч хэрэггүй.

Улаан лоолио угаагаад л түүхийгээр нь иднэ. Өргөст хэмхээ хааяаад угааж хэрчээд, бага зэрэг давс цацаад иднэ. Заримдаа цуу энэ тэрд дарж байгаад иднэ.

Халуун тул, гялс л идэж дуусгахгүй бол, дорхноо муудчихна.

Энд хүмүүс нь тухайн улиралдаа тариалсан ногоо, жимсээ идэх сайн гэж үздэг. Өвөл тариалсан ногоогоо өвлийн цагтаа л иднэ. Түүнээс зуны ногоог хүчээр хүлэмж энэ тэрд тарьсан бол дэмий гэж үздэг юм билээ. Учир гарсан өртөг, зардлаасаа болоод үнэтэй, дээрээс нь элдэв бордоо энэ тэр хэрэглэсэн байдаг гээд.

Алим их үнэтэй байгаад уур хүрээд байна аа. Хэ хэ. Намар, өвөл жаахан хямдардаг юм. Хойд нутгийн алим ч салахын аргагүй амттай байдаг.

Гэх мэт, хоол унд, ногоо цагааны соёлоос эднээс суралцах зүйл ихтэй юм аа...

Мэдээж биднээс суралцах зүйл ч эдэнд их шүү...

Зуны сүүлчийн...

Энэ зуны сүүлчийн тарвас шүү гэж ирээд л хөрш эмээ минь тэврээд ирсэн. Ямартай ч бид энэ зун худалдааны тарвас авсангүй.

Дэндүү эрхэлсэн, дэндүү тансаг байна уу? Ачийг нь яаж хариулна даа. Хэ хэ. Заримдаа ч боддог юм, ганц нэг найз эмээ өвөөгөө "Ямар үйлийн үрээр бидэнтэй учраад, хамаг юм аа зөөдөг юм бол доо" гэж. Хи хи.

Ганц тарвас ч биш, мелон зөөгөөстэй. Өргөст хэмхээ дарж савлачихаад зөөгөөстэй.

Нэгэн өвөө төмс зөөгөөстэй. Хэмжээ нь жаахан ч гэсэн, амт дажгүй. Эртээд удасдахаар нь урдны авсан маань дуусаагүй, дуусахаар нь бид нэрэлхэлгүй хэлээд, давхиж очоод авамз, та минь сэтгэлээ чилээлгүй, хүлээж байгаарай л гэлээ. Хэ хэ.

Наадмын маргааш намар, одоо намрын ногоо, жимс зөөлгүүлж иднэ дээ гэж давраад л байж байна. Хи хи.

9 сар гарахаар суугуул нутгийн минь бас нэг нэрийн бүтээгдэхүүн лийр жимс боловсроно. Жил бүр л зураг хөрөг оруулдаг шиг санаад байна өө.

Монголд ижий аав минь бас ургацаа хураагаад л. Ойрхон бол гүйж очоод хураалцангаа идэлцэхгүй юу тэ? Ккк.

Өвөө нь зээ хоёр ярьж байна аа.
-Өвөө нь өнөөдөр мойлоо түүгээд.
-Ээ мойл чинь нээх сонин, ам ирвэгнүүлээд, гашуун, онцгүй жимс байна лээ шдээ.
-Хэ хэ, гэхдээ л гоё шдээ, чамд өгч чвуулах уу?
-Яахын бэ? Үхэрний нүднээсээ өгөөрэй.

Том зулзага бас монгол хэлээр ярихдаа үе үе алдана аа. Шоолж, загналгүй засаж хэлнэ.
-Үхэрний нүд биш үхрийн нүд гэнэ шүү.
-За ээж ээ...

Аан тийм, тарвас. Уулынхан маань надад бас тарвас өгч явуулсан байсан. Тэр нь хар үргүй тарвас байна лээ. Идэхэд амар юм билээ шд. Амнаасаа пүү гэж ирээд л яс гаргаж хаяхгүй. Хи хи.

Хөршийн минь өгдөг судалтай тарваснаас өөр. Цул ногоон.

Таллаад хуваасан байгаа нь. Хар үр байхгүй байгаа биз?

Тарвас харахаараа оюутан ахуй цагийн минь нэгэн дурсамж санагддаг юм. Ангийнхаа Ховдын охинтой цэцэрлэгийн сааданд бидний хэдэн охид Ховдын тарвас хувааж идсэн минь. Ккк

Хэн нэгнийхээ гэрт очоод, хувааж идэхнээ ч яасын? Заавал гадаа сааданд шүү. Нэг учир жанцан байсан байх даа?

Ямартай зуны турш амттай, шүүслэг тарвасаар таслаагүй хөршийхөндөө, уулынхандаа маш их баярлалаа.

Нутгийн наадам

Уламжлалт бичлэг.

8 сард Японы ихэнх нутгаар наадам болно оо. Улсын наадам гэж байхгүй, аймгуудын, сумдын наадам л болно.

Тухайн орон нутагт онцолж, өвлөн хадгалж ирсэн бүжиг гэж байна. Түүнийгээ албан байгууллагууд нь баг гаргаж бэлдээд, тодорхой хэсэг замын хөдөлгөөнийг хааж байгаад л бүжээд тойрно.

Мужийн захирагч манайхаар бол аймгийн засаг дарга бас бүжнэ. Тамгын газрынхаа багийг толгойлоод. Ингэхдээ дуустал нь бүжигхгүй л дээ. Эхний нээлтийн үеэр бүжээд, мужийнхаа ганц нэг иргэдтэй гар барина, харин ихэнх иргэддээ мэхийн мэндлэнэ.

Хотын дарга бас бүжнэ. Гэснээс эндхийн дарга цэрэг ихэнх нь гуалиг шд. Гүзээгүй, хөнгөн шингэн, байнга Дүүриймаадаастай. Ажлын байрандаа бол нэг их инээмсэглээд гүйгээд байхгүй л дээ. Төв царайтай, ажилчид албан хаагчид нь сүрдээстэй. Гэхдээ худлаа долигонож сүрдэхгүй, хүндэлж сүрдэнэ.Учир нь ажилдаа сайн хүмүүс л дарга болж дэвшдэг тул. Мэдээж энэ олон хүнд арай өөр аргаар дарга, сургуулийн захирал болчихсон хүн байна...

Мужийн тамгын газрынхны ижилсдэг бүжгийн кимоно. Би олоон жилийн өмнө бас энэ кимоног өмсөөд бүжиж л явлаа. Залуу халуун насны минь сайхан дурсамжуудын минь нэг.

Ийм шүхэр барин бүждэг. Нэр нь шяншян бүжиг. Нетээс хайхаар гараад ирнэ дээ.Өнгөрдөг жил ч бас энэ тухай бичиж байсан байх. Энэ удаад алгасана аа.
Бага зулзага аавтайгаа уул хад руугаа явчихсан. Том зулзага найзтайгаа наадам үзнэ гээд яваагүй, би ажилтай тул яваагүй гэр зуур. Блогоо бичээд л сууж байна, оройн цагаар. Хоол унд гэхгүй, санаа амар. Хи хи.

Бүжсэний маргааш өдрийн орой буудлага болно. Энэ наадмын оргил хэсэг. Бага зулзага, хань ижил харьж ирсэн, бид хамтдаа буудлагаа дуу алдан дуу алдан үзэв. Орос агаатайгаа хамт.Өнгөрдөг жил мөн цугтаа үзсэн юм билээ. Ирэх жил бас л хамтдаа шүү гэж шар айраг тулгав.

Бороо бага зэрэг шивэрснийг эс тооцвол, сайхан байлаа. Буудлагын хэлбэр дүрс нь жилээс жилд арвижаад байгаа. 

Сайн харвал зүрхэн хэлбэртэй байгаа биз?

За ингээд зуны амралтын оргил өдрүүд өндөрлөж, зуны даалгавраа дууссан уу? Хичээлийн хоёр дахь хагасын бэлтгэл энэ тэр гээд ажил ундарна.

Ном сурах бичиг, дүрэмт хувцас энэ тэр нь бэлэн, мөнгө нь л байж байвал бичгийн хэрэгсэл нь элбэг дэлбэг болохоор ядаад байх зүйлгүй л дээ. Түгжрэхгүй бас. Хэ хэ.

Гол нь одоо багатайгаа тулж ажиллах, даалгаврыг нь хажууд нь харж байгаад хийлгэх л үлдлээ дээ. Зулзагатаа болон өөртөө амжилт хүсэв...

Далай

Өнгөрдөг жилийн зун бид далай явж амжаагүй юм. Уул хадаар зугаалаад. Тэгсэн энэ жил уул хадаараа ч зугаалж амжилгүй, ус далайгаар ч зугаалж амжилгүй үуныг үдчих гээд болдоггүй.

Тэгээд бага зулзагтаа "энэ жил заавал дагуулж явна" гээд амлачихсан чинь аюул болохоо шахав.

-Далай дагуулж явна гэсэн яасан бэ? Ингэсээр байтал зуны амралт дууслаа. Хэлсэн амлалтаа биелүүлэхгүй бол худалч болно, худлаа ярих чинь хулгайч болохын эхлэл бла бла.

Ээ бурхан минь, хулгайч болохоосоо өмнө ам мөчид дагуулж явлаа. Бөөн баяр. Бөөн хүн. Далайгүй мужуудаас бас их хүн ирж шумбах юм аа.

Үдээс өмнө очсон бидний хоёр гэр бүл 4 цаг хүртэл далайн эрэг дээр өнжлөө. Хэдэн хүүхдийн нар гарч байна аа. Өлсөхөө ч мэдэхгүй, уснаас гаралгүй өнжив.

Үүлэрхэг гэж байсан чинь нар шараад, түлэгдээд, харласан хэдэн хүн л байна.

Охид нуруу хорсоод, мөр хорсоод, хань ижил бас хамаг юм нь л хорсоод байна гэсэн улс байна. Борлох гэж улсууд бас л зүдрэх юм. Хэ хэ.

Би ч борлохоос айдаг юм болохоор битүү цамцтай явсан тулдаа хамгийн гоёороо. Ккк. Гэхдээ хөл жаахан улайсан байна аа.

Өдөр тутмынх нь амьдралд хөдөлгөөний дутагдал асар их байна аа гэдгээ батлав. Сэлдэг баатар болж хийлдэг цагирагтай? баахан хөл гараа савчсан чинь 2 гар нил хөндүүр болчихож. Хэ хэ.

За энэ бага зулзагын монгол хэлний багш, монголоос ирээд удаагүй байгаа, хөөрхөн бор банди. Энэ бор залуутай найзлаад, бага зулзага өөрөөсөө монгол хэлээр ярих гэж оролддог болсон. Талархаад баршгүй.

Ажил энэ тэрээс болоод ганц л удаа далай явлаа. Ирэх жилээс ядаж хоёр удаа явах юм шүү гэж бодов.

Хань ижил, бага зулзага хоёр уулынхантайгаа дахин нэг далай ээж дээр очиж эрхэлж эрхэлж ирсэн юм байна. Нэмээд улам борлоод, одоо уулзаж учирсэн хүн бүр тэр хоёрыг минь шоолоостой. Хи хи.

Цав цагаан байснаас хөрслөг бор байх гоё шлээ тэ. Би бол хараад өхөөрдөөд байгаа. Хэ хэ. Бага зулзагын минь бөгс л бага зэрэг цайвар, бусад нь бов бор. Ккк.

Жаахан амьсгаа авахтайгаа болж сэрүү орж байна. Урд шөнө бараг даарав шд. 10 сар гартал хэт дулаалалгүйхэн шиг өвөлтэйгөө золгох юм шүү.

Хурдхан өвөл болоосой гээд байсан хүн зун битгий дуусаасай гэж бичих л үлдээд байна даа. Хо хо. Хүмүүний энэ сэтгэл үнэн хувирамтгай юм даа тийм ээ?

Эргэлт

Жижиг ном цүнхлээд явахад зүгээр юм гэж их олон бичиж байна тээ. Хэ хэ.

Ойрд номын тавиураар өрөөстэй уншаагүй номнуудаа дуусгах санаатай, цүнхлэхийг нь цүнхлээд, ил тавихыг нь ил тавиад, аль болох нүдэнд минь өртөж байхаар хөглөрүүлж байна. Тэгж байж уншиж дуусгахгүй бол, өрөөстэй чигээрээ он жил элээх янзтай шүү.

Мон судар-аас гаргасан энэ түүвэр чинь хэд байлаа даа, би хэдийх нь ард гарсан юм болдоо? Тоогоо алдсан байна. Хо хо.

Хятад зохиолчийн номыг ер нь ховор уншдаг шүү. Чонон сүлдийг л уншиж байж. Мөн Күнзийн барьсан оройн зоог билүү? нэг ном уншихыг минь хүлээгээд л байж байна. Өөр бас ганц нэг ном бий. Болдбаатар гуайн орчуулсан.  Нэр нь юу билээ дээ? Зузаан гэдгээс өөрийг санахгүй байна, явж харж ирдэг юм билүү? Хэ хэ.

Суугуул нутгийнхаа наадмаар ганцаараа гэртээ. Хань ижил бага зулзага хоёр уул руу явчихсан. Том зулзага найзтайгаа наадамлах минь гээд гарчихсан. Ганцаараа хоол хийж идэхээс залхуураад, бас мах идмээр санагдаад, ерөөсөө ганцаараа хооллочихдог хэрэг гээд гарав. Тэгэхдээ энэ номоо цүнхлээд гарсан.

Цаг эрт байсан болохоор, хүн цөөтэй, хоол иртэл уншиж эхлээд, үргэлжлэлийг нь гэртээ ирж уншаад дуусгав.

Дээхэн үеийн Хятад улсын хөгжил, хүмүүсийнх нь ахуй амьдрал бас л Монголынхтой төстэй байсан шиг санагдав. Тосгонд нь орос чийчаан хурдлан давхих нь, хэн нэгний татаасаар, арын хаалгаар хаа нэгтээ ажилд орох гээд л.

Авилгал гээч зүйл их л гаарсан гэж ярьдаг юм билээ, одоо. Түүнтэйгээ бас л тэмцэх гэж үзэж тардаг гэсэн.

Манайд ч бас л гаарсан тэ. Яаж нэг зөв гольдролд нь оруулах вэ?...

Нобелийн шагналт Мо Янь зохиолчийг багадаа хэн ч ингээд дэлхийн шагнал авчихна гэж төсөөлөөгүй байх даа? Эх орноос минь тун удахгүй Нобелийн шагналтан төрөх буйз аа...

Итгэл дүүрэн урагшаа...

Наадмын оройн зоог. Хуушуур энэ тэр хийхгүй ч бас баяр ёслолоор ихэвчлэн зарагддаг хоол, амттан гэж бас байна аа, энэ Японд. Дараа нээрээ тэдгээрийн зураг дарж оруулна аа.

Андуурав аа

Өөр блогт ороод ирэв гэж андуурав аа.

Блогоо хөөрхөн болгож өөрчилмөөр санагдаад аа. Хүмүүсийн блог их л гоёмсог байх юм гэж атаархаад. Хэ хэ.

Гоё дэвтэр дээ бичсэн шиг фон хайгаад олсонгүй. Хүмүүс хаанаас олоод байна аа? Хэлж туслаарай.

Ямартай ч нэг оролдсоных өөрчилчихье гэж бодоод онгоц, үүлний зурагтай болгочихлоо. Ямар байна. Хэсэгтээ л ингээд явна аа. Дараа уйдахаараа дахин өөрчилнө өө.

Гэснээс сэрүү ороод сайхан байна аа. Оройдоо байгалийн салхи цээж дүүрэн амьсгалаад л дуг хийх чинь бас нэгэн жаргал юм байна шүү. Сэрүүн сайхан Монголын та бүхэн тэр бүр ойлгохгүй л дээ. Японд амьдардаг хүмүүс л ойлгоно. За юу. Хи хи.

Гэснээс ойрд сонин содон танилууд ирж уулзаад байгаа, надтай. Надтай ч гэж дээ, урд нь цуг ажиллаж байсан хүүхнүүд, амралтаараа зорьж ирээд. Бүгд гадагад шүү. Нэгнийх нь охин бага зулзагатай чацуу, тэд нэгэн оройг тун чиг хөгжилтэй өнгөрөөсөн.

Нөгөөхийх нь охид том зулзагатай тоглодог байсан, багадаа. Тэгсэн томоо болчихоод эргэж ирсэн. Ирэх жил японд эргэн ирж ахлах сургуульд орох юм гэсэн. Тэд шавиагаа ханатал буу халсан, нэг өдөр.

Сэрүү орсон чинь сэтгэл санаа хүртэл нэг тийм эрч хүчтэй болоод, бичээд өгье, уншаад өгье гэсэн эрмэлзлэлээр дүүрэн байна.

Ямар ном уншиж байгаагаа зургийг нь оруулаад явамз.

Удахгүй хичээлийн шинэ жил ч эхэллээ, Төрөлх хот минь хөл хөдөлгөөнтэй байгаа даа...
Бүгдэд нь амжилт...

Дэлхийн 12 настангууд

Нэг хөөрхөн ном. Гүйлгэж хараад дотор нь монгол гэж байсан тул зээлэхээр товлоод, арайхийж нэг зээлээд, уншив.

Зохиолч номдоо дэхийн өнцөг буланд буланд өөрийн очсон орны 12 настан сурагчдын тухай танилцуулсан байна. Айхтар нуршаад тэгдэг ингэдэг гэж бичилгүй, шүлэглэх хэлбэрээр бичсэн байна.

Сургуульдаа явах хүсэл тэмүүллээр дүүрэн сурагчид мориор, завиар, автобусаар, галт тэргээр, дугуйгаар, явган гээд л урагш зүтгэнэ. Тэдний сэтгэл зүрх итгэлээр дүүрэн, нүд нь галтай цогтой...

Сургууль хүртэлх зам нь дардаг биш ч газрууд байна. Маш эрсдэлтэй зам туулна, тутрагын талбай дундуурх нарийхан замыг туулна. Шалбаагтай, намагтай зам гээд л олон янзын зам тэднийг хүлээнэ.

Бас нэгэн хүчин зүйл нь шашин. Шашныхаа урсгалаас болоод нэг улсын боловсролын систем, аливаа зүйлийн үнэлэмж зэрэг нь хоёр хуваагдах ч тохиодол байна.

Хамгийн ихээр сэтгэлд хүрсэн хэсгээсээ бичнэ ээ.

Цэвэрлэгээ ба Буддын шашны гүн ухаан. Зүүн Өмнөд Азийн 11 улсын бага сургуулиар орохдоо мэдэж авсан зүйл бол цэвэрлэгээ.

Яоны бага сургуультай адил, сурагчид нь өөрсдөө ангиа, коридороо, жорлонгоо цэвэрлэдэг. Хичээл дуусахаар хогийн шүүр бариад л нийтийн өмч болох сургуулиа цэвэрлэнэ.

Энэ нь Буддын шашин Зүүн Өмнөд Азийн хүмүүсийн ахуй амьдралд салшгүй нэгэн хэсэг болохоор цэвэрлэгээ ч мөн адил салгаж болохгүй ойлголт.

Буддын шашин олон урсгалтай ч лам хүмүүсийн, сүсэгтэн олны мөрдөх ёстой зүйлд 1-т ЦЭВЭРЛЭГЭЭ. 2-т МӨРГӨЛ. 3-т ЭРДЭМ НОМ байдаг. Тийм ч болохоороо сүсэгтэн олон цэвэрлэгээгээ сэтгэлээсээ хийнэ. Зарим сүм хийдэд лам хуврага хүн жорлонгоо өөрсдөө цэвэрлэх тохиолдол ч элбэг.

Зарим оронд хогийн шүүр, алчуур гэх мэт багажаа гэрээсээ авчраад цэвэрлэгээгээг хийдэг бага сургууль ч байна.

Нэгэн дурсамж сэдрэв. Би бага сургуульд байхдаа ангийн цэвэрлэгээнд хамгийн түрүүнд гараа өргөөд л оролцдог байлаа. Цэвэрлэгээндээ биш, ангийнхаа охидтой нийлж арзаганах л сайхан байлаа. Хэ хэ. Бас шал угаадаг порлоноо гэрээсээ их зөөсөндөө.

Бодлоо...
Цэвэрлэгээнд сайн хүн болгож хүмүүжүүлсэн улс орон илүү хурдацтай хөгжөөд байна уу даа гэж. Гэхдээ зөвхөө гэрээ л цэвэрлэх бус, аль болох нийтмийн өмчид ариг гамтай хандах, цэвэрлэж тордох нь чухал шиг.

Зарим япон хүмүүсийн гэр хөглөрсөн байдаг хэрнээ гадаах орчин нь маш цэвэрхэн байдаг.

Тэгэхээр одоо бид хашааныхаа гаднахыг, орцоо, лифтээ, гадаас сад зэргээ их сайхан цэвэрлэж тохиолог болгомоор тэ.

Номонд гарах 12 настангуудын зургийг харад буцаад 10 жилийн сурагч болмоор, юу ч бодолгүй инээж хөөрмөөр санагдав... Хүүхэд насанд хүргэж өгдөг галт тэрэг хэрвээ байдаг бол гэж өөрийн эрхгүй аялав...

Хамгийн их таалагдсан улс орны сургуулийн орчин, багш нарын, сурагчдын байр байдлаас хараад европын улсууд юм даа л гэж бодов. Очиж үзээгүй болохоор тэгж санагдсан ч байж магад. Нэг тийм чөлөөтэй, дураараа...

Европын хаа нэгтээ улсад ганц хоёр жил амьдарч үзэхсэн гэдэг мөрөөдөл тээгээд бичлэгээ өндөрлөе...

Монгол чихэр

Шинэхэн танилаасаа ийм гого чихэр авсан. Амт бол ёстой сайхан.

Нэг гэм нь халуунд жаахан хайлаад? шилэн дотроо хатуураад, гарч ирэхгүй, сэрээгээр хатгаж гаргаж ирж хүлхэж байгаа, бага багаар.

Ганц энэ чихэр ч биш  л дээ, монголоос ирсэн бүх чихэр ингэж хайлаад, нялцайдаг. Тийм болохоор чихэр бол ер нь захьдаггүй.

Ийм шилтэй чихэр. Араас нь харуулах уу? 

Ийм нарийхан шилтэй ч байдаг юм байна. Чихэрээ дуусахаар шилийг нь ямар нэгэн зүйлд ашиглана даа гэж бодоод өхөөрдөөд л хардаг гэж байгаа. Хи хи. 

Хөөрхөн хөөрхөн зүйл хийх гэж оролддог болжээ. Гар хийцийх гэсэн. Мөн элдэв химийн гаралтай элдэв бүтээгдэхүүн ороогүй. Сэтгэл санаа дагаад ч тэр юм уу амт нь жигтэйхан сайхан санагдаад. 

Жижиг чихрүүд дээрээ хөөрхөн монгол үгс бичсэн, мөн инээж буй царай гээд л хөөрхөн дүрстэй юм билээ. 

Элдэв орос хятад нь мэдэгдэхгүй чихэр авч байхаар энэ чихэрнээс авч идэж үзээрэй. 

Монголын минь жижиг дунд үйлдвэрлэл хөгжин бадраг...

Ном ба

Саяхан Токиод ирж уулзалт зохион байгуулаад буцсан. Цагийн сайханд франц хэл оролддог байсных сайхан уулзмаар л байсан. Даанч хол, ажил төрөл гээд л олон шалтгааны улмаас тэр хол Токио руу явж чадсангүй ээ.

Нүүр номоор эрчимтэй уншигддаг Ээнээгийн тэмдэглэл хуудаснаас энэ уулзалтын тухай сонин хачин сонсов гэж...

Яг нэг жилийн өмнө Том дэвтрийг уншиж байж. Түүнийгээ бодвол агуулга нь бас ч гэж арай зөөлөн. Аймаар зүйл гарахгүй. Гэхдээ бас сэтгэл санаа эвгүй болно оо болно. Яаж зүгээр байхав.

Ирэх жилийн зун Нотолгоог унших байх даа. Хэ хэ.

Үүнийг харин санаандгүй бэлгэнд аваад. Бэлгэнд ч гэж дээ, шулуухан л захиалсан. Байсгаад д надаар жижиг захиа орчуулуулдаг юм. Үнэ хөлсгүй. Заримдаа ч их ажилтай үед минь давхцаад уур хүргэх янзтай ч, би нэг их цааргалалгүй орчуулаад өгдөг л дөө. Япон өвөө, эрвээхийн хатаамал цуглуулдаг, судалдаг, тэр ажлаараа үе үе Монгол явж ховор нандин эрвээхий барьж хатаагаад байх шиг байдаг...

Монголын нэг сургуулийн захирал багшид захиа хүргүүлэх гээд орчуулга нь ороод ирчихсэн, өөрөө монголд явна гэхээр нь шанд нь энэ номыг аваад ирээрэй гээд шулуухан л тулгачихсан хэрэг. Хи хи. Санаа зовоостой ч ном олж уншихын төлөө бол юуг ч хамаагүй хийнэ ээ яадгийн? Оюуны хөдөлмөрөө үнэлж байхгүй бол тийм ээ?

Орчуулга хийдэг мундаг хүмүүс, түүн дотроо бүсгүйчүүд та бүхэндээ өндөр амжилт хүсье ээ.

Мөн тэдгээрийг нь алгасахгүй уншчихдаг олон олон бүсгүйчүүддээ амжилтын дээдийг хүсье ээ. Уншдагт нь миний өөрийн бие орно оо гэж байгаа. Хи хи. Мөн эдгээрийн бүтээлийг нь олноо таниулаад, уншмаар болтол нь тэмдэглэл бичдэг бүсгүйчүүддээ амжилт хүсье ээ.

Номын агуулгын тухай танилцуулгыг та бүхэн гарын арван хуруугаа хөдөлгөөд л олоод авчих тул энд нуршихгүй ээ.

Ямар үүх түүхтэйгээр унших номнуудаа олж авдаг, хаанаас зээлдэг гэдгээ ингээд бичвэл хожим хойно дурсах юм даа...

Од гариг

Од гариг гэж ярьдаг болохоос дурандаж, онцгойлж судалж байсангүй ээ.

Суугуул нутаг маань од барьдаг муж гэж өөрсдийгөө рекламдаад, мужийн захирагч нь маш идэвхитэй гүйгээд, дотоодын аялагчид цуваад байгаа. Энэ захирагч ер нь их сүрхий. Монголынхоо нэгэн аймагт аваачаад засаг дарга хийлгэчихмээр.

Зүгээр ч нэг 90 жил гээд сургууль, цэцэрлэг, тамгын газраа будахгүй. Их бодит хөдөлнө.

Яаж гэхээр? Махаа сурталчилна, жимсээ сурталчилна, ногоогоо сурталчилна. Одоо бүр тэнгэрт байгаа одыг сурталчилаад эхэлчихсэн.

Би дотроо бол эх орны минь одот тэнгэрийг гүйцэхгүй л юм байж гэж бодно, хэлнэ.

Хэдэн жилийн өмнөөс сонсголын бэрхшээлтэй иргэдийнхээ эрх ашгийн төлөө, тэднийг ойлгож хүлээж авахын төлөө захиргааны ажилчидаа дохионы хэл сурахыг уриалсан. Өөрөө ч их сайн гэж ажилчид жиг жуг гэх юм билэээ.

Цэцэрлэгийн хүүхдүүд хүртэл урлагийн үзлэгийн дуу хуураа зүгээр нэг дуулахгүй, заавал гар хуруугаа хөдөлгөж дохионы хэл оруулна. Багш нар нь хүртэл суралцаад явчихна. Би хүртэл дуурайж дохионы хэлний ном авч байлаа. Тоотой л сөхөж харсан болохоос...

Аан тийм од гаригийн тухай.

Энэ зун чинь Марс буюу Ангараг гариг чинь их ойрхон, тод харагдах зун гэж байна шүү дээ. Энгийн нүдээр л харсан.

Санчир гариг гээчийг дурангаар харлаа. Ёстой тод харагддаг юм байна шд. Энэ зураг дээрх гадуураа цагирагаар хүрээлэгдсэн нь Санчир гариг шүү. 

Харин энэ улаан хүрэн, хээтэй нь Бархасвадь гариг. Энэ хээ нь бас бүдэг ч гэсэн харагддаг юм байна. 

Аргагүй иймэрхүү хичээл их сайн ордог, үздэгээрээ том зулзага л маш сайн мэдэж байсан. Дуу алдаад л, байн байн тэнгэр ширтээстэй байлаа. 

Худалч хүнд од гэдэг үгнээс өөрийг мэдэхгүй би ч өөрөөсөө жаахан ичив. Хойшид иймэрхүү төрлийн ном энэ тэр уншиж байна аа. Бага зулзагатаа бас уншуулах юм шүү. 

Сонирхдог хүмүүс чинь өөрсдийн дурантайгаа очоод дурандаад зогсчихдог юм билээ. Бидэнд бас сайн дураараа дурангаа зээлж, бид хэд хэдэн оддыг заалгаж дурандсан. 

Би дурангийнх нь үнийг асуугаад байна аа. Хэ хэ. Хөл нь асар үнэтэй юм билээ. 20 сая төгрөгтэй байхад бага оврын дуран авах л юм байна гэж тооцоо гаргасан. Хи хи. Мөрөөдсөн юм өө. Монгол ч яваад ирж чадахгүй байгаа хүн, тийм үнэтэй дуран худалдаж авлаа юу тэ?

Бяцхаан хэмжээний барилгыг маш сайн зай ашиглалттайгаар хүмүүсийн мөнгийг хүүлээд л. Танин мэдэхүйн хөөрхөн хөөрхөн булантай. Үүдэндээ бэлэг дурсгалын зүйл худалдаалаастай. Би ч шунал хөдлөөд магнет авсан. Ордын зурагтай лааны стакан авсан.  Жаахан сэрүү орохоор лаа асааж кайф авна. 

Хүмүүс дэвсгэрээ авч очоод хэвтэж ирээд л оддыг хардаг юм байна лээ. Дараа тэгэх юм шүү гэж бодсон. 

Хотын гудамжаар явахад нэг их од харагдахгүй ч, жаахан өндөрлөг, гэрэлтүүлэг энэ тэр байхгүй газар очиход бас хөөрхөн одтой юм билээ. 

Гэхдээ л Монголын минь мөнх хөх тэнгэрийн оддын тоог яагаад ч гүйцэхгүй...

МИАТ-ын үнэ тариф бага зэрэг буугаасай, үрсээ дагуулаад жил бүр гэж хэлж чадахгүй ч 2 жилдээ нэг эх орон, ижий аав, элгэн садандаа золгочихоод л ирмээр санагдах юм. Санаа алдав...

Хойд Солонгосоо гэж

Өнөөх Пак Ёнми охины бичсэн номыг уншаад дуусчихсан ч сэтгэлд нэг юм хоргодоод. Дахин бичмээр санагдаад.

Аав ээж, эгчийн хамт амьдрах Ёнми. 13 насандаа Өмнөд Солонгос руу зугатах шийдвэр гаргана. Эгч нь түрүүлээд нутгаасаа гарна. Өөрөө дараахан нь ээжийн хамт хил давна. 13 настай ч насаа ахиулж хэлнэ, ээж нь насаа дарж хэлнэ. Тэгэхгүй бол оргож хил давахад нь зуучлах хүн олдохгүй.

Хятад ирнэ. Хүний намайчдын гар хөл болсон хүмүүс тэр хоёрыг болон хэд хэдэн эмэгтэйчүүд охидыг хятадын захын, алслагдсан бүсүүдийн хөдөөний айлд зарна. Ганц бие, борлогддоггүй хөвгүүддээ ээж аав нь ингэж эхнэр олж өгдөг гэнэ.

Ёнмигийн ээж нь нэгэн айлд зарагдаад явна. Ингэхээсээ өмнө бас юм юм амсана аа болоогүй. Хүний наймаачидтай уулзах болгонд тэдгээр нь зарах гэж буй хүүхнүүдийг, охидыг хүчиндэнэ. Ёнмиг ч бас энэ зовлон тосно. Эхний удаад ээж нь гуйж гувшиж байж оронд нь өөрийгөө золино.

Яалт ч үгүй нэг эрийн гарт орно. 13 насандаа...

Хятадад түр орогнох хугацаандаа элдэв хүнтэй уулзана, хууртагдана. Ээжийгээ хайна, олно, эргүүлж авна. Аавыгаа оргуулах тухай хөөцөлдөнө...

Аав нь өвчнөөр нас барна... Энэ хугацаандаа эгчийгээ хайсаар л байна.

Өмнөд Солонгос руу оргох тухайгаа хөөцөлдөнө. Ингэхдээ Монголоор дайрч Солонгост гарах замыг сонгоно. Өмнөд Азийн орнуудаар дамжих гарах бас сонголт байдаг гэнэ.

За маш эрсдэлтэй замыг туулж Монголын хилийг нэг юм эсэн мэнд давна.

Хаа очиж Монголд цэргүүд, эрчүүд хүчиндээд гэж гардаггүй. Яс хавталзаж л байлаа. Халхын сайхан эрчүүд минь та нар улсынхаа нэр сүрийг бодно шүү. Гуйж байна...

Монгол дахь Солонгосын элчин сайдын яам энэ тэрээрээ дамжаад Солонгост ирнэ. Мэдээж дасах гэж бас л хэрэндээ хичээсэн. Бүр маш их хичээсэн.

Хамгийн гол зэвсэг бол сурах, боловсролтой болох гэж яс махандаа шингэтэл ойлгосон Ёнми ихээхэн хүчин зүтгэл гаргаж суралцсан. Элдэв л дарамт шахалттай таарна, тэр мэдээж.

Эгчийгээ хайсаар л. Эгчийгээ олно. Эгч нь Өмнөд Азиар дамжиж Солонгост ирсэн. Эгч нь ямар зам туулсан тухай бичээгүй. Хүсвэл эгч нь өөрөө ярих? бичих? байх гэж байна лээ.

Маш их нулимс, асар их тэвчээр, зориг гаргасан тэрээр өдгөө дэлхийн олон орноор явж туулсан замаа, хүний наймааны тухай илтгэл тавьдаг...

Бодов, ямар их аз жаргалтай юм бэ? би болон бид. Ямар залхуу юм бэ? би болон бид...

Хичээнэ ээ, та бүхэн ч мөн хичээгээрэй...

Мөн ч их хүлээсэн дээ

Жил хүлээлээ. Амтыг нь санан санан л хүлээлээ, тоорхон чамайгаа.

Уулынхан минь тариалдаг юм. Жил бүр л очиж иддэг юм. Тэгсэн энэ жил хувь хувьсгалын ажил давхцаад явж чадсангүй ээ. 

Хураалтын үеэр очиж чадахгүйгээ хэлээд, идмээр л байгаагаа хэлчихсэн чинь шуудангаар явуулчихсан байсан. Баярын нулимс хоёр нүдийг минь бүрхээд л ирсэн. Хэ хэ. 

Хэнд ч өгөхгүй шүү гэж ирээд л амаа олохгүй идэж байна. Худалдаанд байгаа ч уулынхны минь тариалдгийг гүйцдэггүй. Санаа дагаад ч тэр байж магад. 

Их эмзэг жимс тул хурдан идэж дуусах. Мөн маш болгоомжтой хандах хэрэгтэй болдог. 

Угааж байгаад хальслахгүй бол загатнуулдаг шүү. Эртээд ажлын хэсэг хүүхнүүдийн цуглаан дээр хальстай нь иддэг гээд идээд байсан. Тэгэхээр хальстай нь идэж болдог шиг байна лээ. Би тэгэхэд л анх удаагаа хальстай нь идэв. 

Ирэх жилийн 8 сард заавал очиж идэх юм шүү...

Халуун гэдэг үгийг үгсийн сангаасаа авч хаямаар байдаг...

Зуны даалгавар сөнөтүгэй

Даалгавар сөнөтүгэй гэж үглэсэн нэг охин байна. Хэ хэ.

Өглөөд 6:30 гарч өглөөний дасгалаа хийнэ. Тэр эрчиндээ найзуудтайгаа доргиод гадаа жаахан тоглоно. Халж эхлэхээс өмнө. Гэхдээ босохдоо год гээд үсрээд босоод ирэхгүй ээ. Аавтайгаа нэлээд юм болно. Хайргүй, дургүй, би унтмаар байна бла бла...

Харин орой нь болохоор аавдаа учиргүй хайртай хүн
-Охиныгоо юу ч гэж хэлж байсан сэрээгээд, босгоорой, хайртай шүү, дуртай шүү, үнсье бла бла...
гэж уяраана.

Орж ирээд төгөлдөр хуураа давтсан болно. Дараагаар нь даалгавраа хий гэж үглүүлэн байж хальт бичнэ. 5хан минут болоод л өнөөдрийнхөө хэсгийг дуусчихлаа л гэнэ.

Номын сан сайтай газар байгаагийнх номыг л харин сайн уншиж байна даа. Сүүлийн үед суут хүмүүсийн намтар уншаад байгаа. Мэдээж хүүхдэд зориулсан том үсэгтэй, зураг хөрөгтэй хөөрхөн, сонирхолтой бичигдсэн байна.

Зурагтыг ч бас сайн үзэж байна. Унтраа гэж үглэх л юм. Бага сургуульд ухаалаг утас барих хориотой тул гар утасны хэрүүл хийхгүй нь сайхан.

Хааяадаа нэг ганц нэг найз нь хонхдоод аваад гарна. Дугуйтай жаал зугаалж байгаад ирнэ. Эсвэл хорхой шавьж болоод гүйчихнэ.

Монголоос ирсэн хүүхдүүдтэй 2 өдөр уулзсан. Сүүлийн өдөр нь хөөрхөн тоглоод гүйгээд байсан. Монгол хэлнийх нь үгийн баялаг нэг ч гэсэн үгээр нэмэгдсэн байх гэж найдахаас...

Дунд нь бас тоглож наадах, уулзах учрах хүн тасрахгүй л байна. Хаа байсан Морокко улсаас нэг найз нь ирж уулзлаа  шд. Хэ хэ. Ээжүүд хамт ажилладаг байсан юм. Япон хүүхэн л дээ. Эр нөхрөө дагаад Морокко явчихсан. Нөхөр нь Морокко хүн. Ажлын газрын ганц нэг хүүхэнтэй нийлж идээд. Бүгд шахуу унаатай явж байсан тул уугаагүй. Исламчууд чинь бас архи дарс уухгүй их томоотой юм. Хи хи.

Яг одоогоор ханзны даалгавраа хийгээд сууж байна. Олон ханз үзээд явах тул аль болох цээжлүүлэх гэж хуулан бичлэг сайн хийлгэх юм. Бичгийн хэв нэг л болж өгөхгүй байгаа ч. Хэд баллуурдаж, хэд дахин бичих ч ханз байна. Энэ олон ханз дунд дуртай ханз, дургүй ханз гэж бас байна.

Даалгавраа амжилттай хийж дуусахыг хүсье дээ. Өөр ч чадах зүйлээр маруухан хүн чинь тийм ээ?

Зочид буудал

Урд зүгийн нэг мужийн вокзал хавийн зочид буудлыг дуусгаж байна даа. Голж шилнэ бас. Хэ хэ.

Өглөөний цай нь арвин сонголт сайтай юм байна, сонголт муу, амтгүй юм байна энэ тэр гээд л.

Өрөө нь том жижиг гэж голно оо. Голцуу жижиг л дээ. Монголоос ирсэн хүмүүс бол голно, ямар жижиг өрөөтэй юм бэ? Бөгс ч эргэх зайгүй гээд л. Би ч жижиг газраа дачихсан болохоор арай гайгүй.

Өглөөд нэг иймэрхүү цай уув. Онгойнгуут  нь шахуу яваад орно гэж байгаа. 6:30-д онгойно. Ойрдоо их эрт сэрээд байгаа, халууны хар гай гэж таагаад... Түүнээс өглөөдөө босох гэж л бас дуншина шүү дээ.

За тэгээд эндхийн зочид буудлаар үйлчлүүлж үзсэн хүмүүс бол сайхан ааштайг нь, үйлчилгээ сайтайг нь мэдэх байх өө.

Ямартай ч Монгол яваад ирсэн хүмүүс шиг муулаад байхгүй байх, тийм ээ?

Монголын зочид буудлыг зарим нэг япончууд муулаад л байдаг юм. Тог тасарсан, ус тасарсан, хүлээн авах руу нь утасдаад утсаа авахгүй байсан, бла бла.

Би ч дотроо хөгжинө шдээ хөгжинө, танайд ч бас сонин газар байдаг шдээ л гэж бодно.

Зочид буудалд ажилладаг, эсвэл дарга цэрэг нь уншиж байвал амжилт хүсье. Гол нь сайхан Дүүриймаадаад л байх хэрэгтэй шүү. Монгол охид залуучууд гоё шдээ, гэхдээ жаахан даруухан хувцасладаг болчихвол тийм ээ?

Айхтар хар шуурганаас амжиж нутагтаа ирсэн. Бүтэн сайн өдрийн бууз хуушуур хийх арга хэмжээ будаа. Энд тэнд зөндөө л арга хэмжээнүүд зохион байгуулагдахаа больсон. Харамсалтай.

Орж гарч болохгүй гээд сүр дуулиан болсон чинь манай үүгээр харьцангуй гайгүй өнгөрлөө. Бурхандаа баярлалаа. Байгалийг бүү бас гэж...

Өвөл хурдан болоосой...

Ээлжит нэрс түүлт

Энэ жил ч бас бидний хэдэн хүүхнүүд нэрс түүв. Ажлын газрын нэг хятад хүүхэн хүүгээ дагуулж ирсэн. Аяа бас түүний хүүхэдтэйгээ ярьж байгаа хятад хэл чихэнд чийртэй гэж юүхэв. Чанга ч ярихыг нь яана? Аль болох холхон л явж түүлээ. Хэ хэ.

Бага зулзага цуг явсан ч юун жимс түүх? Мэлхий барьж гүйгээд, өнөөх хятад жаалтай мэлхийгээр л тоглох шив д... Мөнгөө төлөөд ордог болохоор, тэрэнд нь тааруулаад идүүлчих санаатай ээж жимсээ түүгээч ээ гэж орилдог гэж байгаа.

Яг нэрсний мод биш шүү. Raspberry жимс. Бөөрөлзгөнө. 

Амт нь дажгүй юм билээ. Монголдоо би бөөрөлзгөнө идэж байснаа санахгүй байна л даа. Багадаа иддэг л байсан байх тэ. 

Нэрс маань. Би ч сайн идсээн. Бас илүү гарсныгаа грамлаад худалдаж авч болно. Худалдаж авсныгаа хөлдөөчихсөн. Хааяа гадил, алим зэрэг жимстэй хольж смүүжи хийж уухад амттай байдаг юм. 

Хажуугаар нь сармис, соус худалдаж авсан. Хятад сармис хямдхан ч, япондоо тариалсан нь бас л үнэтэй шүүд дээ. Яаж ийгээд л японыг нь авах гэж зорьно доо. 

Нэрс түүлт уламжлалт арга хэмжээ болох байх. Ирэх жил ч явна аа гэж ярилцаад, хөлсөө ургасан хэдэн хүүхэн бушуухан харих минь гээд тарцгаасан даа...

Өвөл хурдан болоосой...

Зуны амралт

Ашгүй нэг юм зуны амралт эхлэв. Аагим бүгчим халуунд нуруунд хүндээ гэгч цүнх үүрээд, гартаа савтай цайгаа бариад л алхах хүүхдүүд өрөвдөлтэй.

Энэ айхтар халуунаас болж нийт Япон улс даяар хэдэн ч хүн бурхны оронд залрав даа. Нэг дүгээр ангийн жаахан охин? наршаад, эмнлэгт хүргэгдсэн ч яаж ч чадалгүй амь насаа алдсан. Хөөрхий минь.

Өглөө хичээлдээ явна гээд гарсан хүүхэд нь эргэж ирэхгүй гэхээр өр өвдмөөр...

Үүнээс үүдээд энд тэнд бага дунд сургууль зуны амралтаа наашлуулах, элдэв гадуурх арга хэмжээгээ зогсоож байна.

Бага зулзагын сургууль яг л амрах ёстой гэсэн хугацаандаа л амарлаа.

Амарлаа гээд өмхийрч ногоорохгүй ээ. Өглөө эртээ босоод гадаах цэцэрлэгтээ радио дасгалаа хийнэ. Нойрмог гэгч хүүхдүүд л гарч ирдэг юм. Азаар би энэ зун жижүүрийн ээлжгүй юм билээ. Ганц нэг өдөр цуг гарч шар усаа тарааж хөдөлгөхөөс.

Гол нь зуны даалгавар. Энэ зун яажшуухан хөглөдөг юм байгаам. Хуулаад бичих ажлыг гайгүй хийчих байх. Мөн дүрслэхийн даалгавар ч гайгүй, Бүр болохгүй бол гэрээр дүүрэн зурсан зурагнаас нь нэгийг нь өгөөд явуулчихна. Гол нь чөлөөт судалгаа.

Ахлах сургууль 7 хоногийн дараагаар амрах юм билээ. Зуны даалгавар гэж өгдөг эсэхийг мэдэхгүй л байна. Ямартай ч амралт дуусаад хичээл ороход шууд шалгалттай гэсэн. Тэгэхээр дуртай дургүй хичээлээ хийх л байх даа.

Наана нь эндхийн маань наадам болно. Юката өмсөөд найзуудтайгаа баярлана шүү гэсэн. Юун ээж аавыгаа дагаад явах. Тийм нас нь ард хоцорвоо хөөрхий. Араас нь цагдаж гатнуул хийх цаг ирж байх шиг байна.

Найзуудтайгаа ийш тийшээ явна гэхэд нь хар юм бий юу энэ тэр гэж сайн байцааж байж явуулах юм шүү. Гэхдээ л энэ хүүхдүүд ээж аавын аргыг дор нь л олох байх даа тэ.

Багыгаа л дагуулж орж гарж баясахаас дөө. Хөдөө ээж аав руугаа явж жимс олоод идчихмээр байдаг. Цаг зав нэг л болж өгдөггүй.

Мартсанаас би нь гэрээс гараад овоо хэд хонож байгаа шүү. Зочид буудлын бүсгүй болсон. Ажилтай л байвал гэж бодоод л, шогшиж байна дөө.

Халуун хурдан дуусаасай...

Ном ба боорцог

Боорцог хэвэнгээ ном уншив гэдэг бичлэг. Зөөхийтэй шүү бас.

Номын агуулга нь гол баатар Коолхаастай ёс бус харьцсанд зэвүү дургүй хоёр нь зэрэг хүрэн, өөрөө бас ёс хууль бусаар гэх юм уу зэрлэгээр гэх юм уу аргаар хариугаа авч буй тухай гарна.

Аль ч үеийн нийгэмд зусарч, өөрийнхөө нэр төр, эд баялгийг л хамгаалах гэж муйхраар зүтгэдэг улс төрч, албан хаагчид байх юм тэ.

Танил тал, төрийн сүлжээнд орчихсон хамаатан садан, хамсаатангуудаа хамгаалах гэж, эсвэл өөрийгөө хамгаалах гэж улайран зүтгэх дээдсүүд.

Тэдний ач буянаар гэх юм уу, нийгэм, ард иргэд тэмцээд явах юм. Нийгмээ зөв гольдролд нь оруулчих гэж их үзэх юм, хичээх юм тийм ээ.

Эх орон минь ч нэг л хөлөө олохгүй л байна даа. 3-хан сая л хүн шүү дээ. Бүгд л аз жаргалтай амьдарч болохоор газар нутаг, баялагтай. Одоо хүмүүс нь жаахан л үүрэг, хариуцлагаа ухамсарлачихвал ч...

Угтаа бол төрд гарсан 76 биш ард түмэн бид л нийгмээ зөв цогцлоох ёстой ч юм шиг.

Мэдээж төрийн оролцоо байлгүй л яахав. Гол нь жижигхээн зүйл дээр нэг иргэний үүрэг ухамсар асар их шаардагдаж байна даа гэж.

Жишээ нь хогоо хаяхгүй байх, нус цэрээ гудамжинд нийхгүй байх, тамхиныхаа ишийг, үнсээ энд тэнд хаяхгүй байх, замын хөдөлгөөнд соёлтой оролцох,явган хүний гарч хол байсан ч залхууралгүй алхаад гарцаараа гарах, өөр чинь юу билээ?

Энэ бүгдийг нүүр номоос олж уншаад л, эмзэглээд явдаг шүү.

Номын төгсгөлд хөөрхий муу Коолхаас маань цаазлуулчихдаг. Учир нь өөрийн хэргээ үнэн зөвөөр шийдүүлэхийн тулд ёс бус арга хэрэглэж, олон хүний амь хохироосон, гарз хохирол учруулсан тул.

Тэгэхээр муйхраар өшөөгөө авах гэдэг ойлголт дэмий байгаа биз? Энэтхэг кинонд л өшөө авалт нь бүтэлтэй болдог байх тэ. Жаахаан охин байхдаа "Өшөө авалт" гээд энэтхэг киног хэд үзлээ дээ, хэхэ.

Өдгөө үед өшөө авч байна гээд явахгүй ч, ард иргэд хохироод л үлдэх юм даа тэ. Овсгоотой нэг нь хожоод л.

Гэхдээ үйлийн үр гэж байдаг гэдэг болохоор, муу муухай зүйл хийгээд байгаа хүмүүс нэгийг бодмоор юм шиг ээ...

Ном ба бэнто

Номоо уншаад л байгаа шүү.

Том зулзагынхаа хийж өгсөн бэнтог идэнгээ номоо уншлаа. Яг энэ өдөр дуусгаж амжаагүй л дээ. Ээж нь хийж өгдөггүй, өөрөө л хийж авч явна. Түүнээс япон хүүхдүүдэд ээжүүд нь хийж өгдөг гэсэн. Даварчихсан мангар бацаанууд, ээжийгээ их зарна эд чинь. Заримдаа ээжийнх нь өмнөөс уурлаад, загнаад явчихмаар болно оо.

За тэр яахав, энэ ном юуг өгүүлэх вэ? гэхээр.

Номоо галт тэргэнд уншиж дуусгав. Өнчирч хоцорсон эгч дүү 2-ын тухай гарна.

Өсвөр насандаа ээж ааваа ослоор алдаад, хэрхэн амьдарч байгаа, ямар хүмүүстэй нөхөрлөж байгаа гэх мэт зүйл гарна.

Бүр айхтар тэмцэл бол гарахгүй. Ерөнхийдөө урсгалаараар л явна. Мөнгө олох гэж аил хийн, сургуулиасаа гарна.

Мөн мөнгө олох гэж ганц нэг буруу гарын хүмүүстэй учирна, эгч нь биеэ үнэлнэ? Зохиолч харин гол баатраа биеэ үнэлж буй мэтээр дүрслээгүй гэж өмнөх үг дээр нь бичээстэй байсан.

Нийгэмд өнчин хоцорсон хүүхдүүдэд тулгамддаг асуудал ямар чи их юм бэ дээ? тийм ээ.

Дэлхийн бүх өнчин хүүхдүүдийн өмнө томчууд бид бас л хариуцлагаа ухамсарлаж, аль болох муу муухай зүйл хэлэлгүй, сайхан нийгэм цогцлоох ёстой тийм үү? Адаглаад тэдэнд муу зүйл хийхгүй л байх юмсан даа...

Ингээд л ном уншихаар элдэв зүйл бодоод шаналах гээд байдаг шүү...

Зуныг давахад

Халуун зуныг давахад ганц нэг жимс ногоо их л дэм болж байна.

Тарвас аминд орж байна. Хөргөөд идэхээр айдаа мөн ч сайхан шүү. Шингэнээ ч нөхчихнө.

Суугуул нутгийн минь бас нэгэн бренд бүтээгдэхүүн шүү дээ. Хөөрхөн үнэтэй гэж байгаа бас.

Ийм том ч байна. Таавар таалгаад, зөв таасан эхний 3 хүнд бэлэглэдэг. 

Хөрш эмээгийнхээ өгөх тарвасыг хүлээгээд л, тун дөхөж байгаа даа гэсэн шүү юм бодоод л, заримдаа авчих идэхгүй, хараад л өнгөрөх шижээний. Хэ хэ. Хөөрхий хөрш эмээ минь, дээжээс нь гээд бариад ирсэн л дээ. Дараа дараагийнх нь хурдан болоосой гэхгүй юу? Хи хи. 

Тэгвэл би нь тарвас авалгүй өөр жимс авч иднэ гэж байгаа. Ойрдоо киви жимсээр их занималдаж байна. Халуунд чинь бас хоолны дуршил их мууддаг юм байна шүү. Нозоороод л. 

Улаан лооль байна бас. Эмээ минь байсгээд л оруулж ирнэ. Бид өөрсдөө жаахныг тарьсан ч ногооноороо л байна, одоохондоо. Учир начирыг нь олохгүй  байна. 

Өргөст хэмх гэж бас нэг сайхан ногоо байна. Хөргөөд идэхээр амны цангаа тайлна гэж юүхэв.

Зуны халууныг дээрх гурван ногоотой маш сайн найзалж л давах бололтой. Дараа бас нэг гого жимсний зураг оруулна аа.

Та нар минь бас халууныг өнөтэй? даваарай. Амжилт шүү...

Наадам

Зүгээр суухаар зүлгэхээс дээ. Ганц нэг зураг оруулах уу даа.
Энд тэндхийн монголчууд наадмаа бас л сайхан тэмдэглэх юм. Миний суугуул нутгийн хэдэн монголчууд жаахан тархай бутархай... Фракцтай...

Хааяадаа ганц нэгийг нь цуглуулах санаатай цаг завыг нь асууна аа. Бүгд л завгүй. Тэднийг завтайд би өөрөө завгүй.

Наадмын өмнөх хагас сайны өдрөөр хийж идсэн боорцог, хуушуур. Боорцгоо монгол зөөхийтэй идсэн чинь ямар сайхан амт байваа. Ёстой ховрын амт. Монгол ажлаар явж ирсэн найз хүүхэн бэлэглэсэн юм. Баярлалаа чамдаа. 

Маргааш нь ойрхон япон айлд уригдаж ууж идсэн. Ийм бөөрөнхий бөөрөнхий хонхортой тогоонд наймаалж шарж идсэн. Тусгай гурил өндөгтэй зуураад, энэ тогоондоо наймаалжнаас гадна дуртай зүйлээ хийж байгаад гурилаа хийж шарна. Эргүүлж тойруулаад бөөрөнхий болгоод гаргаад ирнэ. Түүнийгээ майонез, соус гэсэн амтлагчаар амтлаад иднэ.

Тэр цаана эргүүлэх гээд байж байгаа нь. Наана бид хоол болтол шийр зугаа гээд салат идэж байгаа нь. Наймаалжтай бөөрөнхий хоолыг такояки гэнэ.

Гэртээ байдаг ийм тогоогоо нээрээ ашиглаж үзнэ ээ гэсээр л харьж ирлээ. Хүүхнүүд цуглаад идэж уухдаа үүнийг идвэл зүгээр байдаг гэж япон айл маань хэлсэн. Дараа дахин цуглаж ббкю хийж, наргиж цэнгэхээр ам өчгөө өгөөд өндөрлөв. 

Намар хурдан болоосой... Мөрөөдөв.

Амьд шүү

Гого бялууны зураг оруулаад алга болчихсон уу? Хэ хэ.

Нэг хэсэг бороогоор шаагисан. Баруун бүсийн Япон нэлээд хэцүүхэн байдалтай л байна. Суугуул нутаг маань  бас баруундаа орно. Энд тэнд мэр сэр хөрсний гулгалт үүссэн. Азаар хүн амьтны гарз хохирол алга.

Урагшаагаа Окаяма, Хирошима, Эхимэ гэх мэт нутгаар айхтар сүрхий юм болж. Бурхан минь.

Олон ч хүний амийг аваад явчихлаа. Дотор нь настай хүмүүс голцуу, бага насныхан голцуу өртөх юм. Нэг гэр бүлийн 2 хүүхэд ээжтэйгээ хамт нурж орж ирсэн хөрсөнд даруулаад амиа алдсан мэдээ уншаад сэтгэл сонин болов, хэсэгтээ л...

Сэргээн босгох ажил өрнөж байгаа ч, урсаж ирсэн ахуйн элдэв хог хяагдал, шороогоо цэвэрлэх их ажил, мөн олдохгүй байгаа хүмүүсээ хайх ажилд нухлуулж байна.

Энд тэндээс хандив, сайн дурынхан ч их ирж байна.

Ядаж байхад сүүлийн 2 долоо хоног халуун гэж юүхэв байна.  35-40 хэм хүрч халаад, бас л нийт нутгаар нарны хордлого? болж талийчихаад байна. Чиба гэдэг мужид бага сургуулийн нэг хүүхэд нас барав. Бөөн л асуудал үүсч байна.

Сургууль цэцэрлэгүүдийн зуны амралтыг наашлшшлмаар байна, нийтийг хамарсан арга хэмжээ зохиомооргүй байна, айркондэшн суурьлуулж өгмөөр юм энэ гээд л ярилцаад байна.

Миний хувьд бороонд гайгүйхэн шиг өнгөрлөө. Гэхдээ ирэх долоо хоног ажлаар явахад минь бага зэрэг нөлөөлж байна. Яаж гэхээр 2 л дамждаг байсан галт тэргээ 4 дамжиж очно. Төмөр зам хөрсний нуралтад өртсөн тул, их л тойрч байж очно.

Наадмын өмнөхөн нэг монгол айлтай хуушуур, боорцог хийж идсэн. Хүүхдүүдээ хамт тоглуулсан. 11-нд багахаан хуушуур хийж идэв. Нүүр номоор нэг хуушуурны зураг харсан хүн чинь тэсэлгүй л хар халуунд хуушуур хайрлаа.

Гэх мэтчилэн есөн жор нь бүрдсэн суугуул нутагтаа халуунд хөлсөө урсагасан шиг л амьдарч байна даа.

Монголоор нэг зугаалсан хүмүүс. Ижий аав минь бас яаж дутахав. Зугаалж зугаалж ирсэн. Утас шөрмөс нь холбогдохгүй санасан гэж. Ашгүй нэг харьж ирж хот хөдөөгийн таньдаг таньдаггүй хамаатнуудынхаа сонин сайханг жаал сонсов. Энх тунх, ажил амьдралдаа зүтгээд л дор бүрнээ сайхан л байна гэнэ. Овойж оцойтол баяжих гээд хэрэггүй ээ, гол нь эрүүл саруул, бага ч гэсэн цалинтай л байвал болох нь тэр гэж боддог болсон. Нас ахиж буйн шинж ээ...

Одоо дахиад чилийсэн 1 долоо хоног 40  хүрч хална гэсэн. Яажшуухан давж гарах вэ?

Та бүхэндээ бас амжилт хүсье ээ.

Бялууны зураг

Түрүүчийн бичлэг их урт  болсон, та нар ойлгож уншиж чадсан уу? Хэ хэ.

Мелон жимсийг жижиг халбагаар ухаж аваад, хальсан дотор нь крем хийгээд, дээрээс нь ухаж авсан мелон жимсээ хийчихсэн байсан. Бас л сэтгэж байгаа юм шүү.   

Том, бага хоёр зулзага энэ мелон жимсэнд нэг их дуртай биш болохоор ээж л ихэнхийг нь идсэн.

Дараа харжээ суухад дурсамжтай юм даа. Ингэж бичиж оруулахгүй бол яг ямар арга хэмжээ болоод, үүнийг идсэн билээ? гэж бодох байх тэ?

Бага зулзагынхаа нэг хөөрхөн паянгийн ачаар идсэн юм шүү. Тэр тухай түрүүчийн бичлэгт...

Бодлоо. Хойшид манайхаар орж гарах япон хүүхдүүдийг маш гярхай ажиглан, нэг л илүү хөдөлгөөн хийвэл сургууль руу утасдаж, ээж рүү нь утасдаж, сүрийг бадруулна аа.

Тэр цэцэрлэгийн насны охины ээж бол нэлээд ааштай байрын санагдсан. Тэрэнд найз нөхөд ховор байх аа.

Зөөлөн нь хатуугаа гэж аав минь захьдаг юм. Дөвчигнөж дөвчигнөж, эргээд бодохоор шаал дэмий сүр бадруулсан байх тохиолдол байдаг болохоор, би аль болох тайван байхыг хичээдэг ч, чадахгүй үе бий бий.

Хүүхдүүд биднийг их л олон зүйлд ухааруулж, сургаж, баярлуулж, гомдоох юм даа тэ. Бид ч багадаа ээж аавдаа их л төвөг удсан байх даа. Уучлаарай. Хайртай шүү...

Бүх ээж аавуудад ирээдүйн хойч үеээ өсгөх, хүмүүжүүлэх их аянд нь амжлт хүсье ээ.

Зулзага минь дээ

Багахан зулзага минь нэг хэрэт тариад аа. Хи хи.

Одоо бол ээжийн уур гараад, эргээд өмөөрөх янзтай. Аав нь бол өмөөрөөд давхицан л даа.

Хичээлээсээ тарж ирээд л гадаа тоглодог юм. Нартай сайхан өдөр бол би ч гадаа тоглуулах дуртай. Тэгэхгүй бол зурагт шагайгаад  байдаг болохоор.

Нэг өдөр 18 цаг жаахан өнгөрөөд орж ирлээ. Зун цагт гадаа тоглох цаг 18 цаг хүртэл байдаг юм. Цаг болонгуут ая явна. Учиргүй тоглож байсан хүүхдүүд тал тал тийшээ тараад л алга болно. Их дуулгавартай, гэртээ харьж байгаа нь тэр.

Гаднаас орж ирээд, 00 орчихоод, гараа угааж байсан чинь хонх дуугарав. Ихэвчлэн цуг тоглоод байдаг ангийнх нь охины ээж зогсож байна.

-Та охиноосоо болсон явдлын талаар сонсов уу?
-Үгүй, охин дөнгөж сая орж ирээд л байж байна. Яасан.
-2 дугаар ангийн хүүхэд гэхээргүй үйлдэл гаргаад, танай охин.
-Яагаа вэ?
-Цэцэрлэгийн хүүхдийг хашлаганы ханан дээр тэнэг гэж бичээд.
-Юу? Охин минь уу?
-Тийм, танай охин эхэлж бичээд, тэгээд манай охин дуурайж дагаж бичээд.
-Өө, яана аа? Тэгсэн үү? Очиж уучлал гуйя даа, тэр тэнэг гэж бичүүлсэн охиноос.

Замдаа тэр ээж тэгж байна аа?
-Бичүүлсэн охины ээж сургууль руу нь утасдаж хэлсэн, би бас утасдсан. Өөр лүү чинь  багш нь утасдах байх.
-Өө тийм үү? Дотроо бол сүртэй шд, манийг багад өчнөөн л сонин сонин юм биччихсэн л байдаг байсан шд гэж бодоостой.

Уур л хүрээд л явчихсан. Багыгаа загнаад, дагуулж очоод, 90 хэм тонгойлгож байгаад л уучлал хүсэв. Бага зулзага надад загнуулаад, таван салааны амт үзчихсэн хүн чинь уйлаад л, уучлал гуйв.
-Би дахиж тэгэхгүй ээ? Би өөрөө тэнэг юм аа, уучлаарай.

Би бүр гайхав. Сонин? заагаад өгчихсөн юм шиг, нээх том хүн шиг уучлалт гуйхаар нь.

Өнөөх цементэн ханыг нь хальт гараараа хусаж үзэв. Бага зэрэг арилсан л даа, тухайн үедээ.

Бас тэсэлгүй хамт бичсэн охинд хэлэв.
-Чи жинхэнэ найз л юм бол дагаад, дуурайгаад бичих биш, буруу юм хийж байхад нь болиулах хэрэгтэй шд. Тэгснээ тэр л түрүүлж бичсэн гэж нэгэн лүүгээ чихээд байхдаа яадаг юм?

За тэгээд л ууртай хүн охиноо дагуулаад харив. Хань ижил ирсэн байв. Зүлгүүр энэ тэр олоод, очиж хусаад ир гээд хамт явуулав.

Хань ижил тэнд очоод бас тэнэг гэж бичүүлсэн хүүхдээс уучлал гуйсан байгаа юм. Тэгсэн хамт бичилцсэн охины ээж нь гарч ирснээ учиргүй бага зулзага руу минь дайраад байсан гэсэн. Тэгээд хань ижил бас тэсэлгүй, уур нь хүрээд, охиноо харьж байг гэж явуулчихаад, тэр хамт бичилцсэн охины ээжтэй үзэлцээд авсан гэсэн. Тэд нэг байранд юм билээ.

Үзэлцээд авна гэхээр учиргүй гар мар хүрэхгүй шүү дээ. Хэ хэ.
-Чи яагаад, өөрийн чинь охин хамт бичээ биз дээ? Яагаад, учиргүй миний охин луу ганцааран луу нь дайраад байгаа юм?
-Танай охин түрүүлж бичээд. Манайх зүгээр л дуурайж бичсэн.
-Өө, ямар сонин юм? Бичсэн бол бичсэн шд. Би хүүхдээ өмөөрч байгаа юм биш, буруу зүйл хийвэл мэдээж загнана. 2 хүүхэд байхад нэгийг нь илүү загнаад байгаад чинь уур хүрч байна...
-Тэгж ярьвал танай охин манай гэрт байсан чихэрнээс нууцаар авч идээд. Би тухайн үед нь загнаад, дараа хэлээд аваарай гэж хэлсэн.
-Хэдэн чихэр идсэн юм?
-Ганцыг идсэн. Хүүхдээ хайраар дүүрэн өсгө.
-Тэрийгээ чамаар заалгахгүй ээ.

Ха ха. Нэг ийм яриа болсон гэнэ. За тэр чихэрний яриаг би анх удаа сонсож байгаа болохоор бас бага зулзагатаа уурлав шд.

-Айлд орж тоглож болохгүй, гадаах цэцэрлэгтээ л тогло. Хүн чихэр энэ тэр өгвөл авч болохгүй. Мэдэв үү?
-За, ойлголоо... Нулимсаа татна.

Багш руу нь утасдаж хэлэв.
-Бичүүлсэн охиноос уучлал гуйгаад ирсэн. Охиныгоо ч зөндөө загнасан. Тоосыг нь бага зэрэг гөвсөн. Харин нэг юм хэлэхэд, тэр цуг бичсэн охин чухам л найз гэж хамт тоглодог юм байж, хамт хэрэг тарьчихаад би зүгээр л дагаж дуурайсан, С л хамгийн эхэнд бичсэн гэж нэгэн лүүгээ чихээд байхдаа яадаг юм? Жинхэнэ найз нөхөд ямар байх ёстой талаар сургууль дээр нь бас зааж өгмөөр юм. Бла ла.
-За ойлголоо. Хурдан шуурхай очиж уучлал гуйсанд баярлалаа.

Орой нь жаахан тайвширсан улсууд хоорондоо япончуудаа жаахан муулав шд.
-Амьдрал мэдэхгүй ёстой тэнэг юмнууд чинь...
-Жалга довноосоо гарч үзээгүй, ахархан бодолтой мангар юмнууд...
-Жаахан хүүхдэд нэг тийм үе байдаг шд, хүний юм гоё харагдаад, заримдаа хусчих гээд байдгийг мэддэггүй? Нэг л их илүү хөдөлгөөн хийдэггүй хүүхэдтэй юм шиг балай юмнууд...
-Уут дүүрэн чихэр бариад аваачаад өгчихмөөр юм бэ?

Хэ хэ. Ганц нэг гайгүй дотно байдаг япон хүмүүстэйгээ ярианыхаа явцад хэлж гомдоллов. -Танай энэ япончууд дотор бас сонин гарууд байх юм тэ? Тэд маань яахав.
-Тийм сүр болох зүйл биш л байх юм? Хүүхдүүд л болсон хойно есөн шидийн юм сэтгээд хийгээд явдаг шд. Одоо харин зарим нэг ийм сүржин ээжүүд их бболоод байгаа гэж ярих юм билээ?

Маргааш нь хамт бичсэн охины ээж бялуу авчирч өгсөн. Би дэлгүүр гарсан хойгуур ирсэн байсан. Тэгээд ч угаасаа тэр тэнэг гээд бичүүлсэн цэцэрлэгийн насны охинд нэг хөөрхөн чоко өгнө гээд бэлдсэн байсныгаа бариад, хажуугаар нь хамт бичсэн охинд бас нэг жижиг чоко бариад л хаалгыг нь тогшлоо.

-Өчигдөр уучлаарай, сэтгэлийн хөөрлөө барьж дийлэлгүй танай С охиныг илүү загнасанд.
-Өө, яах гэсэн юм?
-Зүгээр зүгээр, урдных шигээ найз хэвээрээ тоглоод явбал тийм ээ?
-Харин тийм ээ.

За нэг иймэрхүү сүржин юм болов. Бага зулзагынхаа буянаар нэг өвөрмөц бялуу идэв шд, нэр орой. Хи хи.

Ямар сургамж авав гэхээр? Занг нь сайн мэдэхгүй айлд орохгүй байх, хааяадаа цуг гарч хараа хяналтан дороо тоглуулах. Өөрийн бага насных шигээ болож болохгүй нь.

Дур хүрвэл бялууны зураг оруулна аа...

Амьд явахын төлөөх тэмцэл

Аяа бас л аймаар түүх.
Аймаар улс.
Аймаар сонголт
Айхтар тэмцэл...

Нэлээд хэдэн жилийн өмнө дэлхий нийтээр шуугисан даа. Би одоо л номыг нь уншиж эхэлж байна. Дуусаагүй л дээ.

Тээр жил "Атаархах эрхгүй" гэдэг номыг уншаад бас сэтгэл сонин болж байсан шүү. Хойд Солонгосын үнэн дүр төрх.

Нүүр номоор яваад байсан даа, манай 80-д оныхны ганц гайгүй яваа залуугийн удирдаж буй улс, ард түмэн...

Пак Ёнми охины тухай мэдэх байх өө тийм ээ? Би их хожуу л унших гэж байгаа болохоос.

Төрсөн нутаг Хойд Солонгосоосоо дүрвэж, амьдрахын тулд бас л тэмцэж ирсэн. Амьд явахын тулд ингэж тэмцдэг юм байна шүү дээ. Тэгэхэд хааяа нэг муу хар юмны араас үхэн хатан гүйгээд, бүтэлгүйдээд, агшиндаад байдаг охид нэг уншвал тийм ээ.

Еэ бас л яаж Хойд Солонгост очоод төрчихөөгүй юм...

Одоо төр засаг минь жаахан сэтгэл гаргаад ажиллачихвал миний Монгол уг нь баялагтай, аз жаргалтай орон юм байгаа юмсан.

Хэдэн ханаж цадахаа мэдэхээ байчихсан дарга нарын л чин сэтгэл мэдэх гээд  байх юм.

Боддог юм. Тэдний үр хүүхэд аавыгаа, ээжийгээ буруу зүйл хийгээд байхад жаахан загнаад, уурлаад явахад яадаг байна аа тэ?

Тархины тураалыг бичсэн Аяко хэлдсэн байдаг даа. Аав ээжийнхээ хахуульны мөнгөөр гадаадад сураад, ичих ч үгүй яваад байдаг гэж...

Би бол үр хүүхдээ хойшид толгой бардам, ээж ааваараа бахархаад яваасай гэж л хүсдэг. Өөрөө ч ээж ааваараа бахархдаг. Хэдийгээр хоёр иддэг тансаг өсөөгүй ч, бидэнд амьдралын ухааныг ихээр хайрласан. Хүнд тусархаг зан нь өвлөгдсөн. Эргэж хариу нэхэлгүй зөндөө л хүмүүст өөрийн чадах зүйлээрээ тусалсан байдаг.

За за юу ярьж байлаа? Ном, Хойд Солонгос. Ямартай ч уншина гэж төлөвлөсөн байсныгаа эхлүүллээ. Энэ сардаа амжаад дуусгахыг хичээнэ ээ. Ажлын газрын нэг хүүхэн "аймар ном" гэсэн. Сэтгэл эмзэглүүлсэн зүйл ихээр гарна, сэтгэл зүйгээ бэлдээд л уншина даа.

Ярилцлага нь нэт, юүтүбээр их байдаг юм шиг байна лээ. Хэрэв номыг нь унших боломжгүй бол бэлэнчлээд, олж үзээрэй...

Өөртөө амжилт,  мөн байгаа зүйлдээ сэтгэл хангалуун, талархаж амьдрана аа.

7 сар гарчихлөө

Ямар ч хурдан юм. 7 сар гарчихлөө.
Энд тэнд наадмын гоёл гэсэн л зар харагдах болж.
Монголчууд та нар ганган шүү, цоглог шүү, зоослог шүү.
Жил бүрийн наадмаар дээлээ сольж өмсөөд л.
Хуучин дээлээ яадаг вэ? Асуух гээд л яваад байдаг байлаа.

Би уртаашаа өргөөшөө хоёрхон дээлтэй байсныгаа нэгийг нь актлаад. Оронд нэг шинэ дээлтэй болсон. Тэрийгээ 12-ны өдөр өмсөөд л гарна даа. Хэ хэ. Өмсөөд гарахгүй ээ, хар халуунд юун дээл. Зүгээр л цүнхэлж аваад гарна. Нэгэн бага сургууль дээрх танилцуулга хичээлд өмсөж орно. Хар халуунд урсаж өгөх байх аа? Халшраад л байна шүү.

Халуунд дээл өмсөхөөр хөлс баас гоожоод, үнэр танар шингээд, дараа нь дээлээ арчлах гэж аяа бас л...

11-нд ажилтай, 12-нд ажилтай, 13-нд ажилтай. За за наадмын өдрүүдэд бүгдэд нь ажилтай. 14, 15-нд амрана аа амрана. Тэгэхээрээ хуушуур хийж идэх санаа байна. Халууцаад залхуурч ч магад. Гараад л сайхан наадмын хуушуурыг голж шилж байгаад идэх юмсан. Хэдэн жил ч наадмын хуушуур идсэнгүй вэ дээ? Яг ориг нар сар гэрэлтсэн хуушуурыг ориг наадмын талбай дээрээс идээгүй удаж байна гэсэн үг шүү. Түүнээс нар сар гэрэлтсэн хуушуур энд хэд хэдэн удаа идсээн идсэн.

Сүүлийн үед ганц нэг хүмүүстэй хэг ёг хийсэн. Би хүнд хэлэх үгийг нь заасан болж, өөртэйгөө адилхан байлгах гэж хэт чармайсан болж буруудсан. Одооноос загас шиг дуугай байхаар шийдсэн. Чадахгүй ээ туучий чинь. Хи хи. Бүр болохгүй бол эндээ л сараачихаас, хүнд заачих гээд байвал. Уншигч олон та нар алгасаад явчихна биз?

7 сарын онцлог гэвэл сургуулийн амралт эхлэнэ, болоогүй ээ, сүүлээр. Би бас сүүлээр мужаасаа гарч ажиллана. Мөн  Монголоос танилцах дадлагаар 10 жилийн сурагчид ирнэ. Тэд нартай ганц нэг өдөр тулж ажиллана.

Ээлжит жүжгээ үзнэ, бага зулзага бид хоёр.
Үсчинд захиалга өгсөн. Жилдээ ганц удаа үсчин орж байна. Ургаад, арзайгаад ирэхээр нь сайхан годогонуулаад боочихно. Ямар сайндаа нэг монгол эгч томоос том охинтой гэсэн чинь гайхаад байсан. Чи өөрөө жоохон биз дээ? гээд. Тийм ээ би өндөр намаараа жоохоон жоохон. Хэ хэ.

Өө бас нэг газар очиж монгол хоол хийнэ. Хань ижлийн найз эмээ гуйгаад аа. Гэснээс хань ижил эмээ найз олонтой, би өвөө найз олонтой. Энэ одоо ариун явдал уу ч гэх шиг. Ккк

Бага зулзагын монгол хэл гайгүй сайжраад. Сайжраад ч гэж дээ, өөрөөсөө ярих гээд байдаг болсон байна лээ. Дуудлага энэ тэр бол мэдээж гадны хүн шиг л дээ. Уулзаж учирдаг хүмүүс минь битий шоолоорой, харин ч мундаг гээд байгаарай. Плийз шүү.

Өө тийм, саяхан бага зулзага гайхал минь нэг хэрэг мандуулаад, дараа бичимз... Сүр л юм боллоо. Жалга довноосоо гараагүй япон хүн, амьдрал мэдэхгүй япон хүн байна цаана чинь бас. Энэ олон хүн дотор тийм ээ?